ខេត្តសៀមរាប ៖ ប្រាសាទតានៃ បានកសាងឡើងនៅចុងសតវត្សទី១២ ក្នុងរជ្ជកាលព្រះបាទជ័យវរ្ម័នទី៧ ឧទ្ទិសដល់ព្រះពុទ្ធសាសនា ។ ឆ្លងកាត់អាយុកាល និងឥទ្ធិពលនៃអាកាសធាតុរាប់រយឆ្នាំ បានធ្វើឱ្យសំណង់ខ្លះនៃប្រាសាទរងនូវការខូចខាត និងដួលរលំជាច្រើនកន្លែង ។
យោងតាមផេកហ្វេសប៊ុកក្រសួងវប្បធម៌ និងវិចិត្រសិល្បៈកាលពីថ្ងៃទី២២ កញ្ញា ២០១៩ ផ្សាយថា ប្រាសាទតានៃ ស្ថិតក្នុងព្រៃ ពុំសូវមានទេសចរទៅកម្សាន្តច្រើនទេ ហើយក៏ពុំធ្លាប់ជួសជុលពីមុនមកដែរ ដោយគ្រាន់តែមានការទល់ទ្រនៅផ្នែកខ្លះតែប៉ុណ្ណោះ ។
នាពេលបច្ចុប្បន្ន អ្នកជំនាញអាជ្ញាធរជាតិអប្សរា គ្រោងនឹងជួសជុលខ្លោងទ្វារខាងកើតដើម្បីអភិរក្សស្នាដៃដូនតាមួយនេះឱ្យបានរួចចាកផុតភាពខ្ទេចខ្ទាំ ដើម្បីទុកជាមរតកដល់កូនចៅជំនាន់ក្រោយបានឃើញ និងសិក្សាស្រាវជ្រាវបន្ត ៕ (កែសម្រួលដោយ ៖ បុប្ផា)
ចែករំលែកព័តមាននេះ