ខេត្តបន្ទាយមានជ័យ ៖ បន្ទាប់ពីមានភ្លៀងបន្តធ្លាក់ជាប់ៗប៉ុន្មានថ្ងៃចុងក្រោយនេះ បានធ្វើឲ្យពលរដ្ឋជាច្រើនគ្រួសារ ពិសេសអ្នករស់នៅខាងត្បូងផ្លូវជាតិលេខ5 ក្នុងក្រុងប៉ោយប៉ែត ត្រូវរងកាលិចលង់លំនៅឋានហើយជិត១០០គ្រួសារ ត្រូវបានអាជ្ញាធរជួយសង្គ្រោះឡើងទីទួលសុវត្ថិភាព និងកំពុងបន្តជួយ ខណៈហេដ្ឋារចនាសម្ព័នមួយចំនួនរងកាជន់លិចដូចគ្នា។…
ខេត្តបន្ទាយមានជ័យ ៖ បន្ទាប់ពីមានភ្លៀងបន្តធ្លាក់ជាប់ៗប៉ុន្មានថ្ងៃចុងក្រោយនេះ បានធ្វើឲ្យពលរដ្ឋជាច្រើនគ្រួសារ ពិសេសអ្នករស់នៅខាងត្បូងផ្លូវជាតិលេខ5 ក្នុងក្រុងប៉ោយប៉ែត ត្រូវរងកាលិចលង់លំនៅឋានហើយជិត១០០គ្រួសារ ត្រូវបានអាជ្ញាធរជួយសង្គ្រោះឡើងទីទួលសុវត្ថិភាព និងកំពុងបន្តជួយ ខណៈហេដ្ឋារចនាសម្ព័នមួយចំនួនរងកាជន់លិចដូចគ្នា។
ជំនន់ទឹកភ្លៀង នៅព្រឹកថ្ងៃទី23កញ្ញា នេះ បានឡើងខ្លាំង ដោយសារទឹកជំនន់បានធ្លាក់ពីតំបន់ខ្ពស់ៗ។ ផ្លូវលំ-បេតុងរងការជន់លិចដងផ្លូវ ខ្លះមិនអាចធ្វើដំណើរបាន ព្រោះទឹកជ្រៅហើយដងផ្លូវ ដែលមានទឹកជ្រៅទាំងនេះត្រូវអ្នកស្រុកដាក់មេឃឈើ-ធុងសាំង កន្លែងខ្លះដាក់រទេះកាត់ផ្លូវតែម្តង ។ ផ្លូវជាតិលេខ៥ប្រហែល៤០០ម៉ែត្រ រងកាជន់លិចធ្វើឲ្យយានយន្តត្រូវកកស្ទះ ព្រោះដំណើរទៅមកឆ្លងកាត់ទីនោះយឺត ។
យ៉ាងណាក៏ដោយអាជ្ញាធរក្រុងប៉ោយប៉ែតអះអាងថា ពុំមានពលរដ្ឋណាម្នាក់ជួបគ្រោះថ្នាក់នៅឡើយទេមកទល់និងពេលនេះ ហើយបានជួយសង្គ្រោះជិត១០០គ្រួសារ មកកាន់ទីទួលសុវត្ថិភាព២កន្លែងផ្សេងគ្នាមួយទីតាំងនៅចំណុចភូមិប៉ោយប៉ែត និងមួយទីតាំងទៀតនៅចំណុចផ្សារអគារថ្មី ក្នុងភូមិអូរជ្រៅនិងកំពុងជួយសង្គ្រោះបន្ត ។
អាជ្ញាធរបានយកធុងសាំងធ្វើក្បូនចំនួន២គ្រឿងដើម្បីជួយដឹកពលរដ្ឋនិងសម្ភារឡើងទីទួលសុវត្ថិភាព។នៅម៉ោងជាង១១ព្រឹកថ្ងៃដដែលនេះ លោកអ៊ុំ រាត្រី ភិបាលនៃគណៈអភិបាលខេត្តបន្ទាយមានជ័យ លោកគាតហ៊ុល អភិបាលក្រុងប៉ោយប៉ែត បានដឹកនាំកងកម្លាំង ក៏ដូចជាអាជ្ញាធរមូលដ្ឋានចុះពិនិត្យទឹកជំនន់នៅក្នុងក្រុងប៉ោយប៉ែត និងសួរសុខទុក្ខពលរដ្ឋដែលរងគ្រោះទាំងនេះ និងធ្វើពិធីចែកអំណោយជាគ្រឿងឧបភោគ បរិភោគជាបឋមទៀតផង។ (សម្រួលដោយ៖ ស្រីណា)
ចែករំលែកព័តមាននេះ