ខេត្តកំពង់ចាម ៖ ឧត្តមសេនីយឯកហ៊ុន ម៉ាណែត អគ្គមេបញ្ជាការរង និងជាមេបញ្ជាការកងទ័ពជើងគោកនៃកងខេមរភូមិន្ទបានថ្លែងនូវការដឹងគុណចំពោះយោធិនចូលនិវត្តន៍ដែលបានលះបង់សាច់ស្រស់ ឈាមស្រស់ ដើម្បីរំដោះជាតិឲ្យរួចផុតពីរបបប្រល័យពូជសាសន៍ ហើយបន្តចូលរួមថែរក្សាការពារសុខសន្តិភាពនៅកម្ពុជា ។
ការរម្លឹកគុណបំណាច់របស់ឧត្តមសេនីយឯក ហ៊ុន ម៉ាណែត ធ្វើឡើងក្នុងឱកាសចូលរួមក្នុងពិធីសំណេះសំណាលបំពាក់ឋានន្តរសក្តិជូនយោធិនត្រូវចូលនិវត្តន៍ ឆ្នាំ២០១៩ នៅយោធភូមិភាគទី២ ខេត្តស្ទឹងត្រែង នាថ្ងៃទី២២ ខែកញ្ញា ឆ្នាំកន្លងទៅនេះ ។
លោកបញ្ជាក់បន្ថែមថា រាជរដ្ឋាភិបាលកម្ពុជាដឹកនាំដោយសម្តេចនាយករដ្ឋមន្ត្រី ហ៊ុន សែន មិនដែលភ្លេចឡើយនូវគុណបំណាច់ដ៏ធំធេងរបស់យោធិនចូលនិវត្តន៍ ។ ឧត្តមសេនីយ៍ឯក ហ៊ុន ម៉ាណែត បានឲ្យដឹងថា រាជរដ្ឋាភិបាលមិនដែលភ្លេចគុណណូបការៈចំពោះយោធិនជំនាន់មុន ដែលចូលរួមសង្គ្រោះជាតិ និងថែរក្សាសុខសន្តិភាពនោះទេ ។ មិនតែប៉ុណ្ណោះនៅក្នុងក្របខណ្ឌកងទ័ពជើងគោកបានផ្ដល់ឱកាសឲ្យកូនចៅបង្កើតរបស់អ៊ំពូមីងដែលជាអតីតយុទ្ធជន និងយោធិនចូលនិវត្តន៍មានឱកាសចូលបម្រើកងទ័ព ដែលនេះ គឺជាការតបស្នងចំពោះយោធិនជំនាន់មុន ។
ឧត្តមសេនីយ៍ឯក ហ៊ុន ម៉ាណែត បានបន្តថា ការជួបជុំនាថ្ងៃនេះ គឺជាការជួបជុំប្រកបដោយ អត្ថន័យខ្លឹមសារ និងមនោសញ្ចេតនាស្និទ្ធស្នាលជ្រាលជ្រៅជាទីបំផុត និងមានមោទនភាព ដោយបានបំពាក់ឋានន្តរស័ក្តិថ្មី ជូនយោធិនចូលនិវត្តន៍ នៅយោធភូមិភាគទី២ ដែលចូល និវត្តន៍នៅក្នុងឆ្នាំ២០១៩នេះ ។ លោកបញ្ជាក់បន្ថែមថា ការបំពាក់ឋានន្តរស័ក្តិថ្មីជូនយោធិនចូលនិវត្តិន៍នាពេលនេះ គឺស័ក្តិសមនឹងកិច្ចខិតខំប្រឹងប្រែង ប្រកបដោយការលះបង់ និងពលិកម្មគ្រប់បែបយ៉ាង ក្នុងការបំពេញភារ កិច្ចជូនជាតិទាំងក្នុងដំណាក់កាលសង្គ្រាម និងសន្តិភាព ជាពិសេសនៅទិសយោធភូមិភាគទី២នេះផ្ទាល់តែម្តង ។
ឧត្តមសេនីយឯករូបនោះបានលើកឡើងថា ប្រទេសយើងបានសុខសន្តិភាព មកដល់សព្វថ្ងៃ បាន ដោយសារនយោបាយឈ្នះ-ឈ្នះ របស់សម្ដេចតេជោ ហ៊ុន សែន និងអ្នកចូលរួមនៅក្នុង នយោបាយឈ្នះ-ឈ្នះនេះ រួមមានអ៊ំពូមីងយោធិនចូលនិវត្តន៍ នាយទាហានជំនាន់១ តាំងពីការរំដោះប្រទេសជាតិ និងការបញ្ចប់សង្គ្រាម ។ លោកថា ការបំពាក់ឋានន្តរស័ក្កិនេះមិនមែនតែសម្រាប់យោធិននៅក្នុងសម័យរដ្ឋកម្ពុជានោះទេ គឺនៅក្នុងក្របខណ្ឌកងយោធពល ខេមរភូមិន្ទទាំងមូល» ។
បើតាមឧត្តមសេនីយ៍ឯក ហ៊ុន ម៉ាណែត រម្លឹកថា ការបំពាក់ឋានន្តរស័ក្កិជូនដល់យោធិនចូល និវត្តន៍ គឺជាការលើកទឹកចិត្ត លើកកិត្តិយសនាយទាហានជំនាន់១ ដែលមានគុណបំណាច់ និងស្នាដៃដ៏ធំធេងជាច្រើនដែលចូលរួមចំណែកក្នុងការកសាងសន្តិភាព និងការអភិវឌ្ឍ សម្រាប់ជាតិ និងប្រជាជនកម្ពុជា ។ លោកក៏បានថ្លែងអំណរគុណ ចំពោះការលះបង់ការខិតខំបំពេញភារកិច្ចរបស់យោធិនចូលនិវត្តន៍ នៅក្នុងភូមិភាគទី២ ដែលបានបំពេញភារកិច្ចជូនជាតិមាតុភូមិ និងចូលរួមរក្សាសុខ សន្តិភាព ស្ថិរភាព ឱ្យកូនចៅជំនាន់ក្រោយបានរស់សុខសាន្ត និងដើម្បីបញ្ជាក់អំពីការប្ដេជ្ញាចិត្តរបស់រាជរដ្ឋាភិបាល ដែលមានសម្ដេចតេជោ ហ៊ុន សែន និងថ្នាក់ដឹកនាំក្រសួងការពារជាតិ នៅក្នុងការខិតខំជួយយកចិត្តទុកដាក់ អតីតយុទ្ធជន គ្រួសារអតីតយុទ្ធជន និងកូនចៅអតីតយុទ្ធជន ។
គួរម្លឹកថា យោធិនចូលនិវត្តន៍ របស់យោធភូមិភាគទី២ ដែលបានចូលនិវត្តន៍នៅក្នុងឆ្នាំ២០១៩ ហើយដែលត្រូវបំពាក់ឋានន្តរស័ក្តិមានចំនួន៤១៣រូប ៕
ចែករំលែកព័តមាននេះ