James Maddison ធ្វើឱ្យអ្នកគាំទ្រ Leicester ភ្ញាក់ផ្អើលជាមួយនឹងកាបូប LV របស់ខ្លួន
តាមប្រភពព័ត៌មាន The Sun បានឱ្យដឹងថា កីឡាករ James Maddison ត្រូវបានមហាជនលើបណ្តាញសង្គមសើចចម្អកចំពោះការស្ពាយកាបូប Louis Vuitton…
តាមប្រភពព័ត៌មាន The Sun បានឱ្យដឹងថា កីឡាករ James Maddison ត្រូវបានមហាជនលើបណ្តាញសង្គមសើចចម្អកចំពោះការស្ពាយកាបូប Louis Vuitton តម្លៃ៦៥០០ផោន មកតារាងពេលប្រកួតជាមួយនឹង Tottenham ។
អ្នកសារព័ត៌មានរបស់ BBC លោក Dan Walker បានបង្ហោះរូប James ពេលដើរចូលទៅក្នុងបន្ទប់ផ្លាស់ប្តូរសម្លៀកបំពាក់របស់ Leicester។ ពេលនោះ James កំពុងពាក់កាតាប LV ថ្លា ដែលមើលទៅដូចជាកាតាបក្មេងៗស្ពាយកាលពីនៅក្មេង ។ លោកបានសរសេរភ្ជាប់មកថា ៖ «តើនេះ គឺជាកាតាបប្រណិតរបស់ Maddison ឬ ? តម្លៃ៦៥០០ផោន?» មានអ្នកគាំទ្រម្នាក់បានសរសេរតបវិញថា៖ «តម្លៃ៦៥០០ផោន? មើលទៅដូចជា កាតាបក្មេងអាយុ៨ឆ្នាំ សម្រាប់ដាក់ខ្មៅដៃពណ៌មកពីសាលាអ៊ីចឹង។»
ម្នាក់ទៀតបានសរសេរថា៖ «វាមើលទៅដូចជា អ្វីដែលកូនស្រីរបស់ខ្ញុំស្ពាយទៅណាមកណា សម្រាប់ដាក់កូនក្រមុំតុក្កតាលេងអ៊ីចឹង ។ ថ្លៃបានតែថ្លៃ!»
តម្លៃរបស់កាតាបនេះអាចឆែកមើលបានតាមរយៈវេបសាយរបស់ Louis Vuitton ជាផ្លូវការបាន ដោយវាមានឈ្មោះថា Louis Vuitton Virgil Christopher Prism Backpack។ តម្លៃរបស់វា គឺខ្ពស់មែនទែន បើទោះបីជាវាមិនធ្វើឡើងពីស្បែកប្រណិតក៏ដោយ ៕ កែសម្រយលដោយ ៖ សុឃាក់
ចែករំលែកព័តមាននេះ