ប្រទេសបារាំង ៖ ចលនាតវ៉ាថ្ងៃសៅរ៍ របស់ពួកអាវកាក់លឿងបារាំង កាលពីថ្ងៃទី២១ ខែកញ្ញាប្រព្រឹត្តទៅក្រោមភាពតានតឹងនៅក្រុងប៉ារីស ដោយពួកបាតុករទាំងនោះបានចូលឡូកឡំជាមួយពួកបាតុករដើម្បីបរិយាកាស។
នាវេលារសៀលប៉ូលិសប្រកាសថា ពួកសកម្មជនរ៉ាឌីកាល់ បានចូលឡូកឡំក្នុងបាតុករដើម្បីបរិស្ថាន ហើយបន្ទាប់មកផ្ទុះអំពើហិង្សាដុតអគារនិងបារ៉ាស់នានា។
ក្នុងបាតុកម្មថ្ងៃសៅរ៍ទី៤៥ ពួកបាតុករដែលភាគច្រើនជាពួកអាវកាក់លឿងបានគប់បំបែកកញ្ចក់ ដុតបណ្ដាធុងសម្រាមនិងរបាំងនានា។
ដំបូងប្រព្រឹត្តទៅក្នុងភាពស្ងប់ស្ងាត់ ក្បួនដង្ហែរដើម្បីបរិយាកាសភ្លាមៗប្រែក្លាយទៅជាមានការប៉ះទង្គិចគ្នាព្រមទាំងឧប្បត្តិហេតុនានានៅវេលាល្ងាច។
ប្រមុខប៉ូលិសក្រុងបានអំពាវនាវឲ្យវែកមុខ ពួកបុគ្គលហិង្សា បន្លំខ្លួនចូលក្នុងក្បួនហែរបស់បាតុកម្មដើម្បីបរិស្ថាន ហើយប្រែក្លាយទៅផ្ទុះហិង្សា នាវេលាម៉ោង១៤និង៣០នាទីចាប់ពីមហាវិថីSAINT MICHELទៅ។ យោងតាមប៉ូលិសថា នោះជាបាតុកររ៉ាឌីកាល់យ៉ាងតិច១០០០នាក់ដែលមួយចំនួនបង្កការអុកឡុក។
បាតុករក្រុមតូចៗតាមដងមហាវិថីនោះ បានលើកគ្នាចូលអុកឡុកក្នុងធនាគារមួយ ហើយបំផ្លាញបណ្ដាទីតាំងរង់ចាំរថយន្តបឺស និងចូលក្នុងការដ្ឋានមួយ លើកយករបស់របរនានាមកបង្កើតជារបាំងរាំងផ្លូវ។
តាមដងមហាវិថីនោះពួកបាតុករបានដុតម៉ូតូនៅកណ្ដាលថ្នល់ និងគប់បំបែកកញ្ចក់ហាងទំនិញទាំងឡាយ។
ប៉ូលិសបានធ្វើអន្តរាគមន៍ដោយបាញ់ឧស្ម័ន់បង្ហូរទឹកភ្នែក ហើយពួកបាតុករបានគប់ដបសាំងដុតនិងដុំថ្មតបតវិញ។ បាតុករប្រមាណជា១២៣នាក់បានត្រូវចាប់ខ្លួន៕ (កែសម្រួលដោយ ៖ បុប្ផា) (ប្រភវីដេអូ ៖ Sputnik France & Xenia__Sputnik)
ចែករំលែកព័តមាននេះ