វាជារឿងគួរឱ្យអស់សំណើចមួយ ដែលនៅក្នុងឱកាសបុណ្យភ្ជុំបិណ្ឌនេះ ស្រាប់តែមានស្ត្រីមួយរូប បានយកស្រាបៀរទៅប្រគេនព្រះសង្ឃ ដើម្បីឧទ្ទិសដល់ស្វាមីរបស់ខ្លួនដែលបានលាចាកលោកទៅ ។ បើយោងតាមហ្វេសប៊ុករបស់ព្រះតេជគុណមួយអង្គព្រះនាម ជ័យ ភានិត ដែលបានបង្ហោះរូបភាពស្រាបៀរដែលប្រគេនព្រះសង្ឃកាលពីថ្ងៃទី១៩…
វាជារឿងគួរឱ្យអស់សំណើចមួយ ដែលនៅក្នុងឱកាសបុណ្យភ្ជុំបិណ្ឌនេះ ស្រាប់តែមានស្ត្រីមួយរូប បានយកស្រាបៀរទៅប្រគេនព្រះសង្ឃ ដើម្បីឧទ្ទិសដល់ស្វាមីរបស់ខ្លួនដែលបានលាចាកលោកទៅ ។
បើយោងតាមហ្វេសប៊ុករបស់ព្រះតេជគុណមួយអង្គព្រះនាម ជ័យ ភានិត ដែលបានបង្ហោះរូបភាពស្រាបៀរដែលប្រគេនព្រះសង្ឃកាលពីថ្ងៃទី១៩ កញ្ញា នេះ ជាមួយនឹងសារបានឲ្យដឹងថា ញោមរដូវបុណ្យទានគាត់យកស្រាបៀរមកប្រគេនព្រះសង្ឃ ដើម្បីឧទ្ទិសមគ្គផលទៅឲ្យប្តីដែលស្លាប់ គាត់គិតថា មានតែធ្វើបុណ្យជាមួយព្រះសង្ឃទេ ទើបស្រាបៀរនេះ បានដល់ប្តីគាត់ ញោមៗលេងសើចជាមួយអាត្មាទេដឹងឲ្យគ្រឿងស្រវឹង មិនបានបុណ្យទេញោម ។
បន្ថែមពីលើអ្វីដែលបានសសេរបង្ហោះនោះព្រះសង្ឃខាងលើ ក៏បានបញ្ជាក់ប្រាប់ញាតិញោមដែលសួរដេញដោលអំពីរឿងនេះថា ជារឿងពិត គាត់ស្តាប់ព្រះសង្ឃទេសនាអត់ចប់ គាត់ស្តាប់ត្រឹមតែព្រះសង្ឃទេសនាធ្វើបុណ្យជាមួយនាក់មានសីល ទើបអាចឧទ្ទិសកុសលដល់អ្នកស្លាប់បាន តែគាត់អត់បានស្តាប់គ្រឿងស្រវឹងមិនអាចឧទ្ទិសកុសលដល់អ្នកបាន កន្លែងនឹងអត់នៅស្តាប់ គាត់ប្រញាប់ទៅផ្ទះ។
យ៉ាងណារឿងរ៉ាវមួយនេះ បានក្លាយជាទីចាប់អារម្មណ៍ និងផ្ទុះសំណើចពេញបណ្តាញសង្គមហ្វេសប៊ុកនៅពេលមានការចែករំលែកតៗគ្នា ។ ជាការកត់សម្គាល់ ការសេពគ្រឿងស្រវឹងត្រូវបានក្រុមអ្នកជំនាញខាងផ្នែកសាសនាព្រះពុទ្ធពន្យល់ថា ការសេពគ្រឿងស្រវឹង ជារឿងធ្វើផ្ទុយពីសាសនាព្រះពុទ្ធ និងផ្ទុយពីអ្វីដែលព្រះពុទ្ធជំរុញឲ្យមនុស្សដើរផ្លូវត្រូវ និងឆ្ពោះទៅរកការអភិវឌ្ឍ និងសុខសន្តិភាព ។
សុរាជាសិក្ខាបទទី ៥នៃពុទ្ធសាសនាក្នុងចំណោមសីលទាំង ៥ ។ តាមច្បាប់វិន័យសង្ឃ បើទោះជាការឆាន់ស្រាជាទោសមិនដល់ថ្នាក់បារាជិកក្តី ក៏គួរអ្នកបួសវៀរចេញឲ្យឆ្ងាយ ដើម្បីសេចក្តីថ្លៃថ្នូរ និងដើម្បីចម្លងសាសនា ដាក់ឲ្យដល់ដែនកំណត់ផង តែបើនៅតែជាប់ចិត្តជំពាក់អារម្មណ៍ក្នុងគ្រឿងស្រវឹង ចេះតែចង់សាកល្បង គួរលះភេទជាអ្នកបួសជាមុនសិន ៕ (សម្រួលដោយ៖ ស្រីណា)
ចែករំលែកព័តមាននេះ