រដូវកាលថ្មី Juventus សម្លឹងឃើញអតីតមិត្តរួមក្រុម Ronaldo ១រូបនៅ Real Madrid
តាមប្រភពព័ត៌មាន The Sun បានឱ្យដឹងថា ក្លិបសេះបង្កង់ Juventus កំពុងតែមើលឃើញកីឡាករ Isco របស់ក្លិបអធិរាជស Real…
តាមប្រភពព័ត៌មាន The Sun បានឱ្យដឹងថា ក្លិបសេះបង្កង់ Juventus កំពុងតែមើលឃើញកីឡាករ Isco របស់ក្លិបអធិរាជស Real…
តាមប្រភពព័ត៌មាន The Sun បានឱ្យដឹងថា ក្លិបសេះបង្កង់ Juventus កំពុងតែមើលឃើញកីឡាករ Isco របស់ក្លិបអធិរាជស Real Madrid សម្រាប់រដូវកាលក្រោយ ។
កីឡាករអេស្ប៉ាញរូបនេះ នៅលេងឱ្យ Real Madrid ក្នុងរដូវកាលនេះ ក្រោយពីរំពឹងថាអនាគតរបស់ខ្លួននឹងល្អប្រសើរ ក្រោមការដឹកនាំរបស់ Zinedine Zidane។ នៅពេលនេះ វេបសាយរបស់អ៊ីតាលី Calciomercato ចុះផ្សាយថា ក្លិប Juve នឹងមកចែចូវកីឡាករអាយុ២៧ឆ្នាំនេះ សម្រាប់រដូវកាលក្រោយ ។
លើសពីនេះទៅទៀត ជើងខ្លាំងពីជំនាន់មុនរបស់អ៊ីតាលី Andrea Pirlo បានប្រាប់ក្លិបរបស់ខ្លួនឱ្យទិញយក Isco មកភ្លាមៗ ស្របពេលជាមួយនឹងការចង់បានរបស់គ្រូបង្វឹកក្លិប Manchester City លោក Pep Guardiola ។ ខាង Man City ចង់បាន Isco មកលេងនៅក្លិបរបស់ខ្លួន ជំនួសឱ្យ David Silva ។
ជាមួយនឹងការចង់បានរបស់ក្លិបទាំងពីរ ខាង Liverpool គ្រូបង្វឹក Jurgen Klopp ក៏ចង់បានដែរ។ លោកគិតថា Isco មានគំនិតច្នៃប្រឌិតខ្ពស់ ដែល Liverpool កំពុងតែត្រូវការ ។ នេះគឺមិនទាន់ទាំងអស់ចំហាយទិញដូរកីឡាករផង ក្លិបទាំងនេះបានគិតគូរសម្រាប់រដូវកាលក្រោយទៅហើយ ៕
ប្រភព ៖ thesun , កែសម្រួលដោយ ៖ សំណាង
ចែករំលែកព័តមាននេះ