រាជធានីភ្នំពេញ ៖ បើតាមសេចក្តីរាយការណ៍បឋមបានឱ្យដឹងថា បើគិតរហូតមកដល់ថ្ងៃនេះ គឺថ្ងៃទី១៨ ខែកញ្ញា ឆ្នាំ២០១៩ ឪពុកម្តាយរបស់ក្មេងប្រុសរងគ្រោះដែលស្លាប់បាត់បង់ជីវិតក្នុងហេតុការណ៍ឆេះផ្ទះកាលពីម្សិលម៉ិញនេះ គឺឪពុកម្តាយទាំង២នាក់កំពុងស្ថិតក្នុងស្ថានភាពសង្គ្រោះបន្ទាន់នៅមន្ទីរពេទ្យកាល់ម៉ែត្រនៅឡើយនោះទេ ដោយឪពុកក្មេងរងគ្រោះគឺសភាពធ្ងន់ធ្ងរ…
រាជធានីភ្នំពេញ ៖ បើតាមសេចក្តីរាយការណ៍បឋមបានឱ្យដឹងថា បើគិតរហូតមកដល់ថ្ងៃនេះ គឺថ្ងៃទី១៨ ខែកញ្ញា ឆ្នាំ២០១៩ ឪពុកម្តាយរបស់ក្មេងប្រុសរងគ្រោះដែលស្លាប់បាត់បង់ជីវិតក្នុងហេតុការណ៍ឆេះផ្ទះកាលពីម្សិលម៉ិញនេះ គឺឪពុកម្តាយទាំង២នាក់កំពុងស្ថិតក្នុងស្ថានភាពសង្គ្រោះបន្ទាន់នៅមន្ទីរពេទ្យកាល់ម៉ែត្រនៅឡើយនោះទេ ដោយឪពុកក្មេងរងគ្រោះគឺសភាពធ្ងន់ធ្ងរ ជាងប្រពន្ធ ។
គួរបញ្ជាក់ថា ឪពុកក្មេងប្រុសរងគ្រោះ គឺស្ថិតនៅក្នុងស្ថានភាពធ្ងន់ធ្ងរ ហើយគាត់រងរបួសធ្ងន់ដោយសារតែគាត់ព្យាយាមរត់ចូលទៅក្នុងផ្ទះដែលកំពុងតែឆាបឆេះនោះ ដើម្បីសង្គ្រោះកូនប្រុសរបស់គាត់ ប៉ុន្តែមិនអាចយកបាន ដោយខ្លួនគាត់រងរបួសធ្ងន់រួចក៏លោតចុះទៅទឹក បន្ទាប់មកក៏គាត់ស្ទុះឡើងពីមកវិញ រួចរត់ចូលទៅក្នុងភ្លើងម្តងទៀតដើម្បីសង្គ្រោះកូនប្រុសខ្លួន ប៉ុន្តែនៅតែមិនអាចសង្គ្រោះកូនប្រុសបានដដែល ។
គួររំលឹកថា នៅថ្ងៃកើតហេតុ ខណៈពេលបញ្ជូនឪពុកក្មេងប្រុសរងគ្រោះទៅកាន់មន្ទីរពេទ្យ គឺឪពុកក្មេងប្រុសរងគ្រោះគាំងបេះ ធ្វើឱ្យម្នាក់ៗស្មានតែស្លាប់ហើយ ។ ហើយអ្នកស្រុក និងប្រជាពលរដ្ឋនៅវត្តក៏នាំគ្នាជីករណ្តៅចំនួន២ ដើម្បីត្រៀមកប់សពជនរងគ្រោះឪពុក និងកូន ប៉ុន្តែក្រោយមកឪពុករបស់ក្មេងប្រុសរងគ្រោះក៏ដឹងខ្លួនមកវិញ ។
សេចក្តីរាយការណ៍បន្តទៀតថា នៅព្រឹកថ្ងៃទី១៨ ខែកញ្ញានេះ គណៈកម្មការវិហារអ៊ិស្លាមគីឡូម៉ែត្រលេខ៨ ក៏បានដាក់តុខាងមុខវិហារធ្វើការអំពាវនាវដល់ប្រជាពលរដ្ឋដែលបានធ្វើដំណើរតាមផ្លូវ ដើម្បី ឱ្យចូលរួមបានជាមូលនិធិជួយដល់ជនរងគ្រោះដែលរងគ្រោះដោយសារអគ្គិភ័យផងដែរ ។
គួររំលឹកថា មានករណីអគ្គិភ័យបានឆាបឆេះផ្ទះប្រជាពលរដ្ឋខ្មែរអ៊ិស្លាមជាច្រើនខ្នង និងបណ្តាលឱ្យស្លាប់កូនប្រុសម្នាក់ ។ ខណៈអគ្គិភ័យកំពុងឆាបឆេះផ្ទះប្រជាពលរដ្ឋយ៉ាងសន្ធោសន្ធៅនេះ ត្រូវបានរថយន្តពន្លត់អគ្គិភ័យជាច្រើនគ្រឿងកំពុងចុះមកជួយអន្តរាគមន៍បាញ់ទឹកពន្លត់ផងដែរ ។ហេតុការណ៍ខាងលើនេះបានកើតឡើងកាលពីវេលាម៉ោង១២និង២០នាទីថ្ងៃត្រង់ថ្ងៃទី១៧ កញ្ញា ឆ្នាំ២០១៩ នៅម្តុំវិហារអ៊ិស្លាម គីឡូម៉ែត្រលេខ៨ តាមបណ្តោយផ្លូវជាតិលេខ៥ ក្នុងភូមិឃ សង្កាត់ច្រាំងចំរេះទី២ ខណ្ឌឫស្សីកែវ ។
គួររំលឹកទៀតថា អនិច្ចាណាស់! មួយប៉ប្រិចភ្នែកឆក់យកជីវិតឪពុកនិងកូនក្នុងភ្នក់ភ្លើង ផ្អើលច្រាំងចំរេះ២ (មានវីដេអូ)
ចែករំលែកព័តមាននេះ