តាមប្រភពព័ត៌មាន The Sun បានឱ្យដឹងថា ក្រុម MANCHESTER UNITED ដើររកមើលកីឡាករដល់ទៅ១៥០០០នាក់ មុនពេលសម្រេចចិត្តយក៣នាក់ជាផ្លូវការ។ បន្ទាប់ពីខកខានទទួលបានសិទ្ធិជម្រុះក្នុងក្របខ័ណ្ឌ Champions League លោក Ole Gunnar Solskjaer បានចំណាយប្រាក់ ១៤៥ លានផោន ទៅលើកីឡាករ Harry Maguire, Aaron Wan-Bissaka និង Daniel James ។
ក្រុមបិសាចក្រហមបានទទួលការត្រួតពិនិត្យយ៉ាងល្អិតល្អន់កាលពីខែមិថុនា ក្នុងគោលបំណងស្វែងរកទេពកោសល្យវ័យក្មេងលំដាប់ពិភពលោក ជុំវិញវិធីសាស្ត្ររបស់ក្លិបក្នុងប៉ុន្មានឆ្នាំថ្មីៗនេះ។
យោងតាមលោក Andy Mitten របស់ FourFourTwo បានធ្វើការជាមួយអ្នកវិភាគដើម្បីធ្វើការវាយតម្លៃបច្ចេកទេសផ្អែកលើទិន្នន័យ។ United ប្រមូលផ្តុំរបាយការណ៍ពីការប្រកួតនានានៅពាសពេញពិភពលោក ខណៈដែលពួកគេរក្សាអ្នកលេងរហូតដល់ ១៥០០០នាក់ ដែលភាគច្រើនជាយុវជនដែលលេចធ្លោ។
នៅរដូវស្លឹកឈើជ្រុះ តួលេខនេះត្រូវបានកាត់បន្ថយដល់ ៥០ឈ្មោះ មុនពេលត្រូវបានកាត់បន្ថយមកត្រឹម ១៥នាក់ប៉ុណ្ណោះ ដែលបន្ទាប់មកនឹងត្រូវជម្រុះបន្តទៀត។ លោក Solskjaer និងគ្រូបង្វឹកជំនួយលោក Mike Phelan ត្រូវបានពិគ្រោះយោបល់ស្ទើរតែគ្រប់ដំណាក់កាល ដើម្បីជ្រើសរើសកីឡាករឱ្យសាកសម៕
ប្រភព ៖ thesun , កែសម្រួលដោយ ៖ សំណាង
ចែករំលែកព័តមាននេះ