រាជធានីភ្នំពេញ ៖ អគ្គនាយកដ្ឋានគយនិងរដ្ឋករកម្ពុជាបានឲ្យដឹងថា កាកសំណល់ប្លាស្ទិកចំនួន៨៣កុងតឺន័រ ត្រូវបានបញ្ជូនត្រឡប់ទៅប្រទេសដើមវិញរួចរាល់អស់ហើយ បន្ទាប់ពីមានវិធានការរដ្ឋបាល និងច្បាប់របស់ប្រទេសកម្ពុជាយ៉ាងតឹងរឹងនោះ ។ យោងតាមសេចក្តីប្រកាសព័ត៌មានរបស់អគ្គនាយកដ្ឋានគយនិងរដ្ឋាករកម្ពុជា នៃក្រសួងសេដ្ឋកិច្ច…
រាជធានីភ្នំពេញ ៖ អគ្គនាយកដ្ឋានគយនិងរដ្ឋករកម្ពុជាបានឲ្យដឹងថា កាកសំណល់ប្លាស្ទិកចំនួន៨៣កុងតឺន័រ ត្រូវបានបញ្ជូនត្រឡប់ទៅប្រទេសដើមវិញរួចរាល់អស់ហើយ បន្ទាប់ពីមានវិធានការរដ្ឋបាល និងច្បាប់របស់ប្រទេសកម្ពុជាយ៉ាងតឹងរឹងនោះ ។
យោងតាមសេចក្តីប្រកាសព័ត៌មានរបស់អគ្គនាយកដ្ឋានគយនិងរដ្ឋាករកម្ពុជា នៃក្រសួងសេដ្ឋកិច្ច និងហិរញ្ញវត្ថុ នៅថ្ងៃទី១៧ កញ្ញា ឆ្នាំ២០១៩ នេះ បានបញ្ជាក់ឲ្យសាធារណៈជន និងបណ្តាញផ្សព្វផ្សាយព័ត៌មានទាំងអស់ជ្រាបពីវឌ្ឍនៈភាពនៃការដឹកជញ្ជូនកាកសំណល់ប្លាស្ដិកចំនួន៨៣កុងតឺន័រ ត្រឡប់ទៅប្រទេសដើមវិញ ដែលត្រូវបានលួចនាំចូលដោយ ខុសច្បាប់មកកម្ពុជា ដោយក្រុមហ៊ុន CHUNGYUEN PLASTIC MANUFACTURE CO., LTD ។
សេចក្តីប្រកាសព័ត៌មាន បានបញ្ជាក់ថា អាជ្ញាធរមានសមត្ថកិច្ចបាន សម្រេចដាក់បន្ទុក លើ ក្រុមហ៊ុនដែលប្រព្រឹត្តល្មើសរួមមានការបង់ពិន័យជាប្រាក់ចូលថវិកាជាតិ និងតម្រូវឲ្យនាំចេញ នូវ កាកសំណល់ប្លាស្លឹកទាំងនេះ ត្រឡប់ទៅប្រទេសដើមវិញ ហើយទន្ទឹមនេះសាមី ក្រុមហ៊ុនក៏ បាន បំពេញនូវកាតព្វកិច្ចដូចដោយបានបង់ប្រាក់ពិន័យចូលថវិកាជាតិគ្រប់ចំនួន ព្រមទាំងបានដឹក ជញ្ចូន កាកសំណល់ប្លាស្ដិចចេញពីកម្ពុជាចំនួន១៤កុងតឺន័រ នៅថ្ងៃទី២០ ខែសីហា ឆ្នាំ២០១៩ និងបាន បន្តដឹកចេញពីកម្ពុជានូវកាកសំណល់ប្លាស្ដិចចំនួន៦៩កុងតឺន័រ ដែលនៅសល់កាលថ្ងៃទី១៥ខែកញ្ញាឆ្នាំ២០១៩។
អគ្គនាយកដ្ឋានគយនិងរដ្ឋាករកម្ពុជា ក្រុមហ៊ុនដែលលូចនាំចូលកាកសំណល់ហាមនេះ បានបំពេញ តាមលក្ខខណ្ឌទាំងអស់ដែលបានសម្រេចដោយអាជ្ញាធរមានសមត្ថកិច្ចចប់សព្វគ្រប់។កាលពីថ្ងៃទី១៦ ខែកក្កដា ឆ្នាំ២០១៩ ក្រសួងបរិស្ថាន សហការជាមួយអគ្គនាយកដ្ឋានគយ និងរដ្ឋាករ ចុះគាស់ទូរកុងទឺន័រទាំងនោះ ដើម្បីពិនិត្យជាក់ស្ដែងនៅក្នុងកំពង់ផែខេត្តព្រះសីហនុ ក្រោយពីមានការ សង្ស័យលើទំនិញដែលមាននៅក្នុងទូរកុងទឺន័រនោះ។
ក្រសួងបរិស្ថាន បានឲ្យដឹងថា សំណល់ប្លាស្ទិចទាំង៨៣កុងទឺន័រនោះ មានទម្ងន់ប្រមាណ១៦០០តោន ដែលមានប្រភពមកពីសហរដ្ឋអាមេរិក និងប្រទេសកាណាដា។ការលួចនាំចូលកាកសំណល់ហាមនេះ ត្រូវបានរាជរដ្ឋាភិបាលកម្ពុជា សម្រេចពិន័យរដ្ឋបាលដល់ ក្រុមហ៊ុនគិតជា ប្រាក់ជាង១.០៣៧ លាន រៀល៕(សម្រួលដោយ៖ ស្រីណា)
ចែករំលែកព័តមាននេះ