ខេត្តបន្ទាយមានជ័យ ៖ ប្រជាពលរដ្ឋបង្ហោះរូបភាពទឹកកខ្វក់ចេញពីទុយោទឹកស្អាតមង្គលបូរីហើយមន្ត្រីជំនាញបកស្រាយការពិតផ្លាស់ប្តូរប្រព័ន្ធស្អាតដែលបានចុះទៅពិនិត្យស្ថានីយ៍ទឹកស្អាតកាលពីថ្ងៃទី១៥ ខែកញ្ញា ឆ្នាំ២០១៩ ដែលស្ថិតឃុំឫស្សីក្រោក ស្រុកមង្គលបូរី ។
លោក ញ៉ឹល ប៊ុនធឿន ប្រធានសិប្បកម្ម និងឧស្សាហកម្មខេត្តបន្ទាយមានជ័យបានប្រាប់ថា ក្រោយទទួលព័ត៌មានឃើញបណ្តាញសង្គមហ្វេសប៊ុកបានបង្ហោះវីដេអូទឹកកខ្វក់ចេញពីទុយោទឹកស្អាតរបស់ក្រុមហ៊ុនផ្តត់ផ្គង់ទឹកស្អាតមង្គលបូរី និងរិះគន់យ៉ាងចាស់ដៃរឿងប្រើប្រាស់ទឹកស្អាតបង្ហូរប្រើប្រាស់ទឹកខ្មៅកខ្វក់ដែលឃើញមិនគួរនឹងប្រើប្រាស់ ។
លោកបានបញ្ជាក់ថា ក្រោយឃើញព័ត៌មាននេះហើយ មន្ត្រីជំនាញបានសហការជាមួយអាជ្ញាធរស្រុកមង្គលបូរីចុះទៅពិនិត្យស្ថានីយ៍ផ្គត់ផ្គង់ទឹកស្អាតមង្គលបូរីឃើញថា នៅអាងចម្រុះទឹក និងប្រព័ន្ធចែកចាយទឹកគឺមានលក្ខណៈបច្ចេកទេស និងចម្រុះបានល្អតាមស្តង់ដាត្រឹមត្រូវ ។
លោក ញ៉ឹល ប៊ុនធឿន បានបញ្ជាក់ថា បើតាមសំដីម្ចាស់ក្រុមហ៊ុនផ្គត់ផ្គង់ទឹកស្អាតបានឱ្យដឹងគឺជាការពិតក៏ប៉ុន្តែរយៈខ្លីនៅពេលក្រុមហ៊ុនកំពុងផ្លាស់ប្តូរបណ្តាញប្រព័ន្ធទឹកដែលប៉ះពាល់ដល់ការកសាងផ្លូវជាតិលេខ៥ ហើយក្រុមហ៊ុនតែងតែជូនដំណឹងដល់បងប្អូនប្រជាពលរដ្ឋបានជ្រាបផងដែរព្រោះការផ្លាស់ប្តូរបណ្តាញប្រព័ន្ធទឹកតែងតែប៉ះពាល់បន្តិចបន្តួចគួអនុគ្រោះ ។
លោក រ័ត្ន ដាស៊ីណង់ អភិបាលស្រុងមង្គលបូរីបានបញ្ជាក់ថា ក្រោយពេលដែលមានការរិះគន់ក្រុមហ៊ុនទឹកស្អាតមង្គលបូរីដើម្បីឱ្យដឹងការពិតបានឱ្យមន្ត្រីជំនាញដែលពាក់ព័ន្ធចុះទៅពិនិត្យ តើស្ថានីយ៍ចែកចាយទឹកស្អាតស្រុងមង្គលបូរីពិតជាដូចការរិះគន់របស់បងប្អូនប្រជាពលរដ្ឋឬយ៉ាងណា ។
ការពិតដោយសារក្រុមហ៊ុនមានការផ្លាស់ប្តូរបណ្តាញប្រព័ន្ធទឹកស្អាតដែលប៉ះពាល់ការកសាងផ្លូវជាតិលេខ៥ តែការប៉ះពាល់ទឹកមិនស្អាតមានរយៈពេលខ្លីតែប៉ុណ្ណោះក្នុងនាមអាជ្ញាធរសុំឱ្យប្រជាពលរដ្ឋដែលប្រើប្រាស់បណ្តាញទឹកស្អាតត្រូវមានការអនុគ្រោះ ៕
កែសម្រួលដោយ ៖ សំណាង
ចែករំលែកព័តមាននេះ