ចង់បាន Messi ខ្លាំងដល់ថ្នាក់ David Beckham ហ៊ានធ្វើរឿងមួយនេះ
តាមប្រភពព័ត៌មាន The Sun បានឱ្យដឹងថា អតីតកីឡាករឆ្នើម David Beckham កំពុងតែបោះនុយធំចាំចាប់យក Lionel Messi…
តាមប្រភពព័ត៌មាន The Sun បានឱ្យដឹងថា អតីតកីឡាករឆ្នើម David Beckham កំពុងតែបោះនុយធំចាំចាប់យក Lionel Messi…
តាមប្រភពព័ត៌មាន The Sun បានឱ្យដឹងថា អតីតកីឡាករឆ្នើម David Beckham កំពុងតែបោះនុយធំចាំចាប់យក Lionel Messi មកកាន់ក្លិបរបស់ខ្លួន Inter Miami ដោយឱ្យ Paul McDonough ដែលជាមនុស្សជំនិតក្នុងក្លិបទៅទីក្រុងឡុងដ៍ដើម្បីនិយាយថ្លៃជាងមួយនឹងឪពុករបស់ Messi លោក Jorge ។
អតីតកីឡាករ Manchester United និង ក្រុមជម្រើសជាតិអង់គ្លេស Beckham រំពឹងខ្ពស់សម្រាប់ក្លិបថ្មីរបស់លោក ហើយក៏ចង់បាន Messi មកកាន់ទីនេះផងដែរ ។ ក្លិប Inter Miami នឹងចូលក្នុងលីករបស់អាមេរិកនៅរដូវកាលក្រោយ បើទោះបីជាមានបញ្ហាក្នុងការរកកីឡដ្ឋានដែលខ្លួនចង់បានក៏ដោយ ។
សម្រាប់ Beckham ហើយនឹង McDonough គឺកំពុងតែបុកសម្រុកយកកីឡាករខ្លាំងមកកាន់ក្លិប ។ Messi ដែលមានឪពុកធ្វើជាទីប្រឹក្សាអាចចាកចេញពី Barcelona នៅពេលណាក៏បាន ក្រោយពីចប់រដូវកាលនីមួយៗដោយមិនចាំបាច់បង់ថ្លៃផ្តាច់កុងត្រា ។ នេះបានជា Beckham ខំប្រឹងទាក់យកជាច្រើនលើកច្រើនសារ ។
គួរបញ្ជាក់ផងដែរថា ចំពោះកីឡាករខ្លាំងដូចជា Messi គឺមិនខ្វះទេឱកាស និងក្លិបដែលត្រូវទៅ ហើយបើនិយាយពីប្រាក់ឆ្នាំទៀតនោះគឺមិនបាច់និយាយទេព្រោះវាមិនតិចឡើយសម្រាប់តារាឆ្នើមរូបនេះ ។ ដូចនេះយើងមានតែចាំមើលទេថា Beckham អាចយក Messi ចេញពី Barcelona បានសម្រេចដែរឬទេ ៕
ប្រភព ៖ thesun , កែសម្រួលដោយ ៖ សំណាង
ចែករំលែកព័តមាននេះ