ឈ្មោះកូនស្រី ឆាយ វីរៈយុទ្ធ ពិតជាគួរឱ្យចាប់អារម្មណ៍ខ្លាំង
- ភ្នំពេញ
រាជធានីភ្នំពេញ ៖ នៅទីបំផុតភរិយារបស់តារាចម្រៀងលោក ឆាយ វីរៈយុទ្ធ បានសម្រាលកូនស្រីដូចបំណងហើយ ដោយលោក ឆាយ វីរៈយុទ្ធ បានប្រកាសតាមបណ្តាញសង្គមហ្វេសប៊ុកថា…
រាជធានីភ្នំពេញ ៖ នៅទីបំផុតភរិយារបស់តារាចម្រៀងលោក ឆាយ វីរៈយុទ្ធ បានសម្រាលកូនស្រីដូចបំណងហើយ ដោយលោក ឆាយ វីរៈយុទ្ធ បានប្រកាសតាមបណ្តាញសង្គមហ្វេសប៊ុកថា កូនស្រីឈ្មោះ វីរៈយុទ្ធ អភិជាតាទេវី ហៅ អាតារ៉ា ( Atara ) បានកើតនៅថ្ងៃអាទិត្យ ទី១៥ ខែកញ្ញា ឆ្នាំ២០១៩នេះ វេលាម៉ោង៨និង២៧នាទី ព្រឹកមានទម្ងន់ ៣ គីឡូក្រាម ។
ជាមួយនឹងការប្រកាសពីភរិយាបានសម្រាលកូនស្រីនាពេលនេះ លោក ឆាយ វីរៈយុទ្ធ និង ភរិយា សែ ចាន់ឌី ក៏បានថ្លែងអំណរគុណប្រិយមិត្ត និងមិត្តយុវវ័យទាំងអស់ ដែលបានជូនពរដល់គ្រួសាររបស់លោក ខណៈពេលភរិយា និងកូនរបស់លោកសុខសប្បាយទាំងអស់គ្នា ។
សូមបញ្ជាក់ផងដែរថា តារាចម្រៀងល្បីឈ្មោះលោក ឆាយ វីរៈយុទ្ធ បានរៀបមង្គលការកាលពីអំឡុងខែឧសភា ឆ្នាំ២០១៧ ជាមួយនឹងកូនថៅកែរោងម៉ាស៊ីនកិនស្រូវដ៏ធំនៅទឹកដីខេត្តកំពង់ចាម ។
តារាចម្រៀងរូបនេះ បានសារភាពពីពន្លកស្នេហ៍ដែលបានកើតឡើងចំនួន ៧ឆ្នាំទម្រាំមកដល់ថ្ងៃរៀបការ ៕ (កែសម្រួលដោយ ៖ បុប្ផា)
ចែករំលែកព័តមាននេះ