ជីវិតគ្រួសារមានសេចក្តីសុខទៅបានលុះណាតែបុរសជាប្តីគួររស់នៅដើម្បីប្រពន្ធ ចំណែកប្រពន្ធក៏ត្រូវរស់នៅដើម្បីស្វាមីរបស់ខ្លួនដែរ ហើយបើមានកូនផង យើងជាឪពុកម្តាយក៏ត្រូវរស់នៅដើម្បីអនាគតកូន ធ្វើប្រយោជន៍ដើម្បីកូន លើកគ្រួសារឱ្យខ្ពស់ឡើង ។ ពិតណាស់បើទោះជាពេលខ្លះប្តីប្រពន្ធមានគំនិតផ្ទុយគ្នាមែន តែម្នាក់ៗត្រូវយល់ថា វាជារឿងធម្មតាទេ…
ជីវិតគ្រួសារមានសេចក្តីសុខទៅបានលុះណាតែបុរសជាប្តីគួររស់នៅដើម្បីប្រពន្ធ ចំណែកប្រពន្ធក៏ត្រូវរស់នៅដើម្បីស្វាមីរបស់ខ្លួនដែរ ហើយបើមានកូនផង យើងជាឪពុកម្តាយក៏ត្រូវរស់នៅដើម្បីអនាគតកូន ធ្វើប្រយោជន៍ដើម្បីកូន លើកគ្រួសារឱ្យខ្ពស់ឡើង ។
ពិតណាស់បើទោះជាពេលខ្លះប្តីប្រពន្ធមានគំនិតផ្ទុយគ្នាមែន តែម្នាក់ៗត្រូវយល់ថា វាជារឿងធម្មតាទេ គឺវាតែយ៉ាងហ្នឹងឯង ព្រោះមនុស្សផ្សេងគ្នា ចិត្តក៏ផ្សេងគ្នា នឹងឲ្យត្រូវគ្នាគ្រប់រឿងទាំងអស់យ៉ាងម៉េចនឹងកើត ប៉ុន្តែត្រូវចេះរៀបចំសម្រួល កុំឲ្យចេះតែគិតថាគេត្រូវធ្វើតាមយើងទាំងអស់នោះ ។
ត្រូវចាំថា គេមិនតាមយើងព្រោះយើងមិនតាមគេ គេមិនដូចយើងព្រោះយើងមិនដូចគេ ដូច្នេះត្រូវចេះសម្រួលអធ្យាស្រ័យគ្នាម្ដងបន្តិចៗ ភរិយាទន់មក ស្វាមីទេរទៅទីបំផុតផ្លូវណាក៏ត្រូវដើរទៅទាំងពីរនាក់ ត្រូវឈរលើស្មារតីស្មោះត្រង់ទាំងអស់គ្នា នោះគ្រួសារប្រាកដជានឹងមានសុភមង្គលហើយ ។
កាលបើគ្រួសារណាឈរលើស្មារតីយោគយល់យ៉ាងនេះ គ្រួសារនោះរមែងដើរលើផ្លូវដ៏មានសុភមង្គល កាន់ដៃគ្នាដើរទៅរកពន្លឺនៃសិរីសួស្តី ។ (ដោយសាន សារិន)
ចែករំលែកព័តមាននេះ