ការលូតលាស់របស់ទារក គឺអាស្រ័យតាមប្រភេទរាងកាយ ការរំលាយអាហារ ការបំបៅដោះ បរិស្ថានជុំវិញ និងសុខភាពទូទៅផងដែរ។ កត្តាទាំងអស់នេះអាចមានឥទ្ធិពលមួយចំនួនដូចជា ៖ ១- ការបំបៅដោះកូន…
ការលូតលាស់របស់ទារក គឺអាស្រ័យតាមប្រភេទរាងកាយ ការរំលាយអាហារ ការបំបៅដោះ បរិស្ថានជុំវិញ និងសុខភាពទូទៅផងដែរ។ កត្តាទាំងអស់នេះអាចមានឥទ្ធិពលមួយចំនួនដូចជា ៖
១- ការបំបៅដោះកូន គឺអាស្រ័យលើចំនួនកាឡូរីដែលទារកត្រូវការដើម្បីការលូតលាស់។ ចាប់ពីពេលទារកកើតរហូតដល់អាយុ៦ខែ ទារកត្រូវការតែទឹកដោះម្ដាយ ឬទឹកដោះគោសុទ្ធសម្រាប់អាហារូបត្ថម្ភ។ ការលូតលាស់របស់ទារក គឺអាស្រ័យលើភាពញឹកញាប់ រយៈពេលយូរនៃការបំបៅរបស់ទារក។
២- សុខភាពរបស់ស្ត្រីនៅក្នុងអំឡុងពេលមានផ្ទៃពោះអាចប៉ះពាល់ការស្តុកសារធាតុចិញ្ចឹមរបស់ទារកនៅពេលទារកក្រោយពេលកើត។ របបអាហារ ការជក់បារី និងការកើនទម្ងន់ខ្លាំងពេក ខណៈពេលមានផ្ទៃពោះក៏អាចមានឥទ្ធិពលលើការលូតលាស់របស់ទារកនៅឆ្នាំដំបូង។
៣- ទម្ងន់របស់ទារកអាចបញ្ជាក់ពីសារធាតុចិញ្ចឹមបានពីសុកនៅក្នុងកំឡុងពេលមានផ្ទៃពោះ ពីព្រោះម្តាយមួយចំនួនមានការព្រួយបារម្ភអំពីទំហំខ្លួនដ៏តូចនៅពេលទារកកើត និងការលូតលាស់យឺតបន្ទាប់ពីកំណើតផងដែរ។ ទោះយ៉ាងណា ទារកដែលកើតមកមានទម្ងន់ស្រាល ជាធម្មតាមានការរីកលូតលាស់លឿនជាងទារកដែលកើតមកមានទម្ងន់ធ្ងន់។
៤- ហ្សែនក៏ដើរតួនាទីយ៉ាងសំខាន់ផងដែរ។ ប្រសិនបើឪពុកម្ដាយរបស់ទារកមានកំពស់ និងទម្ងន់ទាប ទារកក៏អាចមានការលូតលាស់ស្រដៀងបែបនេះផងដែរ។
៥- ជំងឺផ្តាសាយ និងជំងឺរលាកត្រចៀក ក៏អាចមានឥទ្ធិពលបណ្តោះអាសន្នលើការរីកលូតលាស់របស់ទារកផងដែរ។ ទារកអាចមានការលូតលាស់យឺតប្រមាណ ១ ទៅ ២ សប្តាហ៍។ នៅពេលទារកមានសភាពល្អប្រសើរ ការលូតលាស់នឹងវិលមកធម្មតាវិញ។
៦- សុខភាពរបស់ស្ត្រីក្រោយពេលសម្រាលកូន ក៏អាចប៉ះពាល់ដល់ការលូតលាស់របស់ទារកផងដែរ។ ប្រសិនស្ត្រីមិនស្រួលខ្លួន ឬទទួលរងនូវជំងឺធ្លាក់ទឹកចិត្តក្រោយសម្រាលកូន ដែលបណ្ដាលឲ្យមានរោគសញ្ញាដែលធ្វើឲ្យមានការលំបាកក្នុងការថែទាំកូន វាជាហេតុធ្វើឲ្យការលូតលាស់របស់ទារកយឺតជាងធម្មតា (ប្រភពពី៖ Health.com.kh)៕ (កែសម្រួលដោយ ៖ បុប្ផា)
ចែករំលែកព័តមាននេះ