ខេត្តព្រះសីហនុ ៖ តាមសេចក្តីរាយការណ៍បឋមបានឲ្យដឹងថា នៅស្រុកព្រៃនប់តាមអាជ្ញាធរឃុំសាមគ្គីបានអោយដឹង នៅព្រឹកថ្ងៃទី១៥ ខែកញ្ញានេះថា កំណាត់ផ្លូវលំក្រាលគ្រោះក្រហមភ្ជាប់ពីផ្លូវជាតិលេខ៣ (វាលរេញ-កំពត) ចូលទៅភូមិព្រែកក្រាញ់ ឃុំសាមគ្គី…
ខេត្តព្រះសីហនុ ៖ តាមសេចក្តីរាយការណ៍បឋមបានឲ្យដឹងថា នៅស្រុកព្រៃនប់តាមអាជ្ញាធរឃុំសាមគ្គីបានអោយដឹង នៅព្រឹកថ្ងៃទី១៥ ខែកញ្ញានេះថា កំណាត់ផ្លូវលំក្រាលគ្រោះក្រហមភ្ជាប់ពីផ្លូវជាតិលេខ៣ (វាលរេញ-កំពត) ចូលទៅភូមិព្រែកក្រាញ់ ឃុំសាមគ្គី ចំណុចកំពង់ផ្ការ ស្ថិតក្នុងភូមិបឹងរាំង ត្រូវបានជំនន់ទឹកភ្លៀងជន់លេចហូរកាត់លើបណ្តោយផ្លូវ ។
សេចក្តីរាយការណ៍បានបន្តថា ជាមួយគ្នានេះ អាជ្ញាធរឃុំអំពាវនាវថា សុំផ្អាករថយន្តធ្វើចរាចរណ៍ជាបណ្តោះអាសន្នសិន ហើយសម្រាប់ថ្មើជើងមុនឆ្លងកាត់ត្រូវមានការប្រុងប្រយ័ត្នខ្ពស់ ព្រោះទឹកហូរឆ្លងកាត់មានកម្ពស់ប្រមាណជាកន្លះម៉ែត្រ និងប្រវែងជា៧០ម៉ែត្រ ។
ដោយឡែកអាជ្ញាធរបានបញ្ជាក់ថា ការលិចហូរលើផ្លូវចំណុចនេះជាលើកទី៣ហើយសម្រាប់ឆ្នាំនេះ តែយ៉ាងណាមិនប៉ះពាល់ដល់លំនៅឋាន តែប៉ះពាល់ដល់ដំណាំស្រូវខ្លះៗរបស់ពលរដ្ឋ ៕ កែសម្រួលដោយ ៖សុឃាក់
ចែករំលែកព័តមាននេះ