ខេត្តក្រចេះ ៖ នគរបាលស្រុកព្រែកប្រសព្វបានចាប់ឃាត់បុរសជាឪពុកមា ជាប់សង្ស័យនិងករណីចាប់រំលោភក្មួយស្រី ដែលមិនទាន់គ្រប់អាយុចំនួន៤នាក់បានសម្រេចជាបន្តបន្ទាប់ អស់រយៈពេលជាច្រើនឆ្នាំ ទើបតែបែកធ្លាយ។ អធិការនគរបាលស្រុកព្រែកប្រសព្វលោកវរសេនីយ៍ឯក ចាន់ សុផល្លារ…
ខេត្តក្រចេះ ៖ នគរបាលស្រុកព្រែកប្រសព្វបានចាប់ឃាត់បុរសជាឪពុកមា ជាប់សង្ស័យនិងករណីចាប់រំលោភក្មួយស្រី ដែលមិនទាន់គ្រប់អាយុចំនួន៤នាក់បានសម្រេចជាបន្តបន្ទាប់ អស់រយៈពេលជាច្រើនឆ្នាំ ទើបតែបែកធ្លាយ។
អធិការនគរបាលស្រុកព្រែកប្រសព្វលោកវរសេនីយ៍ឯក ចាន់ សុផល្លារ បានឲ្យដឹងថា ជនសង្ស័យក្នុង
អំពើរំលោភក្មួយស្រី មានឈ្មោះអេង លីម៉េង អាយុ៥១ឆ្នាំ មានទីលំនៅភូមិព្រែកប្រសព្វកណ្ដាល ឃុំព្រែកប្រសព្វ ស្រុកព្រែកប្រសព្វ និងត្រូវបាន នគរបាលចាប់ខ្លួនទៅតាមពាក្យបណ្តឹងរបស់សាច់ញាតិក្មេងស្រី
រងគ្រោះទាំង៤នាក់កាលពី ថ្ងៃទី១១ កញ្ ។ ជនម្នាក់នេះ ត្រូវជាឪពុកមាសាច់ថ្លៃរបស់ក្មេងស្រីរងគ្រោះទាំង៤នាក់ ដោយម្តាយរបស់ក្មេងស្រីរងគ្រោះទាំង៤នាក់ ត្រូវជាប្អូនស្រីបង្កើតរបស់ប្រពន្ឋជនសង្ស័យ ។
លោកអធិការបានបញ្ជាក់ថា ក្មេងស្រីរងគ្រោះមាន៣នាក់ជាបងប្អូនបង្កើត អាយុចាប់ពី១២ ដល់១៧ឆ្នាំ និងម្នាក់ទៀតជាបងប្អូនជីដូនមួយមានអាយុ១៥ឆ្នាំ ។ ក្មេងស្រីទាំងនេះសុទ្ធតែជាក្មេងកំព្រាខ្លះកំព្រាម្តាយនិងខ្លះកំព្រាឪពុក។ និងបានរស់នៅជាមួយម្តាយធំ (ប្រពន្ឋជនសង្ស័យ) រយៈពេលជាច្រើនឆ្នាំមកហើយ។
តាមចម្លើយបណ្តឹងរបស់ក្មេងស្រីរងគ្រោះទាំង៤នាក់បានប្រាប់នគរបាលថា ពួកគេទាំង៤នាក់បានរងការចាប់រំលោភពីឪពុកមាម្នាក់នេះ តាំងពីឆ្នាំ២០១៣មកម្ល៉េះ ។ ហើយពួកគេក៏មិនបានដឹងថា ពួកគេទាំងអស់គ្នា បានរងការចាប់រំលោភពីជនសង្ស័យជាឪពុកមាដូចៗគ្នានោះទេ ដោយសារពេលជននេះចាប់រំលោភគឺបានធ្វើសកម្មភាពឆ្លាស់គ្នា ពេលខ្លះរំលោភនៅផ្ទះ ខ្លះរំលោភនៅស្រែ ខ្លះនៅរោចម្ការ តែរហូតបែកធ្លាយទើបដឹងថា ទើបពួកគេសុទ្ឋតែរង គ្រោះដូចគ្នា និងបានត្រឹមតែស្រែកទ្រហោរយំអោបបងប្អូនតែប៉ុណ្ណោះ។
ក្មេងស្រីទាំងនេះ រៀបរាប់ប្រាប់នគរបាលដូចៗគ្នាថា ពួកគេម្នាក់ៗបានរងការចាប់រំលោភជាច្រើនដងដោយចាំមិនអស់នោះទេ។ ហើយរាល់ការធ្វើសកម្មភាពចាប់រំលោភ ជនសង្ស័យតែងតែគំរាមទៅពួកគេ
ដូចៗគ្នាមិនឲ្យប្រាប់នណាដឹងបើមិនដូច្នោះគេ និងសម្លាប់ចោល។
ស្នងការរងប្រឆាំងការជួញដូរមនុស្សនិងការពារអនីតជនលោកស្រីវរសេនីយ៍ឯក នៅ រតនា បានថ្លែងឲ្យដឹងថា ក្រោយរងការគំរាមពីជនសង្ស័យជាឱពុកមារូបនេះ ក្មេងស្រីរងគ្រោះ ទាំងអស់ មិនហានទម្លាយរឿងនេះប្រាប់ទៅនណាឲ្យដឹងនោះទេ។ តែរឿងនេះ បានបែកធ្លាយបន្ទាប់ពីក្មេងស្រីទាំងនេះ ចេះតែខ្លាចនិងការចាប់រំលោភពីជន សង្ស័យបន្តទៀតនិងបានគេចមកសម្ងំផ្ទះបងប្អូនសាច់ញាតិ ហើយបងប្អូនសាច់ញាតិក៏មាន ការ សង្ស័យនៅពេលឃើញអកប្បកិរយារបស់ជនសង្ស័យ ក៏ជជីកសួរជនសង្ស័យតែជននេះ បាន ឆ្លើយថា គេមិនបានរំលោភឲ្យស៊ីជម្រៅនោះទេ គឺបានត្រឹមតែបៀតបៀនកេរិ៍ភេទ។
លោកស្រីស្នងការរងបញ្ជាក់ថា ក្រោយមានការមកប្តឹងពីសាច់ញាតិរបស់ក្មេងស្រី នគរ បាលក៏បានឃាត់ខ្លួនជននេះ មកសាកសួរ ខណះក្មេងស្រីរងគ្រោះទាំង៤នាក់ ក៏ត្រូវបាននាំទៅធ្វើកោសល្យវិច្ច័យនិងព្យាបាលនៅនិងមន្ទីរពេទ្យខេត្តក្រចេះ ។ នៅចំពោះមុខសមត្ថកិច្ច ជននេះបានសារភាពថា សកម្មភាពចាប់រំលោភរបស់គេលើក្មេងស្រី គឺធ្វើឡើងកាលពីឆ្នាំមុន រហូតមកទល់សព្វថ្ងៃ ។ ហើយការចាប់រំលោភមានខ្លះបានស៊ី ជម្រៅ និងខ្លះមិនបានស៊ីជម្រៅនោះទេ ៕ (សម្រួលដោយ៖ ស្រីណា)
ចែករំលែកព័តមាននេះ