រាជធានីភ្នំពេញ ៖ កាលពីវេលាម៉ោង២និង១៥នាទីសៀលថ្ងៃទី១៣ ខែកញ្ញា ឆ្នាំ២០១៩ ដោយអនុវត្តន៍តាមបទបញ្ជាដ៏ខ្ពង់ខ្ពស់របស់លោកឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ និងលោកសុខ ពេញវុធ អភិបាលនៃគណៈអភិបាលខណ្ឌដូនពេញ អធិការដ្ឋានប៉ុស្តិ៍បានបើកការស្រាវជ្រាវ និងចុះបង្ក្រាបជនសង្ស័យម្នាក់ពាក់ព័ន្ធករណីជួញដូរគ្រឿងញៀន នៅចំណុចសំណង់មិនរៀបរយក្តាន់២ ផ្លូវរថភ្លើង ក្រុម៣៩ ភូមិ៣ សង្កាត់ស្រះចក ។
ជនសង្ស័យម្នាក់ខាងលើឈ្មោះ ពៅ ពិសី ភេទប្រុស អាយុ២៩ឆ្នាំ មុខរបរនឹងទីលំនៅមិនពិតប្រាកដ ។ សមត្ថកិច្ចបានដកហូតវត្ថុតាងរួមមាន ម្សៅក្រាមពណ៌សថ្លាសង្ស័យជាគ្រឿងញៀនចំនួន៩កញ្ចប់តូច, ថង់សំរាប់ច្រកគ្រឿងញៀនមួយចំនួន, ទុយោចូកគ្រឿងញៀនចំនួន២, ដែកកេះចំនួន១ និងប្រាក់ចំនួន១៥០០០រៀល។
ក្រោយកើតហេតុ កម្លាំងជំនាញខណ្ឌប៉ុសិ៍្តកំពុងធ្វើការសាកសួរ និងបន្តស្រាវជ្រាវរកបក្ខពួក ព្រមទាំងក្រុមដទៃទៀត និងកសាងសំណុំរឿងដើម្បីបញ្ជូនទៅសាលាដំបូងរាជធានីចាត់ការតាមនីតិវិធី៕ (កែសម្រួលដោយ ៖ ធីតា)
ចែករំលែកព័តមាននេះ