រាជធានីភ្នំពេញ ៖ ប៉ុន្មានថ្ងៃមុននេះ កំពុងអង្គុយផឹកកាហ្វេនៅហាងមួយមានមនុស្សកុះករ ស្រាប់តែភ្ញៀវម្នាក់ទំនងមិនសូវយល់អំពីផ្លូវច្បាប់បានសួរទៅកាន់មិត្តភក្តិគេថា នែ! ទណ្ឌិតដែលតុលាការបានកាត់ទោសឲ្យជាប់គុកអស់មួយជីវិត ពាក់ព័ន្ធបទល្មើស «ឃាតកម្មគិតទុកជាមុន» តើមានសិទ្ធិដេក…
រាជធានីភ្នំពេញ ៖ ប៉ុន្មានថ្ងៃមុននេះ កំពុងអង្គុយផឹកកាហ្វេនៅហាងមួយមានមនុស្សកុះករ ស្រាប់តែភ្ញៀវម្នាក់ទំនងមិនសូវយល់អំពីផ្លូវច្បាប់បានសួរទៅកាន់មិត្តភក្តិគេថា នែ! ទណ្ឌិតដែលតុលាការបានកាត់ទោសឲ្យជាប់គុកអស់មួយជីវិត ពាក់ព័ន្ធបទល្មើស «ឃាតកម្មគិតទុកជាមុន» តើមានសិទ្ធិដេក និងស្នាក់នៅក្នុងមន្ទីរពេទ្យមួយជីវិតដែរទេ?
មិត្តភក្តិម្នាក់ដែលទំនងយល់ពីច្បាប់នៃព្រះរាជាណាចក្រកម្ពុជាខ្លះដែរនោះ បានឆ្លើយតបយ៉ាងរហ័សថា វាគ្មានច្បាប់ណាដែលតុលាការបានផ្តន្ទាទោសទៅលើទណ្ឌិតនោះឲ្យជាប់គុកអស់មួយជីវិត ហើយបានទៅដេក និងរស់នៅក្នុងមន្ទីរពេទ្យ (យកមន្ទីរពេទ្យធ្វើគុកមួយជីវិតនោះទេ) ។
ចំណែកមិត្តភក្តិដែលទំនងមិនសូវយល់អំពីផ្លូវច្បាប់នោះថា ព្រោះតែមិនយល់បានជាគ្នាសួរ ព្រោះបានឃើញទណ្ឌិតម្នាក់អតីតឧកញ៉ាសាច់ប៉ាតេ និងជាថៅកែក្រុមហ៊ុន៩៩៩ ថោង សារ៉ាត់ ត្រូវបានសាលាដំបូងរាជធានីភ្នំពេញ ប្រកាសសាលក្រមផ្តន្ទាទោសដាក់ពន្ធនាគារអស់មួយជីវិត ពាក់ព័ន្ធសំណុំរឿងឃាតកម្មបាញ់សម្លាប់ឧកញ៉ា អ៊ឹង ម៉េងជឺ ថៅកែឡឥដ្ឋ បណ្តាលឲ្យស្លាប់នៅកន្លែងលក់ផ្លែឈើ ម្តុំអាងទឹកអូឡាំពិក កាលពីថ្ងៃទី២២ ខែវិច្ឆិកា ឆ្នាំ២០១៤ នោះ ។
មិត្តភក្តិដែលទំនងមិនសូវយល់អំពីផ្លូវច្បាប់នោះបន្តថា តាំងពីសមត្ថកិច្ចចាប់ឃុំខ្លួនរហូតក្លាយជាទណ្ឌិតអស់មួយជីវិត ម៉េចក៏ឃើញនៅតែដេក និងស្នាក់នៅក្នុងមន្ទីរពេទ្យរហូត មិនដែលឃើញដេកគុកមួយថ្ងៃណាផងហ្នឹង អញ្ចឹងបានជាឆ្ងល់ថា តើអ្នកមានទោសមួយជីវិត មានសិទ្ធិដេកនៅក្នុងមន្ទីរពេទ្យមួយជីវិតដែរក៏អី? ឬមួយឲ្យតែទណ្ឌិតនោះមានប្រាក់ មានសិទ្ធិសង់បន្ទប់ក្នុងមន្ទីរពេទ្យ រស់នៅដេកអោបប្រពន្ធបានស្រណុកសុខស្រួល ដូចមនុស្សគ្មានទោសអញ្ចឹងទៅ ។
ម្នាក់ទៀតនិយាយថា ប្រហែលពេទ្យអាណិតអ្នកទោសអស់មួយជីវិតម្នាក់នេះហើយមើលទៅ។
ប៉ុន្តែម្នាក់ទៀតនិយាយថា គួរសុំឱ្យមន្ទីរដោះលែងអ្នកទោស ថោង សារ៉ាត់ មកឱ្យពន្ធនាគារវិញផង កុំអាំណិតដល់ថ្នាក់រៀបចំបន្ទប់ពិសេសស្នាក់នៅបែបនេះ អយុត្តិធម៌ណាស់រវាងអ្នកទោសរាប់ម៉ឺននាក់។ (កែសម្រួលដោយ ៖ បុប្ផា)
ចែករំលែកព័តមាននេះ