រាជធានីភ្នំពេញ ៖ បន្ទាប់ពីឆ្លងកាត់ការប្រកួតអស់រយៈពេលជាច្រើនសប្ដាហ៍មកនេះ នៃ ព្រឹត្តិការណ៍ប្រកួតកីឡាប្រដាល់ក្នុងកម្មវិធី«អ្នក តស៊ូគុនខ្មែរគោជល់» ជើងឯកប៉ះជើងឯក នៅលើសង្វៀនស្ថានីយទូរទស្សន៍ស៊ីអិនស៊ី ទីបំផុតបានរកឃើញហើយអ្នកដែលត្រូវជួបគ្នាក្នុងវគ្គប្រកួតផ្ដាច់ព្រ័ត្រនៅថ្ងៃសៅរ៍ទី១៤ ខែកញ្ញា គឺ កីឡាករ រឿង សោភ័ណ្ឌ មកពីក្លិបមកុដរាជសីហ៍ ជួបប្រកួតជាមួយ នី សុភី (មុននេះ ឈ្មោះ ឡុង សុភី) មកពីក្លិបសាលវ័ន្តកីឡា ។
កីឡាករ រឿង សោភ័ណ្ឌ និងកីឡាករ នី សុភី សុទ្ធតែជាអ្នកប្រដាល់ជើងខ្លាំងដែលមាន បទពិសោធន៍ប្រកួតនៅលើសង្វៀនជាយូរឆ្នាំមកហើយដូចគ្នា ប៉ុន្តែរវាងគេទាំងពីរធ្លាប់ជួប ប្រកួតជាមួយគ្នាបានចំនួន២លើកប៉ុណ្ណោះ ដោយចាញ់ឈ្នះម្ដងម្នាក់ដូចគ្នា ។ ប៉ុន្តែ នី សុភី បានត្រឹមតែយកឈ្នះពិន្ទុប៉ុណ្ណោះ ចំណែក រឿង សោភ័ណ្ឌ ធ្លាប់វាយផ្ដួល នី សុភី ឱ្យសន្លប់នៅត្រឹមទឹកទី២។
ដោយឡែក សម្រាប់អ្នកតាមដានការប្រកួត មួយចំនួនបានចាត់ទុកថា ការចាញ់ដោយសន្លប់នៅក្រោមកណ្ដាប់ដៃ រឿង សោភ័ណ្ឌ គ្រាន់តែជារឿងភ្លាត់ស្នៀតប៉ុណ្ណោះ ។ មិនតែប៉ុណ្ណោះ ការជួបគ្នាលើកនេះ អ្នកគាំទ្រទាំងសងខាងកាន់ តែទន្ទឹងរង់ចាំមើលថា តើតំណែងជាម្ចាស់ជើងឯក «អ្នកតស៊ូគុនខ្មែរគោជល់» លើកនេះ ធ្លាក់ទៅលើអ្នកណា ។
កីឡាករ រឿង សោភ័ណ្ឌ ជាម្ចាស់ខ្សែក្រវាត់រហូតដល់៧ស្ថាប័ន រីឯ នី សុភី ក៏មិនជាអន់ដែរ ដែលសព្វថ្ងៃកំពុងគ្រងតំណែងជាម្ចាស់ខ្សែក្រវាត់រហូតដល់៦ស្ថាប័ន ។ ទោះជាយ៉ាងណា នៅមុនថ្ងៃប្រកួតមកដល់ ទាំងសងខាងសុទ្ធតែបានប្ដេជ្ញាចិត្តរៀងៗខ្លួនថា ត្រូវតែយកឈ្នះការប្រកួតឱ្យ
ទាល់តែបាន ហើយថែមទាំងមានជំនឿចិត្តខ្ពស់ ដើម្បីក្លាយជាម្ចាស់ជើងឯកខ្សែក្រវាត់អន្តរជាតិនេះទៀតផង ។
លោក ឡុង សាលវ័ន្ត បានឱ្យដឹងថា លោកពិតជាមានជំនឿចិត្តយ៉ាងខ្លាំងទៅលើសិស្សរបស់ លោក ដោយលោកជឿជាក់ទៅលើការខិតខំប្រឹងប្រែងហ្វឹកហាត់របស់គេជាច្រើនសប្ដាហ៍មកនេះ ។ លោកបានឱ្យដឹងទៀតថា ការប្រកួត លើកនេះត្រូវតែឈ្នះព្រោះប្រាក់រង្វាន់ដែលទទួល បានមានរហូតដល់៤ពាន់ដុល្លារ ដូច្នេះមិនអាចធ្វេសប្រហែសបានឡើយ ។
ចំណែកកីឡាករ រឿង សោភ័ណ្ឌ ក៏ធ្លាប់បានលើកឡើងកាលពីពេលមុនៗដែរថា សម្រាប់ពាន រង្វាន់មួយនេះមិនអាចឱ្យរបូតនោះទេ ហើយក៏ ជាពេលវេលាដ៏សមស្របបំផុត ដែលរូបគេត្រូវតែប្រឈមជាមួយគូប្រកួតចាស់ដ៏គ្រោះថ្នាក់បំ ផុត ។
គេបានគិតថា នី សុភី ខ្ពស់ជាង ដូច្នេះមិនអាចវាយជាប្រយោលបានទេ ត្រូវតែចូលកៀកដើម្បីប្ដូរកណ្ដាប់ដៃឱ្យបានច្រើន ។ បើតាមគេធ្លាប់ដឹង រឿង សោភ័ណ្ឌ គេទាបបន្តិចមែនតែស្នៀតជើងរបស់គេទាត់ចេញបានខ្ពស់ល្អណាស់ ហ៊ានតែប្រហែសច្បាស់ជាកញ្ចឹងកហើយ ៕ (កែសម្រួលដោយ ៖ បុប្ផា)
ចែករំលែកព័តមាននេះ