សម្តេចតេជោថា នឹងបញ្ជូលដីកាចាប់ខ្លួនលោក សម រង្ស៊ី ទៅកាន់ប្រទេសជាសមាជិកអាស៊ាន
- ភ្នំពេញ
រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីបានអះអាងថា សម្តេចនឹងបញ្ជូន ដីកាចាប់ខ្លួនលោក សម រង្ស៊ី…
រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីបានអះអាងថា សម្តេចនឹងបញ្ជូន ដីកាចាប់ខ្លួនលោក សម រង្ស៊ី…
រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីបានអះអាងថា សម្តេចនឹងបញ្ជូន ដីកាចាប់ខ្លួនលោក សម រង្ស៊ី អតីតប្រធានគណបក្សសង្គ្រោះជាតិទៅកាន់ប្រទេសជា សមាជិកអាស៊ាន ។ ថ្លែងក្នុងសន្នីសិទសារព័ត៌មាន នាព្រឹកថ្ងៃទី១២ កញ្ញា នៅវិមានសន្តិភាពសម្តេចតេជោ ហ៊ុន សែន នាយករដ្ឋមន្ត្រីបានបញ្ជាក់ថា ៖«ខ្ញុំគ្មានបំណងណាមួយ ដើម្បីយកបញ្ហាផ្ទៃក្នុងរបស់កម្ពុជានិយាយជាមួយភ្ញៀវបរទេសណាមួយនោះទេ ។ ក៏ប៉ុន្តែកន្លងទៅមានបណ្ឌិតអ្នកវិភាគម្នាក់បានលើកថា ទស្សនកិច្ចរបស់ឧបកនាយរដ្ឋមន្ត្រី និងជារដ្ឋមន្ត្រីការបរទេសប្រាក់ សុខុន បានលើកទៅកាន់សាធារណរដ្ឋប្រជាមានិតប្រជាធិតេយ្យឡាវ ច្បាស់ធានាកុំឲ្យពួកអារត់ចោលគុក (លោកសម រង្ស៊ី) ហើយកំពុងស្ថិតនៅក្នុងទីក្រុងប៉ារីស ត្រៀមចូលកម្ពុជាវិញតាមច្រកឡាវ ។
ដែលឡាវចាត់ទុកថា នេះជាផ្នែកមួយសំខាន់ក្នុងការចាត់ជាចំណាប់ខ្មាំង ប្រសិនបើកម្ពុជាមិនព្រមទេ គឺឡាវនឹងផ្តល់ឱកាសឲ្យអាអ្នករត់ចោលគុកត្រៀមចូលស្រុក ដើម្បីប្រើប្រាស់ដីឡាវ ។ សម្តេចបញ្ជាក់ថា ៖«ខ្ញុំសូមផ្តាំទៅលោកបណ្ឌិតឲ្យបានជ្រាបសារព័ត៌មាន ដែលបានសម្ភាសន៍នោះត្រូវបានបញ្ជូនមកឲ្យខ្ញុំ ត្រង់សារព័ត៌មានចុះផ្សាយ ឬមិនចុះផ្សាយ គឺជារឿងរបស់សារព័ត៌មានទេ ។ ក៏ប៉ុន្តែខ្ញុំមិនចង់ឲ្យលោកបណ្ឌិតមានការខុសឆ្គងបន្តទៀត ជាមួយឥរិយាបថ របស់ឡាវ ឬជាមួយឥរិយាបថរបស់ថៃ ឬវៀតណាម ឬឥរិយាបថក្នុងចំណោមប្រទេសអាស៊ាន នោះទេ ។
សុំទោសចំពោះលោកបណ្ឌិត លោកគួរទៅរៀនឲ្យច្រើនបន្តិចអំពីទំនាក់ទំនងរវាងប្រទេស និងប្រទេស ហើយលោកបណ្ឌិតគួរទៅរៀនឲ្យចេះដឹងច្រើនបន្តិចអំពីគោលការណ៍អាស៊ានស្តីពីការមិនជ្រៀលជ្រែកចូលក្នុងកិច្ចផ្ទៃក្នុងផងគ្នា» ។ សម្តេចបន្តែមថា កម្ពុជា និងឡាវមានទំនាក់ទំនងគ្នាល្អណាស់ ហើយខ្ញុំចង់ឲ្យលោកនាយករដ្ឋមន្ត្រីឡាវបញ្ជាក់បន្តិចចំពោះអ្នកសារព័ត៌មាន និងទៅកាន់បណ្ឌិតកម្ពុជាម្នាក់ ព្រោះគេនឹងចាត់ទុកថា ក្រុមនោះនឹងប្រើប្រាស់ដីឡាវចូលមកកម្ពុជា ។ ខ្ញុំចង់ឲ្យលោកនាយករដ្ឋមន្ត្រីបញ្ជាក់ ទៅពួកគេអំពីគោលការណ៍អាស៊ាន និងគោលការណ៍របស់ឡាវមិនអនុញ្ញាតផ្តល់ទឹកដីឡាវប្រឆាំង និងកម្ពុជា ឬប្រឆាំងប្រទេសជិតខាង ។
ជាមួយគ្នានោះដែរ សម្តេចក៏បានឲ្យដឹងថា រដ្ឋាភិបាលថៃក៏បានទទួលរួចហើយនូវសាលាដីកាតុលាការ ដើម្បីចាប់ខ្លូនជនណាដែលសាលាដីការតុលាការផងដែ ។ សម្តេចតេជោបញ្ជាក់ថា៖«យើងក៏នឹងបញ្ជូលនូវសាលដីកាតុលាការទៅកាន់ក្របខណ្ឌប្រទេសជាសមាជិកអាស៊ានទាំងអស់ ។ អីញ្ចឹងសូមអញ្ជើញធ្វើតាមចំណងរបស់ខ្លូនទៅចុះ ប៉ុន្តែអ្វីដែលខ្ញុំសោកស្តាយគ្រាន់ថា បណ្ឌិតម្នាក់វិភាគថា បើមិនប្រគល់ដីទេឡាវ និងប្រគល់ដីឲ្យក្រុមប្រឆាំងធ្វើសកម្មភាពប្រឆាំងនឹងកម្ពុជា» ។
លោកថងលូន ស៊ីស៊ូលីត (Thongloun Sisoulith)នាយករដ្ឋមន្ត្រីឡាវបានលើកឡើងយ៉ាងដូច្នេះថា ៖«ប្រសិនបើមានបុគ្គលណាដែលមានទោសមកឆ្លងប្រទេសឡាវ សញ្ញាតិណាក៏ដោយ បើយកដីឡាវទៅបំផ្លាញប្រទេសផ្សេងនោះយើងនឹងធ្វើការយ៉ាងម៉ត់ចត់មិនឲ្យកើតបញ្ហានេះឡើងឡើយ» ។ លោកបន្តថា ប្រទេសកម្ពុជា គឺជាមិត្តភក្តិ ហើយព័ត៌មានដែលលើកឡើងនោះគឺជាព័ត៌មានមិនល្អបង្កើតភាពបំបែកបំបាក់ឲ្យប្រទេសឡាវ និងកម្ពុជា ។ ខ្ញុំសុំទៅបណ្ឌិតដែលសម្តេចតេជោលើកឡើងថាកុំយកបញ្ហានេះធ្វើឲ្យទំនាក់ទំនងឡាវ និងកម្ពុជាមានការបែកបាក់គ្នា ។ ជាការបំបែកបំបាក់ប្រជាជនកម្ពុជា និងឡាវ និងរវាងរាជដ្ឋាភិបាលកម្ពុជា និងរដ្ឋាបាល ឡាវ ៕ កែសម្រួលដោយ ៖ សុឃាក់
ចែករំលែកព័តមាននេះ