ឃាតករលាក់មុខឆក់យកជីវិត២នាក់ប្តីប្រពន្ធស្លា.ប់យ៉ាងអាណោចអាធ័ម
- កំពង់ឆ្នាំង
ខេត្តកំពង់ឆ្នាំង ៖ ប្ដីប្រពន្ធ២នាក់បានស្លាប់នៅក្នុងករណីគ្រោះថ្នាក់ចរាចរណ៍ មួយបានកើតឡើងនៅវេលាម៉ោង 7 និង 30 នាទីយប់ ថ្ងៃទី11 ខែកញ្ញា…
ខេត្តកំពង់ឆ្នាំង ៖ ប្ដីប្រពន្ធ២នាក់បានស្លាប់នៅក្នុងករណីគ្រោះថ្នាក់ចរាចរណ៍ មួយបានកើតឡើងនៅវេលាម៉ោង 7 និង 30 នាទីយប់ ថ្ងៃទី11 ខែកញ្ញា…
ខេត្តកំពង់ឆ្នាំង ៖ ប្ដីប្រពន្ធ២នាក់បានស្លាប់នៅក្នុងករណីគ្រោះថ្នាក់ចរាចរណ៍ មួយបានកើតឡើងនៅវេលាម៉ោង 7 និង 30 នាទីយប់ ថ្ងៃទី11 ខែកញ្ញា ឆ្នាំ2019 នៅលើកំណាត់ផ្លូវជាតិលេខ53 ត្រង់ចន្លោះគីឡូម៉ែត្រលេខ20-21 ចំណុចលូបាក់ក្នុងភូមិក្រាំងតាមុំ ឃុំតាំងក្រសាំង ស្រុកទឹកផុស ។
តាមប្រភពពីសមត្ថកិច្ចបានឲ្យដឹងថា មុនពេលកើតហេតុបុរសរងគ្រោះមានឈ្មោះ គង់ សេន អាយុ60ឆ្នាំ មានទីលំនៅភ្នំពេញ ប៉ុន្តែបានមកស្នាក់នៅបណ្ដោះអាសន្នក្នុងភូមិក្រាំងតាមុំ ឃុំតាំងក្រសាំង បានបើករ៉ឺម៉កម៉ូតូដឹកប្រពន្ធឈ្មោះ សួង សារ៉េត អាយុ57ឆ្នាំ មានទីលំនៅភូមិចាន់ត្រក ឃុំក្រាំងស្គា ស្រុកទឹកផុស ។
លុះពេលបើកពេលមកដល់ចំណុចកើតហេតុស្រាប់តែមានរថយន្តមួយគ្រឿងមិនស្គាល់ម៉ាកបើកមកពីក្រោយបុកយ៉ាងពេញទំហឹងបណ្ដាលឱ្យម៉ូតូ និងរ៉ឺម៉កធ្លាក់ចូលស្នាមភ្លោះហើយស្លាប់ជនរងគ្រោះទាំងពីរនាក់ប្ដីប្រពន្ធតែម្តង ។ ក្រោយកើតហេតុរថយន្តបង្កបានបើកគេចខ្លួនបាត់តែនៅកន្លែងកើតហេតុគេឃើញបំណែករថយន្តមួយបន្ទះពណ៌ឈាមជ្រូក ។
ក្រោយពេលពិនិត្យនៅកន្លែងកើតហេតុសមត្ថកិច្ចបានប្រគល់សពទៅឲ្យក្រុមគ្រួសារយកទៅធ្វើបុណ្យតាមប្រពៃណី ។ ចំណែកឯវត្ថុតាងមានម៉ូតូ និងបំណែករថយន្តបានយកទៅរក្សាទុកដើម្បីស្រាវជ្រាវរកជនបង្កមកផ្ដន្ទាទោសតាមផ្លូវច្បាប់ ៕
កែសម្រួលដោយ ៖ សំណាង
ចែករំលែកព័តមាននេះ