Chelsea ជះ​លុយ​ទិញ Youcef Atal បាន​លុះត្រាតែ​រឿង​១​នេះ​កើតឡើង


តាម​ប្រភព​ព័ត៌មាន The Sun បានឱ្យ​ដឹង​ថា ក្លិប​តោ​ខៀវ Chelsea ខិតខំ​ធ្វើ​យ៉ាងណា​ឱ្យ​មានការ​បន្ថយ​ពេល​ដាក់​ពិន័យ​មិន​ឱ្យ​ទិញ​កីឡាករ ដើម្បី​អាច​ទិញ​យក​កីឡាករ Youcef Atal ដែល​ជា​គោលដៅ​របស់​ខ្លួន​។

ខ្សែការពារ​រូប​នេះ​គឺជា​អ្វី​ដែល Chelsea ចង់បាន​យូរ​មក​ហើយ តាំងពី​បាន​ទទួល​ពិន័យ​មិន​ឱ្យ​ទិញ​ដូរ​កីឡាករ​មក​។ តែបើ​តាម​សារព័ត៌មាន Calciomercato.com បានឱ្យ​ដឹង​ថា Chelsea នឹង​ត្រូវ​ប្រជែង​ជាមួយនឹង Valencia ក្នុង​ការ​ដណ្តើម​យក​កីឡាករ​រូប​នេះ​។

​មុន​នឹង​អាច​ប្រជែង​បាន Chelsea ត្រូវ​ទៅ​បញ្ចុះបញ្ចូល​តុលាការ​បាល់ទាត់​ជា​មុន​សិន ដើម្បី​អាច​ដក​ការ​ពិន័យ​បានឱ្យ​កាន់តែ​ឆាប់​កាន់តែ​ល្អ​។ គេ​មាន​ទំនុកចិត្ត​ខ្ពស់​ថា នឹង​អាច​រួចខ្លួន​ពី​ការ​ដាក់​ពិន័យ​នេះ នៅ​ក្នុង​ខែមករា​ឆ្នាំ​ក្រោយ​។ បើ​អាច​រួច​ពិន័យ​មែន ក្លិប​នេះ​នឹង​ធ្វើការ​ទិញ​យក Atal មក​លេង​ភ្លាម​ជាមួយនឹង​ការ​ជះ​លុយ​៣៥​លាន​ផោន​។

គួរ​បញ្ជាក់​ផង​ដែរ​ថា នេះ​គ្រាន់តែ​ជា​គម្រោង​របស់ Chelsea ប៉ុណ្ណោះ ហើយ​វា​នឹង​អាច​កើតឡើង​លុះត្រាតែ​ការ​ពិន័យ​ពិតជា​ត្រូវ​ដក​ចេញ​មែន​នៅ​ខែមករា​ឆ្នាំ​ក្រោយ ៕

ប្រភព ៖ thesun , កែសម្រួល​ដោយ ៖ សំណាង

Facebook Google Twitter Email

កីឡាអន្តរជាតិ

អត្រាប្តូរប្រាក់

អត្រាប្តូរប្រាក់ផ្សេងទៀត

Live

Sponsored News

០៨:៥០ | ក្នុងស្រុក

តើ​នឹង​មាន​អ្វី​កើតឡើង នៅ​ពេល​តារា​សម្តែង​ភាពយន្ត​ដ៏​ល្បី ទេព រិ​ន​ដា​រ៉ូ និង​តារា​ល្បី​ក្នុង​បណ្តាញ​សង្គម ហេង វិសាល ប្រឈម​មុខ​នឹង​សត្វព្រៃ​នៅ​ខេត្តបាត់ដំបង?

ការស្ទង់មតិគេហទំព័រថ្មី




សូម​អរគុណ