កីឡាករជើងខ្លាំងក្លិបបិសាចក្រហម ពិភាក្សារឿងមកលេងនៅក្លិបអេស្ប៉ាញ
តាមប្រភពព័ត៌មាន The Sun បានឱ្យដឹងថា កីឡាករជើងខ្លាំងរបស់ក្លិបបិសាចក្រហម Paul Pogba បានសួរជើងខ្លាំងនៅក្លិបអ្នកមានបុណ្យ Lionel Messi…
តាមប្រភពព័ត៌មាន The Sun បានឱ្យដឹងថា កីឡាករជើងខ្លាំងរបស់ក្លិបបិសាចក្រហម Paul Pogba បានសួរជើងខ្លាំងនៅក្លិបអ្នកមានបុណ្យ Lionel Messi…
តាមប្រភពព័ត៌មាន The Sun បានឱ្យដឹងថា កីឡាករជើងខ្លាំងរបស់ក្លិបបិសាចក្រហម Paul Pogba បានសួរជើងខ្លាំងនៅក្លិបអ្នកមានបុណ្យ Lionel Messi អំពីការមកលេងនៅអេស្ប៉ាញ ។
បងប្រុសរបស់ Pogba ឈ្មោះ Mathias បាននិយាយថា ប្អូនប្រុសរបស់គាត់បានពិភាក្សាជាមួយនឹងមនុស្សជាច្រើនអំពីការទៅលេងនៅអេស្ប៉ាញ បើទោះបីជាមិនទាន់អាចចាកចេញពី Manchester United ក៏ដោយ។ Pogba បានទៅនិយាយជាមួយនឹង Antoine Griezmann, Zlatan Ibrahimovic និង លោក Zinedine Zidane ដែលជាគ្រូបង្វឹកក្លិប Real Madrid។
កាពីទែនក្លិបអធិរាជស Sergio Ramos បាននិយាយថា៖ «Real Madrid តែងតែបើកទ្វារចាំកីឡាករល្អៗ ដូចជារូបគេជានិច្ច (Pogba)» ។ ភ្នាក់ងាររបស់ Pogba លោក Mini Raiola បានប្រាប់ថា៖ «គ្រប់គ្នាសុទ្ធតែដឹងពីគោលបំណងចង់ចាកចេញពី Man Utd របស់ Paul។ ពួកយើងកំពុងតែដំណើរការរឿងនេះ»។
បងប្រុសរបស់ Pogba បានប្រាប់ទៅកាន់សារព័ត៌មាន El Chiringuito TV ថា៖ «ខ្ញុំដឹងថា គេបានទៅនិយាយជាមួយនឹងកីឡាករមួយចំនួនពីរឿងនេះ តែមិនមែនជាមួយនឹង Sergio Ramos ទេ។ គេបានទៅនិយាយជាមួយនឹង Messi, Zlatan Ibrahimovic, Antoine Griezmann ដែលសុទ្ធតែជាកីឡាករក្រុមជម្រើសជាតិ”។
តែបើទោះបីជាចិត្តចង់ចាកចេញយ៉ាងណាក៏ដោយ Paul នៅតែត្រូវតាំងចិត្តលេងឱ្យ Manchester United នៅក្នុងរដូវកាលនេះ ហើយខំប្រឹងប្រែងឱ្យអស់ពីលទ្ធភាព ៕ (សម្រួលដោយ៖ ស្រីណា)
ចែករំលែកព័តមាននេះ