មហាត្មះ គន្ធី កំពូលមេដឹកនាំអហិ.ង្សារបស់ឥណ្ឌា
មហាត្មះ ការ៉ាមចាន់ គន្ធី (មហាត្មះ គន្ធី) ជាមេដឹកនាំមនោគមវិជ្ជា និងជាអ្នកនយោបាយដ៏ល្បីល្បាញនៃប្រទេសឥណ្ឌា អំឡុងចលនាទាមទារឯករាជ្យជាតិ ឥណ្ឌាពីចក្រភពអង់គ្លេស ។…
មហាត្មះ ការ៉ាមចាន់ គន្ធី (មហាត្មះ គន្ធី) ជាមេដឹកនាំមនោគមវិជ្ជា និងជាអ្នកនយោបាយដ៏ល្បីល្បាញនៃប្រទេសឥណ្ឌា អំឡុងចលនាទាមទារឯករាជ្យជាតិ ឥណ្ឌាពីចក្រភពអង់គ្លេស ។…
មហាត្មះ ការ៉ាមចាន់ គន្ធី (មហាត្មះ គន្ធី) ជាមេដឹកនាំមនោគមវិជ្ជា និងជាអ្នកនយោបាយដ៏ល្បីល្បាញនៃប្រទេសឥណ្ឌា អំឡុងចលនាទាមទារឯករាជ្យជាតិ ឥណ្ឌាពីចក្រភពអង់គ្លេស ។ គាត់គឺជាអ្នកត្រួសត្រាយក្នុងការប្រកាន់ខ្ជាប់នូវភាពអត់ធ្មត់ អហិង្សា និងធ្វើឱ្យប្រទេសឥណ្ឌាឆ្ពោះទៅរកឯករាជភាព និងបានបំផុសឱ្យមានចលនាតស៊ូសម្រាប់សិទ្ធិសេរីភាពក្នុងពិភពលោក ។
ក្នុងប្រទេសឥណ្ឌាគាត់ត្រូវបានគេហៅថា បាពូ (Bapu) ដែលមានន័យថា «ឪពុក» ហើយត្រូវបានប្រគល់កិត្តិនាមថា «បិតាជាតិ» ។ ដើម្បីឈ្វេងយល់ពីមហាត្មះ គន្ធី ពីនយោបាយអហិង្សាក្នុងការទាមទារឯករាជ្យពីចក្រភពអង់គ្លេស តើគាត់បានហែលឆ្លងបញ្ហាអ្វីខ្លះ ហើយក៏មានសំណួរថា តើការប្រកាន់យកហិង្សា ឬអហិង្សា មួយណាចាំបាច់ជាង ? ដើម្បីសិទ្ធិសេរីភាពនៃមនុស្សជាតិ ។
គន្ធីខ្លួនឯងក៏ត្រូវបង្ខំអោយសម្ងំស្ងៀមក្នុងគុកជាថ្មីទៀត ។ ទីបំផុតខែធ្នូ១៩១៣លោកបានត្រូវដោះលែងដើម្បីទៅធ្វើការចរចាដោយផ្ទាល់ជាមួយឧត្តមសេនីយ៍ ហ្សង់ គ្រីស្ទៀន ស្ម៊ុត ដែលគ្រានោះជាមេដឹកនាំអាហ្វ្រិកខាងត្បូង។ស្ម៊ុតធ្លាប់បានបញ្ជូនគន្ធីចូលគុកដោយដៃលោកផ្ទាល់ជាច្រើនលើកច្រើនសា ។ តាមពិតបុរសទាំងពីរជាគូសត្រូវនឹងគ្នា តែដោយចង់បង្ហាញនូវភាពអាណិតស្រឡាញ់ដែលលោកយល់ថាមានសារៈសំខាន់នោះគន្ធីបានធ្វើស្បែកជើងសង្រែកមួយគូសំរាប់លោកឧត្តមសេនីយ៍ ។ ស្ម៊ុតស្រាប់តែចាប់ផ្តើមគោរពគន្ធីជាខ្លាំង ដោយចាត់ទុកគាត់ដូចជា“ព្រះ” ។
ភ្លាមនោះអាពាហ៍ពិពាហ៍របស់ជនជាតិឥណ្ឌា បានប្រែមកជាស្របច្បាប់វិញឯពន្ធដែលគេដាក់លើអ្នកបំរើឥណ្ឌាក៏ត្រូវលុបចោល ។ ពួកឥណ្ឌានៅអាហ្រិ្វកខាងត្បូងបានទទួលសេរីភាពកាន់តែច្រើនឡើងក្នុងការធ្វើដំណើរ ។ គន្ធីបានទទួលជោគជ័យលើការអនុវត្តន៍ការមិនគោរពច្បាប់ស៊ីវិល ដូចជាការដើរដង្ហែក្បួនតវ៉ា និងកូដកម្មដោយសន្តិវិធីរបស់លោកបានធ្វើអោយអាជ្ញាធរអាហ្វ្រិកខាងត្បូងដ៏មានអំណាចចុះញ៉ម ។ ការដឹកនាំការតស៊ូប្រឆាំងអង់គ្លេសនៅឥណ្ឌា
ឥឡូវនេះជាមួយនឹងសម្លេងនិយាយឮខ្លាំងៗបុរសសំគមល្អិតគន្ធីលែងស្លៀកពាក់ឯកសណ្ឋានអង់គ្លេសទៀតហើយ តែលោកបែរជាដើរជើងទទេ ស្លៀកសំពត់ប៉ឹងបែបហិណ្ឌូឬអាវដណ្តប់គ្មានដៃពណ៌វិញដែលលោកប្រើជារហូតមក ។ តាមពិតជនជាតិឥណ្ឌានៅអាហ្វ្រិកខាងត្បូងនៅពុំទាន់ទទួលបានសមភាពពេញលេញដូចពួកស្បែកស តែគន្ធីបានអោយមានវឌ្ឃនភាពច្រើនឆ្ពោះទៅគោលដៅនេះ ។ ក្នុងការងារនេះឈ្មោះរបស់គន្ធីបានល្បីរន្ទីពាសពេញស្រុកកំណើតឥណ្ឌារបស់គាត់ ។ ក្នុងអារម្មណ៍របស់ពួកគេ គន្ធីពិតជាបុរសម្នាក់ដែលបានធ្វើអោយសម្រេចសុបិន្តដ៏យូរអង្វែងរបស់ខ្លួន ។ ពួកគេបានរួមចំណែកក្នុងសុបិន្តរបស់គាត់ ដើម្បីស្វះស្វែងរកឯករាជ្យភាពពីស្តេចអង់គ្លេសជូនប្រទេសជាតិ ។
នៅខែមករាឆ្នាំ១៩១៥ ម៉ូហាន់ដាស គន្ធី ដែលទើបតែមានអាយុ៤៥ឆ្នាំ បានធ្វើដំណើរទៅដល់ក្រុងបុំបៃប្រទេសឥណ្ឌា ។ មិនទាន់ទាំងចុះពីនាវាផងលោកបានទទួលការស្វាគមន៍ពីហ្វូងមនុស្សដែលសប្បាយអ៊ូអរ ។ គន្ធីដឹងច្បាស់ថា ទោះជាសមាជិកគាំទ្ររបស់ពួកគេមានធំធេងយ៉ាងណាក៏ដោយ ក៏ការតស៊ូត្រូវការពេលវេលាយូរអង្វែងហើយលំបាកលំបិនទៀត ។ លោកបានសំរេចចិត្តចាប់ផ្តើមធ្វើដំណើរយ៉ាងសាមញ្ញជុំវិញប្រទេសដើម្បីជួបប្រាស្រ័យជាមួយ
ប្រជាជន ។ នៅគ្រប់ទីកន្លែងដែលលោកទៅដល់មនុស្សទាំងហ្វូងៗនៅរង់ចាំជូនពរលោកហើយខ្លះទៀតគ្រាន់តែសង្ឃឹមចង់បានឃើញមុខគន្ធីប៉ុណ្ណោះ ។
ដោយមិនទាន់ប្រញាប់ប្រញាល់ហក់ចូលក្នុងកិច្ចការនយោបាយ លោកបានរៀបចំបង្កើតសហគមន៏សាសនាមួយនៅក្រុងអាមេដាបាត ស្រដៀងគ្នានិងសហគមន៍ Phoenix Settlement និង Tolstoy Farms របស់លោកនៅអាហ្វ្រិកខាងត្បូងដែរ ។ ជាមួយនឹងការជំនះការជំទាស់យ៉ាងខ្លាំង ដោយរួមទាំងភរិយារបស់គាត់ផងគន្ធីនៅតែចចេសថាពួកសូទ្រៈ គួរត្រូវអនុញ្ញាតអោយចូលក្នុងសហគមន៍ ។ សមាជិកខ្លះបារម្ភពីភាពកខ្វក់ទឹកដែលពួកសូទ្រៈប្រើប្រាស់ តែគន្ធីនៅតែចេញមុខការពារហើយសហគមន៍ចេះតែបន្តមានជីវិតទៅទៀត ។
ក្នុងពេលជាមួយគ្នា ពួកមេដឹកនាំអង់គ្លេសនៅឥណ្ឌាបានបន្តទុកលំបាកដល់ជីវភាពប្រជាជនឥណ្ឌាគ្មានឈប់ឈរ ។ មន្ត្រីអង់គ្លេសប្រហែលមួយពាន់នាក់ ដែលគ្រប់គ្រងឥណ្ឌារស់នៅក្នុងជីវភាពហ៊ឺហាយ៉ាងប្រណីត ខណៈដែលជនជាតិឥណ្ឌារាប់លាននាក់រងទុក្ខវេទនាឥតគណនា ។ អ្នកក្រីក្រឥណ្ឌាជាច្រើនបានដាច់ពោះស្លាប់នៅតាមដងផ្លូវ ព្រោះអាណាព្យាបាលអង់គ្លេសពុំចាប់អារម្មណ៍ ពុំយកចិត្តទុកដាក់ហើយគិតតែនាំស្បៀងអាហារឥណ្ឌាទៅលក់ឯបរទេសដើម្បីផលចំណេញ ។ សូម្បីតែនៅពេលទុរិ្ភក្សនិងជំងឺបានកើតមានពាសពេញប្រទេសទៅហើយក៏ដោយ ក៏អង់គ្លេសពុំបានចាត់វិធានការជួយអ្វីដែរ ។ ពួកគេនៅតែធ្វើព្រងើយកន្តើយ ។
ក្នុងអំឡុងសង្គ្រាមលោកលើកទី១ កងទ័ពឥណ្ឌាបានបំរើចៅហ្វាយអង់គ្លេសដោយស្ម័គ្រស្មោះ ។ នៅពេលសង្គ្រាមចប់ ពួកគេរំពឹងថានឹងនឹងទទួលបានសិទ្ធសេរីភាពច្រើនជាងមុននៅក្នុងមាតុភូមិឥណ្ឌារបស់ខ្លួន ។ តែផ្ទុយទៅវិញ នៅខែមិថុនា១៩១៩ច្បាប់ Rowlatt Acts បានត្រូវអនុម័ត ។ ច្បាប់នេះបានអនុញ្ញាតអោយដាក់គុកជនជាតិឥណ្ឌាទាំងឡាយណា ដែលគ្រាន់តែត្រូវសង្ស័យថាប្រព្រឹត្តកំហុសហើយត្រូវកាត់ទោសដោយមិនបាច់វិនិច្ឆ័យទោស ។ គន្ធី បានអំពាវនាវអោយជនជាតិឥណ្ឌាធ្វើកូដកម្មតមអាហារ និងឈប់ធ្វើការក្នុងរដ្ឋាភិបាលអង់គ្លេស ។ ព័ត៌មាននេះនឹងមានផ្សាយជូននៅវគ្គបន្តទៀត ៕
ចែករំលែកព័តមាននេះ