ខេត្តស្វាយរៀង ៖ ជនសង្ស័យចំនួន៦នាក់ ត្រូវកម្លាំងមូលដ្ឋានកងរាជអាវុធហត្ថក្រុងបាវិតសហការជាមួយមន្ទីរយុត្តិធម៌ដឹកនាំដោយលោកវរសេនីយ៍ ឯកស្រី វុត្ថា មេបញ្ជាការរងទទួលផែននគរបាលយុត្តិធម៌បានចុះបង្ក្រាបករណីរក្សាទុក ឬជួញដូរ និងប្រើប្រាស់ដោយខុសច្បាប់នូវសាធាតុញៀន នៅចំណុចស្ថិតនៅភូមិអង្គសាលា…
ខេត្តស្វាយរៀង ៖ ជនសង្ស័យចំនួន៦នាក់ ត្រូវកម្លាំងមូលដ្ឋានកងរាជអាវុធហត្ថក្រុងបាវិតសហការជាមួយមន្ទីរយុត្តិធម៌ដឹកនាំដោយលោកវរសេនីយ៍ ឯកស្រី វុត្ថា មេបញ្ជាការរងទទួលផែននគរបាលយុត្តិធម៌បានចុះបង្ក្រាបករណីរក្សាទុក ឬជួញដូរ និងប្រើប្រាស់ដោយខុសច្បាប់នូវសាធាតុញៀន នៅចំណុចស្ថិតនៅភូមិអង្គសាលា សង្កាត់ព្រៃអង្គុញ ក្រុងបាវិតបញ្ជូនមកសាលាដំបូងខេត្តស្វាយរៀង នៅរសៀលថ្ងៃទី៩ កញ្ញា។
បើតាមមន្ត្រីអាវុធហត្ថខេត្តបានឲ្យដឹងថា ការចុះបង្ក្រាបនេះកើតឡើង កាលពីវេលាម៉ោង១និង៣០នាទីរសៀល ថ្ងៃទី០៦ ខែកញ្ញានេះ នៅភូមិអង្គសាលាសង្កាត់ព្រៃអង្គុញក្រុងបាវិត ។ ប្រភពដដែលបានអោយដឹងថា ជនសង្ស័យទាំង០៥នាក់នេះ ទី១- ឈ្មោះទេព ចន្នា ភេទប្រុស អាយុ២៤ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅភូមិអង្គសាលាសង្កាត់ព្រៃអង្គុញ ក្រុងបាវិត ។ ២- ឈ្មោះ ទេព ដា ភេទប្រុស អាយុ២០ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅភូមិអង្គសាលាសង្កាត់ព្រៃអង្គុញ ក្រុងបាវិត ។ ៣-ឈ្មោះ ភោគ វីវ៉ា ភេទប្រុស អាយុ១៨ឆ្នាំ ជនជាតិខ្មែរ មុខរបរមិនពិប្រាកដ មានទីលំនៅភូមិពោធិ៍តារស់ឃុំបាសាក់ ស្រុកស្វាយជ្រំ ។ ៤-ឈ្មោះលូ រតនា ភេទប្រុស អាយុ២៤ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅភូមិសាលារៀន ឃុំបាសាក់ ស្រុកស្វាយជ្រំ ។ ៥-ឈ្មោះ អ៊ុំ វុទ្ធី ភេទប្រុស អាយុ២៥ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅពោធិ៍តា រស់ឃុំបាសាក់ ស្រុកស្វាយជ្រំ ខេត្តស្វាយរៀង ។
ប្រភពបានបន្តទៀតថា ក្រោយពីការសាកសួរជនសង្ស័យឈ្មោះ អ៊ុំ វុទ្ធីបានប្រាប់ថា ខ្លួនទិញថ្នាំញៀនពីឈ្មោះ កាលីតឌូ រស់នៅភ្នំពេញ ។ លោកមេបញ្ជាការកងរាជអាវុធហត្ថខេត្តស្វាយរៀងបានធ្វើការស្នើសុំលោកនាយឧត្តមសេនីយ៍សៅ សុខា អគ្គមេបញ្ជាការរងមេបញ្ជាការកងរាជអាវុធហត្ថលើផ្ទៃប្រទេស ដើម្បីពន្លាតដែនដីទៅរាជធានីភ្នពេញកម្លាំងស្នងការស្នងការដ្ឋានស្រាវជ្រាវបង្ក្រាបបទល្មើសសហការជាមួយបញ្ជាការដ្ឋានកងរាជអាវុធហត្ថរាជធានីភ្នំពេញ និងកងរាជអាវុធហត្ថខេត្តស្វាយរៀង ដឹកនាំដោយវរសេនីយ៍ទោអ៊ួង វិរៈរ័ត្មមុន្នី នាយការរិយាល័យបទល្មើសគ្រឿងញៀន កងរាជអាវុធហត្ថលើផ្ទៃប្រទេស ។ រហូតដល់ម៉ោង៧និង០០នាទីយប់ ថ្ងៃទី០៧ ខែកញ្ញា ឈ្មោះ អ៊ុ វុទ្ធី បានទំនាក់ទំនងជាមួយឈ្មោះរុន រស្មី ហៅកាលីតឌូ នៅចំណុច២៣តុលា ស្ថិតនៅភូមិ១៦ ក្រុម១២១ សង្កាត់ទន្លេបាសាក់ ខណ្ឌចំការមន ។
ខណៈនោះឈ្មោះកាលីតឌូ បានបង្ហាញខ្លួនសមត្ថកិច្ចបានឃាត់ខ្លួន ជនសង្ស័យចំនួនម្នាក់ទៀត គឺ៦- ឈ្មោះរុន រស្មី ភេទប្រុស អាយុ៤០ឆ្នាំ មុខរបរមិនពិតប្រាកដ មានទីលំនៅសង្កាត់ទឹកល្អក៣ ខណ្ឌទួលគោក រាជធានីភ្នំពេញ ។ វត្ថុតាងដែលសមត្ថកិច្ចយើងដកហូតបានរួមមាន ១.ម្ស៉ៅក្រាមពណ៌ថ្លាចំនួន០៧កញ្ចប់ មានទម្ងន់២២.១ ក្រាម (គិតទាំងសំបកវិចខ្ចប់) ២-ថ្នាំគ្រាប់ពណ៌ផ្កាឈូក ចំនួន៨៨គ្រាប់ មានទម្ងន់១០.៦៧ក្រាម (គិតទាំងសំបកវិចខ្ចប់) ៣- ម៉ូតូចំនួន០១គ្រឿង ៤-ទូរស័ព្ទចំនួន០៥គ្រឿង ៥-សម្ភារៈប្រើប្រាស់គ្រឿងញៀនមួយចំនួនធំ ។
ជនសង្ស័យទាំង៦នាក់ និងវត្ថុតាងសមត្ថកិច្ចបានកសាងសំណុំរឿងបញ្ជួនទៅអយ្យការអមសាលាដំបូងខេត្តស្វាយរៀង កាលពីរសៀលថ្ងៃទី៩ ខែសីហា ឆ្នាំ២០១៩ ដើម្បីចាត់ការតាមនីតិវិធី៕ កែសម្រួលដោយ ៖ សុឃាក់
ចែករំលែកព័តមាននេះ