រវើរវាយ រាយមាយ ក្តៅក្រហាយស្តាយក្រោយប្រៀបដូចខ្ញុំបម្រើគេ គ្មានឡើយសិរីភាព នេះជាមតិកាធម៌មួយប្រការក្នុងចំណោមមាតិកាធម៌ទាំង៥នៅក្នុងនីវរណធម៌ ហៅថាឧទ្ធច្ចកុក្កុច្ចៈ ។ តាមធម្មតាខ្ញុំបម្រើគេមិនមានសេរីភាពលើខ្លួនឯងទេ ទោះជាពេលដែលពពួកមនុស្សកំពុងសប្បាយរីករាយក្នុងបុណ្យធំៗជាដើមមានបុណ្យប្រចាំឆ្នាំជាដើម ក៏ត្រូវចៅហ្វាយនាយហៅប្រើសព្វគ្រប់កិច្ចការដែរ…
រវើរវាយ រាយមាយ ក្តៅក្រហាយស្តាយក្រោយប្រៀបដូចខ្ញុំបម្រើគេ គ្មានឡើយសិរីភាព នេះជាមតិកាធម៌មួយប្រការក្នុងចំណោមមាតិកាធម៌ទាំង៥នៅក្នុងនីវរណធម៌ ហៅថាឧទ្ធច្ចកុក្កុច្ចៈ ។
តាមធម្មតាខ្ញុំបម្រើគេមិនមានសេរីភាពលើខ្លួនឯងទេ ទោះជាពេលដែលពពួកមនុស្សកំពុងសប្បាយរីករាយក្នុងបុណ្យធំៗជាដើមមានបុណ្យប្រចាំឆ្នាំជាដើម ក៏ត្រូវចៅហ្វាយនាយហៅប្រើសព្វគ្រប់កិច្ចការដែរ យ៉ាងណាមិញការរាយមាយរវើរវាយក្តី ការ ក្តៅក្រហាយស្តាយក្រោយក្តី រមែងញ៉ាំងចិត្តបុគ្គលឱ្យរវល់ រសាប់ រសល់ ខ្វាយខ្វល់ រហូតដល់នៅមិនស្ងៀមតាមផ្លូវកាយ សូម្បីភិក្ខុនៅក្នុងព្រៃក៏ពុំបាននូវរសនៃព្រះធម៌ ព្រោះខុសនឹងវិន័យ ឬសង្ស័យក្នុងវិន័យជាដើម ។
ព្រោះហេតុនោះបុគ្គលគួរសិក្សារៀនសូត្រច្រើន ឬត្រូវតែជាអ្នកទ្រទ្រង់ធម៌ ទ្រទ្រង់ព្រះវិន័យ ព្យាយាមសន្ទនា ឬសាកសួរនូវធម៌តាមកាល និងសេពគប់ចំពោះបុគ្គលជាសប្បុរស និយាយពាក្យពីរោះ ពាក្យមានប្រយោជន៍ ប្រយ័ត្នពាក្យដែលនាំឱ្យក្តៅក្រហាយស្តាយក្រោយជាហេតុដល់នូវវិប្បដិសារីនៅពេលក្រោយ ។ (ដោយសាន សារិន)
ចែករំលែកព័តមាននេះ