រាជធានីភ្នំពេញ ៖ ឯកអគ្គរដ្ឋទូតថ្មីរបស់សហរដ្ឋអាមេរិកប្រចាំនៅកម្ពុជាបានបញ្ជាក់ជំហរធ្វើកិច្ចសហប្រតិបត្តិការជាមួយកម្ពុជានឹងបង្កើនការធ្វើពាណិជ្ជកម្មរវាងសហរដ្ឋអាមេរិក និងកម្ពុជា ការពង្រឹងទំនាក់ទំនងរវាងសហគមន៍ខ្មែរ-អាមេរិក និងប្រជាជននៅកម្ពុជា …។ យោងតាមបណ្តាញសង្គមហ្វេសប៊ុកលោក មុត ចន្ថា…
រាជធានីភ្នំពេញ ៖ ឯកអគ្គរដ្ឋទូតថ្មីរបស់សហរដ្ឋអាមេរិកប្រចាំនៅកម្ពុជាបានបញ្ជាក់ជំហរធ្វើកិច្ចសហប្រតិបត្តិការជាមួយកម្ពុជានឹងបង្កើនការធ្វើពាណិជ្ជកម្មរវាងសហរដ្ឋអាមេរិក និងកម្ពុជា ការពង្រឹងទំនាក់ទំនងរវាងសហគមន៍ខ្មែរ-អាមេរិក និងប្រជាជននៅកម្ពុជា …។
យោងតាមបណ្តាញសង្គមហ្វេសប៊ុកលោក មុត ចន្ថា មនុស្សជំនិតលោក កឹម សុខា និងជាអតីតមន្ត្រីជាន់ខ្ពស់គណបក្សសង្គ្រោះជាតិបានសរសេរយ៉ាងដូច្នេះថា លោក W. Patrick Murphy ត្រូវបានតែងតាំងជា «ឯកអគ្គរដ្ឋទូតថ្មីនៃសហរដ្ឋអាមេរិកប្រចាំព្រះរាជាណាចក្រកម្ពុជា» ហើយលោកគ្រោងនឹងមកដល់កម្ពុជានៅប្រហែលជាពាក់កណ្តាលខែកញ្ញានេះ ។ លោក Patrick Murphy បានថ្លែងនៅចំពោះមុខគណៈកម្មការកិច្ចការបរទេសនៃព្រឹទ្ធសភាថា អាទិភាពរបស់លោកក្នុងនាមជាប្រមុខនៃបេសកកម្មអាមេរិកប្រចាំនៅទីក្រុងភ្នំពេញនឹងបង្កើនការធ្វើពាណិជ្ជកម្ម រវាងសហរដ្ឋអាមេរិក និងកម្ពុជា ការពង្រឹងទំនាក់ទំនងរវាងសហគមន៍ខ្មែរ-អាមេរិក និងប្រជាជននៅកម្ពុជា ហើយនិងស្វែងរកទាហានអាមេរិកដែលបានស្លាប់នៅក្នុងប្រទេសកម្ពុជាក្នុងសង្គ្រាមឥណ្ឌូចិនលើកទី២ ។ (ជាទូទៅហៅថា សង្គ្រាមវៀតណាមនៅអាមេរិក)។
«លោកបន្តបញ្ជាក់ថា លោកនឹងធ្វើការយ៉ាងជិតស្និទ្ធជាមួយសភាតំណាងរាស្ត្រអាមេរិក ដើម្បីជំរុញផលប្រយោជន៍សហរដ្ឋអាមេរិកនៅកម្ពុជាលើកកម្ពស់លទ្ធិប្រជាធិបតេយ្យ សិទ្ធិមនុស្ស និងសេរីភាពជាមូលដ្ឋានដោយផ្អែកលើការគាំទ្រខ្លាំងរបស់សហរដ្ឋអាមេរិកដែលទទួលបានពីក្នុងចំណោមសាធារណជនកម្ពុជាលោកនឹងបន្តពង្រឹងកិច្ចសហប្រតិបត្តិការលើចក្ខុវិស័យរបស់សហរដ្ឋអាមេរិក សម្រាប់ឥណ្ឌូ -ប៉ាស៊ីហ្វិក» ។ ក្នុងពេលផ្តល់សក្ខីកម្មចំពោះមុខគណៈកម្មការកិច្ចការបរទេសនេះដែរលោកសង្កត់ថា លោកនឹងតស៊ូមតិឲ្យមាន «ការផ្សះផ្សារ» រវាងគណបក្សប្រជាជនកម្ពុជាដែលកំពុងកាន់អំណាច និងគណបក្សប្រឆាំងកម្ពុជា គឺគណបក្សសង្គ្រោះជាតិដែលត្រូវបានហាមឃាត់មិនឱ្យចូលរួមការបោះឆ្នោតឆ្នាំ២០១៨ ។
ការរិះគន់របស់សហរដ្ឋអាមេរិកចំពោះការបោះឆ្នោតនោះដែលកើតឡើងស្របពេលនឹងការចាប់ដាក់ពន្ធនាគារនៃមេដឹកនាំប្រឆាំង លោក កឹម សុខា បានធ្វើឱ្យទំនាក់ទំនងរវាងប្រទេសទាំងពីរមានភាពប្រេះឆាថែមទៀត ៕ កែសម្រួលដោយ ៖ សុឃាក់
ចែករំលែកព័តមាននេះ