ព្រះរតនត្រ័យគឺ ព្រះពុទ្ធ ព្រះធម៌ ព្រះសង្ឃ ឬហៅថាព្រះពុទ្ធសាសនាមិនដែលមានទោស និងមិនដែលសៅហ្មងសោះឡើយ មានតែអ្នកកាន់សាសនាទេដែលសៅហ្មងនោះ ។
ប៉ុន្តែមានមនុស្សមិនតិចទេដែលមើលឃើញការប្រព្រឹត្តខុសរបស់អ្នកកាន់ព្រះពុទ្ធសាសនា ហើយបែរជាតិះដៀលពុទ្ធសាសនាទាំងមូលមិនបណ្តាក់មាត់ទៅវិញ ។
ចំណុចនេះអ្នកមានហេតុផលគួរចេះបែងចែកឱ្យដាច់ស្រឡះរវាងព្រះត្រ័យរតន៍និងអ្នកកាន់ពុទ្ធសាសនាចៀសវាងការភ័ន្តច្រឡំដោយប្រការផ្សេងៗ ។ ការប្រព្រឹត្តខុសទៅនឹងធម៌វិន័យ វាជាទោសកំហុសរបស់បុគ្គល មិនមែនជាវិបត្តិរបស់ព្រះត្រ័យរតន៍ទេ សូមកុំវាយប្រហារព្រះពុទ្ធសាសនាទាំងមូល ពិតជាអយុត្តិធម៌ពេកហើយ គឺព្រះពុទ្ធសាសនានៅតែល្អបរិសុទ្ធជានិច្ច ។
ព្រះពុទ្ធសាសនាតែងមានភាពបរិសុទ្ធយ៉ាងនេះ ចំណែកអ្នកកាន់សាសនាទោះសុទ្ធក្តីមិនសុទ្ធក្តីអាស្រ័យលើខ្លួនឯងជាអ្នកប្រព្រឹត្ត ។ (ដោយសាន សារិន)
ចែករំលែកព័តមាននេះ