ខេត្តកំពង់ឆ្នាំង ៖ បន្ទាប់ពីមានករណីគ្រោះថ្នាក់ចរាចរណ៍ដ៏រន្ធត់រវាងម៉ូតូបុកជាមួយម៉ូតូបណ្តាលឲ្យស្លាប់មនុស្សដល់ទៅ៥នាក់នាពេលកន្លងមកនោះ កាលពីព្រឹកថ្ងៃទី៧ ខែកញ្ញា ឆ្នាំ២០១៩ នៅអធិការដ្ឋាននគរបាលស្រុកកំពង់ត្រឡាច មានរៀបចំធ្វើពិធីសូត្រមន្ត និងប្រោះព្រំតាមផ្លូវជាតិលេខ៥ ដើម្បីរំដោះគ្រោះ…
ខេត្តកំពង់ឆ្នាំង ៖ បន្ទាប់ពីមានករណីគ្រោះថ្នាក់ចរាចរណ៍ដ៏រន្ធត់រវាងម៉ូតូបុកជាមួយម៉ូតូបណ្តាលឲ្យស្លាប់មនុស្សដល់ទៅ៥នាក់នាពេលកន្លងមកនោះ កាលពីព្រឹកថ្ងៃទី៧ ខែកញ្ញា ឆ្នាំ២០១៩ នៅអធិការដ្ឋាននគរបាលស្រុកកំពង់ត្រឡាច មានរៀបចំធ្វើពិធីសូត្រមន្ត និងប្រោះព្រំតាមផ្លូវជាតិលេខ៥ ដើម្បីរំដោះគ្រោះ និងបណ្តេញឧបទ្រពចង្រៃ ដែលខ្មែរយើងនិយមហៅថា ជើងកប ។
លោក នន ស៊ីណាត អធិការនគរបាលស្រុកកំពង់ត្រឡាច បានអោយដឹងថា បន្ទាប់ពីមានករណីគ្រោះថ្នាក់ចរាចរណ៍ម៉ូតូបុកជាមួយនឹងម៉ូតូ បណ្ដាលឲ្យស្លាប់មនុស្សចំនួន៤នាក់ ក្រោយមកអ្នករបួសធ្ងន់ម្នាក់ទៀតបានស្លាប់ សរុប៥នាក់រួចមក គណៈបញ្ជាការឯកភាពខេត្ត ក៏ដូចជាលោកស្នងការនគរបាលខេត្ត ក៏បានចាត់ចែងឲ្យលោករៀបចំពិធីសូត្រមន្ត ដោយនិមន្តព្រះសង្ឃចំនួន៦អង្គ សូត្រមន្តប្រោសព្រំ តាមដងផ្លូវជាតិ នឹងនៅកន្លែងកើតហេតុ ដើម្បីបណ្តេញឧបទ្រពចង្រៃ ចៀសវាងគ្រោះថ្នាក់ចរាចរណ៍កើតឡើងនៅកន្លែងនោះទៀត ។
លោកបានបញ្ជាក់ថា ព្រះសង្ឃចំនួន៦អង្គបានសូត្រជយន្តោប្រោសព្រំចាប់ពីស្រុកឧដ្ដុង្គ ខេត្តកំពង់ស្ពឺ រហូតដល់ព្រំប្រទល់ស្រុករលាប្អៀរ ដើម្បីប្រោសព្រំដេញឧបទ្រពចង្រៃ ។ ពិធីនេះដោយសារតែខ្មែរយើងមានជំនឿថា បើមានអ្នកស្លាប់បែបនេះនឹងមានជើងកបទៅថ្ងៃក្រោយទៀត ហេតុដូច្នេះហើយទើបរៀបចំពិធីនេះឡើងដើម្បីបញ្ចៀសការគ្រោះថ្នាក់នៅកន្លែងដដែលៗទៀត។
ទោះបីជាយ៉ាងនេះក្តី លោកក៏បានសំណូមពរដល់ប្រជាពលរដ្ឋទាំងអស់ដែលជាអ្នកធ្វើដំណើរតាមដងផ្លូវ សូមមេត្តាគោរពច្បាប់ចរាចរណ៍ទាំងអស់គ្នា ៕ (កែសម្រួលដោយ ៖ ធីតា)
ចែករំលែកព័តមាននេះ