យោងតាមមន្ត្រីអាមេរិក និងវៀតណាមបានឱ្យដឹងថា ប្រទេសវៀតណាមបានសន្យាថា នឹងនាំចូលទំនិញអាមេរិកបន្ថែមទៀត ដើម្បីបន្ថយការយល់ឃើញថា ប្រទេសខ្លួនបានចំណេញយ៉ាងអយុត្តិធម៌ពីសង្គ្រាមពាណិជ្ជកម្មអាមេរិក – ចិន ។
មន្ត្រីបាននិយាយថា នៅក្នុងកិច្ចពិភាក្សាថ្មីៗជាមួយពាណិជ្ជករ និងអ្នកការទូតអាមេរិកមន្ត្រីវៀតណាមបាននិយាយអំពីការនាំចូលផលិតផលកាន់តែច្រើន រួមមានធ្យូងថ្ម ឧស្ម័នធម្មជាតិ សាច់ ផ្លែឈើ និងផលិតផលកសិកម្មដទៃទៀត ។
កិច្ចចរចានេះធ្វើឡើងបន្ទាប់ពីប្រធានាធិបតីអាមេរិកលោកដូណាល់ត្រាំ បាននិយាយទៅកាន់ Fox News កាលពីខែមិថុនា បានហៅប្រទេសវៀតណាមថាជា «អ្នករំលោភបំពានដ៏អាក្រក់បំផុតចំពោះមនុស្សគ្រប់គ្នា» ទាក់ទងនឹងពាណិជ្ជកម្មដែលធ្វើឱ្យមានការភ័យខ្លាចនៅទីក្រុងហាណូយថា ប្រទេសនេះអាចនឹងស្ថិតក្នុងបញ្ជីរដ្ឋបាលរបស់លោកត្រាំ សម្រាប់ទណ្ឌកម្មពន្ធគយ ។
ពាណិជ្ជកម្មរបស់វៀតណាមជាមួយអាមេរិកដែលជាទីផ្សារនាំចេញធំបំផុតរបស់ខ្លួនបានឈានដល់៣៩.៥កោដិដុល្លារ កាលពីឆ្នាំមុន និងកំពុងឈានដល់ការបង្កើតកំណត់ត្រាថ្មីនៅឆ្នាំនេះ ។
ប្រទេសនេះបានទទួលផលប្រយោជន៍ពីការវិនិយោគថ្មី ប៉ុន្តែក៏ស្ថិតនៅក្រោមការត្រួតពិនិត្យដ៏សំខាន់របស់សហរដ្ឋអាមេរិកដោយសារ តែអ្នកនាំចេញដែលដឹកជញ្ជូនទំនិញពីប្រទេសចិន បានដាក់ស្លាកទំនិញទាំងនោះថា« ផលិតនៅវៀតណាម» ដើម្បីចៀសវាងពន្ធគយ ។ ទីក្រុងហាណូយនិយាយថា ខ្លួនកំពុងបង្ក្រាបលើការអនុវត្តនេះ ។
គួរបញ្ជាក់ផងដែរថា សហរដ្ឋអាមេរិកកាលពីខែកក្កដាបានដាក់កាតព្វកិច្ចដែលមានតម្លៃជាង ៤០០% លើដែកថែបដែលផលិតនៅប្រទេសវៀតណាម ។ ទីក្រុងវ៉ាស៊ីនតោនក៏កំពុងដាក់សម្ពាធទីក្រុងហាណូយ លើបញ្ហាបទប្បញ្ញត្តិរួមទាំងច្បាប់សន្តិសុខ តាមអ៊ីនធឺណិតដ៏ចម្រូងចម្រាស ៕ កែសម្រួលដោយ ៖ សុឃាក់
ចែករំលែកព័តមាននេះ