ខេត្តមណ្ឌលគីរី ៖ បើតាមសេចក្តីរាយការណ៍បឋមបានឱ្យដឹងថា បើគិតត្រឹមល្ងាចថ្ងៃទី8 ខែកញ្ញា ឆ្នាំ២០១៩នេះ ជនសង្ស័យដែលបានបាញ់សម្លាប់២នាក់ប្តីប្រពន្ធនៅស្រុកកោះញែកនោះ ត្រូវបានសមត្ថកិច្ចវែកមុខឃាត់ខ្លួនស្ត្រីជាជនដៃដល់បានម្នាក់រួចហើយ និងកំពុងបញ្ជូនពីតំបន់កើតហេតុដែលមានចម្ងាយជាង៣០០គីឡូម៉ែត្រ ទៅស្នងការដ្ឋាននគរបាលខេត្ត ដើម្បីធ្វើការសាកសួរបន្ត។
សេចក្តីរាយការណ៍បន្តថា ដោយឡែកបុរសជាប្ដីដែលស្ថិតនៅក្នុងការជាប់ពាក់ព័ន្ធជាមួយនឹងស្ត្រីជនដៃដល់បាញ់សម្លាប់មនុស្សយ៉ាងសាហាវព្រៃផ្សៃនោះ ក៏កំពុងត្រូវបានសមត្ថកិច្ចស្រាវជ្រាវបន្តស្វែងរកចាប់ខ្លួនផងដែរ ។
បើតាមសមត្ថកិច្ចបានឱ្យដឹងថា ជនរងគ្រោះខាងលើឈ្មោះ រ៉ា ហៅម៉ៅ ភេទប្រុស អាយុ៣៧ឆ្នាំ មុខរបកសិករ ស្នាក់នៅបណ្ដោះអាសន្ននៅចំណុចភូមិ-ឃុំកើតហេតុខាងលើ ត្រូវជាប្ដី ហើយត្រូវជនសង្ស័យបាញ់ចំនួន១គ្រាប់ត្រូវចំក្រោមដោះខាងឆ្វេងធ្លាយចេញមកក្រោមក្លៀកខាងស្ដាំ បណ្ដាលឱ្យស្លាប់នៅនឹងកន្លែង ។ ចំណែកជនដៃដល់ សមត្ថកិច្ចនៅមិនទាន់ដឹងពីអត្តសញ្ញាណនៅឡើយ ព្រោះស្នងការខេត្តស្នើសុំលាក់សិន ដើម្បីស៊ើបអង្កេតតាមចាប់ម្នាក់ផ្សេងទៀត។
ទោះជាយ៉ាងណា សមត្ថកិច្ចនៅមិនទាន់បញ្ជាក់អំពីព័ត៌មានលំអិត ជុំវិញករណីឃាតកម្មខាងលើនេះនៅឡើយទេ។
គួររំលឹកថា ប្តីប្រពន្ធមួយគូត្រូវបានខ្មាន់កាំភ្លើងបាញ់សម្លាប់ បណ្តាលឱ្យស្លាប់យ៉ាងអាណោចអាធ័មនៅនឹងកន្លែងកើតហេតុ រួចខ្មាន់បានរត់គេចខ្លួនបាត់ស្រមោល កាលពីល្ងាចថ្ងៃទី៧ ខែកញ្ញា ឆ្នាំ 2019 ស្ថិតនៅក្នុងភូមិសាស្ត្រចំណុចព្រៃខៀវ ភូមិរវ៉ាក់ ឃុំរយ៉ ស្រុកកោះញែក។
គួររំលឹកទៀតថា មុននេះបន្តិចផ្អើល ករណីប្តីប្រពន្ធ១គូត្រូវខ្មាន់កាំភ្លើងបាញ់យ៉ាងសាហាវ ។
ព័ត៌មានពិស្តារនឹងមានផ្សាយជូននៅលើកាសែតកោះសន្តិភាព៕ (កែសម្រួលដោយ ៖ បុប្ផា)
ចែករំលែកព័តមាននេះ