ក្រុងហុងកុង ៖ ប៉ូលិសដែលដាក់ពង្រាយជាច្រើន កាលពីថ្ងៃទី៧កញ្ញានៅហុងកុងបានរារាំងពួកបាតុករ ស្និទ្ធលទ្ធិប្រជាធិបតេយ្យមិនឲ្យរាំងខ្ទប់ជាថ្មី ដំណើរការនៃព្រលានយន្តហោះអន្តរជាតិដ៏ធំបំផុតមួយនៃពិភពលោក ៣ថ្ងៃក្រោយសម្បទានមួយរបស់រដ្ឋាភិបាល ដែលពួកបាតុករថាមិនទាន់គ្រប់គ្រាន់។ បណ្ដាសារបញ្ជូនតាមបណ្ដាញសង្គម ដែលប្រើប្រាស់ដ៏់ទូលំទូលាយបំផុត…
ក្រុងហុងកុង ៖ ប៉ូលិសដែលដាក់ពង្រាយជាច្រើន កាលពីថ្ងៃទី៧កញ្ញានៅហុងកុងបានរារាំងពួកបាតុករ ស្និទ្ធលទ្ធិប្រជាធិបតេយ្យមិនឲ្យរាំងខ្ទប់ជាថ្មី ដំណើរការនៃព្រលានយន្តហោះអន្តរជាតិដ៏ធំបំផុតមួយនៃពិភពលោក ៣ថ្ងៃក្រោយសម្បទានមួយរបស់រដ្ឋាភិបាល ដែលពួកបាតុករថាមិនទាន់គ្រប់គ្រាន់។
បណ្ដាសារបញ្ជូនតាមបណ្ដាញសង្គម ដែលប្រើប្រាស់ដ៏់ទូលំទូលាយបំផុត តាំងពីចាប់ផ្ដើមបាតុកម្មមក បានស្នើឲ្យមានសកម្មភាពនានា ដើម្បីរាំងខ្ទប់ការដឹកជញ្ជូនតាមផ្លូវដែក និងផ្លូវថ្នល់ទៅកាន់ព្រលានយន្តហោះធំទី៨នេះនៃពិភពលោក។ ព្រលានយន្តហោះអន្តរជាតិក្រុងហុងកុង ក្នុងឆ្នាំ២០១៨មានអ្នកដំណើរឆ្លងកាត់ដល់ទៅប្រមាណជា៧៤លាននាក់ ពោលស្មើនឹង១០ដងនៃប្រជាជនហុងកុង។ រយៈពេលប៉ុន្មានសប្ដាហ៍ចុងក្រោយនេះ ពួកបាតុករប៉ុនប៉ងរាំងខ្ទប់ព្រលានយន្តហោះនោះ។ ប៉ុន្តែតាក់ទិកនោះពុំទទួលបានការគាំទ្រជាឯកច្ឆ័ន្ទឡើយ ព្រោះការរាំងខ្ទប់បែបនោះនាំឲ្យមានការរំខានប៉ះពាល់ជាទូទៅដល់បុគ្គលផងទាំងពួង។
កាលពីរសៀលថ្ងៃទី៧កញ្ញា បណ្ដារថភ្លើងនិងរថយន្តបឺស ទៅកាន់ព្រលានយន្តហោះបានស្នើបំម្រើសេវាកម្មមានកម្រិត ដើម្បីចៀសវាងកុំឲ្យពួកបាតុករអាចលើកគ្នាមកច្រើន។ អាជ្ញាធរបានស្នើដល់បណ្ដាអ្នកដំណើរដែលមកជិះយន្តហោះ ឲ្យគ្រោងពេលច្រើនបន្តិចដើម្បីមកឲ្យដល់ព្រលានយន្តហោះ។
ប៉ូលិសកាលពីថ្ងៃទី៧កញ្ញាត្រូវបានដាក់ពង្រាយជាច្រើន តាមស្ថានីយរថយន្តបឺសនិងស្ថានីយរថភ្លើងសំខាន់ៗ រួមទាំងនៅតាមកំពង់ចម្លងនានា។ នារសៀលថ្ងៃទី៧កញ្ញាបរិយាកាសនៅព្រលានយន្តហោះមានសភាស្ងប់ស្ងាត់ ប៉ុន្តែបណ្ដាអ្នកដំណើរត្រូវឈរបន្តកន្ទុយគ្នាដើម្បីឆ្លងកាត់ការត្រួតពិនិត្យមុនចូលព្រលាន។ នៅតាមរថយន្តបឺសក៏៏មានការត្រួតពិនិត្យតឹងតែងដែរ៕ (កែសម្រួលដោយ ៖ បុប្ផា)
ចែករំលែកព័តមាននេះ