រាជធានីភ្នំពេញ ៖ មន្ត្រីជាន់ខ្ពស់នៃអគ្គស្នងការនគរបាលជាតិបានឲ្យបានដឹងថា នៅក្នុងឆ្នាំ២០១៨ កន្លងមកនេះកម្លាំងសមត្ថកិច្ចបានចាប់អ្នកប្រព្រឹត្តបទល្មើសព្រហ្មទណ្ឌបានជិត៤ពាន់នាក់ ក្នុងនោះយុវជន២៧% ។ លោក ជា ប៊ុនថុល…
រាជធានីភ្នំពេញ ៖ មន្ត្រីជាន់ខ្ពស់នៃអគ្គស្នងការនគរបាលជាតិបានឲ្យបានដឹងថា នៅក្នុងឆ្នាំ២០១៨ កន្លងមកនេះកម្លាំងសមត្ថកិច្ចបានចាប់អ្នកប្រព្រឹត្តបទល្មើសព្រហ្មទណ្ឌបានជិត៤ពាន់នាក់ ក្នុងនោះយុវជន២៧% ។
លោក ជា ប៊ុនថុល អនុប្រធាននាយកដ្ឋានកណ្តាលនគបាលយុត្តិធម៌នៃអគ្គស្នងការនគ របាលជាតិបានឲ្យដឹងនៅក្នុងបណ្តុះបណ្តាលវិជ្ជជីវៈធុរកិច្ចទីផ្សាបណ្តាញបានលើកឡើងថា ឆ្នាំ២០១៨ អ្នកដែលប្រព្រឹត្តិបទល្មើព្រហ្មទណ្ឌមានចំនួន៣៧៤២នាក់ ត្រូវបានចាប់ខ្លួនក្នុងនោះយុវជនមាន២៧% ចន្លោះអាយុពី១៨ទៅ២៥ឆ្នាំ មាន៧៥៨នាក់ ។ ពី១៤ឆ្នាំទៅដល់ក្រោម១៨ឆ្នាំចំនួន២២៤នាក់ បូកសរុប៩៨២នាក់ ។
ដូច្នេះជនល្មើសដែលចាប់បាន៣៧៤២នាក់ មានយុវជនជិត១ពាន់នាក់ ដែលជាតួលេខមួយគួរឲ្យខ្លាច ។ លោកក៏បានឲ្យដឹងថា តាមតួលេខជំរឿនឆ្នាំ២០១៨ ដោយក្រសួងផែនការកន្លងមក នេះបានបង្ហាញឲ្យដឹងថា យុវជនមានចំនួនប្រមាណ២៧% គឺស្មើ១.៥៧៥.១២៧នាក់ ។ ចំពោះទិន្នន័យប្រជាជន សរុបដែលប្រកាសដោយក្រសួងមហាផ្ទៃកន្លងមកមានចំនួន១៥ .២៨៨.៤៩០នាក់ ចំនួនស្រី និងប្រុសស្មើគ្នា ។ លោកបានបន្តថា ចំនួនប្រព្រឹត្តិបទល្មើសមនុស្សប្រុស មានចំនួនច្រើនជាងស្រី ទាំងបទល្មើសគ្រឿងញៀន បទជួញដូរ គ្រឿងញៀនបទល្មើសគ្រោះថ្នាក់ចរាចរណ៍ …។
លោកបញ្ជាក់ថា ៖«យុវជនបានចូលរួមយ៉ាងសកម្មក្នុងការប្រព្រឹត្តិបទល្មើស ។ តាមរយៈកម្មវិធីនេះ ខ្ញុំសូមឲ្យអ្នកទាំងធ្វើការផ្សព្វផ្សាយធ្វើយ៉ាងណាឲ្យយុវជនដកខ្លួនពីការប្រព្រឹត្តិបទល្មើសទាំងបទព្រហ្មទណ្ឌ បទល្មើសគ្រឿងញៀន បទល្មើសចរាចរណ៍ ទាំងការជួញដូរមនុស្ស ពិសេសនោះទាំងការវាយប្រពន្ធ» ។ លោកបានស្នើឲ្យយុវជនទាំងអស់ដកខ្លួនចេញពីបទល្មើសព្រោះថា គ្មានចំណេញនោះទេ គឺមានតែទទួលទោសតែប៉ុណ្ណោះ ៕កែសម្រួលដោយ ៖ សុឃាក់
ចែករំលែកព័តមាននេះ