ខ្នែងពោះវៀនគឺជាសរីរាង្គមួយប្រភេទដែលមានរាងដូចជាដង្កូវ ដែលវាស្ថិតនៅគល់របស់ពោះវៀនធំ។ សារីរាង្គមួយនេះមិនមានមុខងារសំខាន់អ្វីឡើយ ប៉ុន្តែបើសិនជាវាទៅជារលាកវិញ គឺត្រូវការការព្យាបាលជាបន្ទាន់។យ៉ាងណាមិញ ការរលាករបស់ខ្នែងពោះវៀនតែងតែបង្កជារោគសញ្ញារបស់វា ដែលវាគ្រប់គ្រាន់នឹងធ្វើឲ្យយើងភ័យខ្លាំងណាស់។ ១-ការឈឺពោះ ៖ រោគសញ្ញាធម្មតារបស់ជំងឺរលាកខ្នែងពោះវៀនគឺការឈឺក្នុងពោះ…
ខ្នែងពោះវៀនគឺជាសរីរាង្គមួយប្រភេទដែលមានរាងដូចជាដង្កូវ ដែលវាស្ថិតនៅគល់របស់ពោះវៀនធំ។ សារីរាង្គមួយនេះមិនមានមុខងារសំខាន់អ្វីឡើយ ប៉ុន្តែបើសិនជាវាទៅជារលាកវិញ គឺត្រូវការការព្យាបាលជាបន្ទាន់។យ៉ាងណាមិញ ការរលាករបស់ខ្នែងពោះវៀនតែងតែបង្កជារោគសញ្ញារបស់វា ដែលវាគ្រប់គ្រាន់នឹងធ្វើឲ្យយើងភ័យខ្លាំងណាស់។
១-ការឈឺពោះ ៖ រោគសញ្ញាធម្មតារបស់ជំងឺរលាកខ្នែងពោះវៀនគឺការឈឺក្នុងពោះ ដែលស្ថិតនៅខាងស្តាំ។ ហើយវាអាចនឹងធ្ងន់ធ្ងរៗទៅកាលណាទុកយូរ។ ការឈឺចាប់ចាប់ផ្តើមដំបូងនៅក្បែរន្ធផ្សិត បន្ទាប់មកទើបឈឺនៅផ្នែកខាងក្រោម និងខាងស្តាំនៃពោះវិញ។ រាល់ការធ្វើចលនារាងកាយគ្រប់យ៉ាងច្រើនតែធ្វើឲ្យការឈឺចាប់នោះកាន់តែធ្ងន់ធ្ងរបានទាំងអស់ ទោះបិជាក្អក ឬកណ្តាសក៏ដោយ។
២-ក្តៅខ្លួនស្ទិញៗ ៖ ការចាប់ផ្តើមរបស់ជំងឺរលាកខ្នែងពោះវៀននឹងធ្វើឲ្យក្តៅខ្លួនស្ទិញៗ។ ជាមួយគ្នានេះដែរ វាក៏មានឱកាសធ្វើឲ្យអ្នកជំងឺទៅជាគ្រុនបានដែរ។ នៅពេលអាការៈជំងឺកាន់តែធ្ងន់ធ្ងរ ការក្តៅខ្លួននឹងកាន់តែខ្លាំងតាមគ្នាដែរ។
៣-ចង្អោ ៖ ទោះបីជាការបង្ករោគក្នុងពោះក៏វាអាចបង្កជាការក្អួត និងចង្អោដែរ។ ប៉ុន្តែចូរពិគ្រោះជាមួយគ្រូពេទ្យផងបើសិនជាការចង្អោនេះកើតឡើងជាប់រហូតច្រើនជាងពីរថ្ងៃ ជាមួយគ្នានឹងការឈឺពោះថែមទៀត។ ជំងឺរលាកខ្នែងពោះវៀនក៏អាចបណ្តាលឲ្យរបបអាហារថយចុះបានដែរ។
៤-ហើមពោះ ៖ វាគឺជារឿងធម្មតាទេដែលមានអារម្មណ៍ហើមពោះក្រោយពីញ៉ាំអ្វីច្រើនៗ។ យ៉ាងណាមិញ បើសិនជាការហើមពោះនោះបន្តកើតមានជាប់ វាអាចជាសញ្ញាមួយនៃជំងឺរលាកខ្នែងពោះវៀន ហើយក៏ត្រូវការយកចិត្តទុកដាក់ខ្លាំងដែឬ។ បើសិនជារឿងនេះកើតឡើងជាមយយគ្នានឹងការឈឺពោះ និងក្តៅខ្លួនទៀតនោះ ចូរប្រាកដថាអ្នកបានពិគ្រោះជាមួយគ្រូពេទ្យហើយ។
៥-ទល់លាមកឬរាករូស ៖ សញ្ញាមួយនេះប្រហែលជាចាប់ផ្តើមកើតមានក្រោយពីអ្នកបានឈឺពោះរួចមក។ ប៉ុន្តែរឿងនេះប្រហែលជាមិនមែនជាករណីធ្ងន់ធ្ងរដូចនឹងការឈឺពោះឡើយ។
ទោះបីជាយ៉ាងណាក៏ដោយ វាអាចនឹងក្លាយទៅជារឿងគម្រាមគំហែងដល់អាយុជីវិតបានបើសិនជាខ្នែងពោះវៀនដែលរលាកនោះបែក។ ដូច្នេះ ចូរស្វែងរកការព្យាបាលពីគ្រូពេទ្យភ្លាមៗទៅបើសិនជាអ្នកមានអាការៈទាំងអស់ខាងលើ។ មិនត្រូវទិញថ្នាំលេបដោយគ្មានការពិគ្រោះជាមួយគ្រូពេទ្យជាមុនឡើយ ព្រោះវាអាចនឹងធ្វើឲ្យខ្នែងពោះវៀនធ្លាយបានគ្រប់ពេល៕ (កែសម្រួលដោយ ៖ បុប្ផា)
ចែករំលែកព័តមាននេះ