រាជធានីភ្នំពេញ ៖ សេចក្តីរាយការណ៍បឋមបានឲ្យដឹងថា គ្រាន់តែរឿងគ្រោះថ្នាក់ចរាចរណ៍បន្តិចបន្តួច បុរសម្នាក់ដែលគេស្គាល់ថា ជានាយរងការិយាល័យមន្ទីរប្រឆាំងគ្រឿងញៀនបានដកកាំភ្លើងខ្លីវាយភាគីម្ខាងទៀត បណ្តាលអោយបែកក្បាលត្រូវបានសមត្ថកិច្ចឃាត់ខ្លួនផងដែរ ហេតុការណ៍នេះបានកើតឡើងកាលពីវេលាម៉ោង៣និង៣០នាទីទៀបភ្លឺថ្ងៃទី៧ ខែកញ្ញានេះ នៅជិត និងសណ្ឋគារតាយម៉េង ផ្លូវព្រះនរោត្តម សង្កាត់ទន្លេបាសាក់ ខណ្ឌចំការមន ។
ជនរងគ្រោះមិនទាន់អោយស្គាល់អត្តសញ្ញាណទេ គ្រាន់តែដឹងថា ជិះម៉ូតូម៉ាក CPX ពណ៌ស ពីរនាក់សង្សាររបស់ខ្លួន ។ ចំនែកជនបង្កដែលត្រូវសមត្ថកិច្ចឃាត់ខ្លួនជាវរៈសេនីយ៍ទោ សេង សុផល នាយរងការិយាល័យមន្ទីរប្រឆាំងគ្រឿងញៀនជិះម៉ូតូម៉ាកហុងដាឌ្រីម សេរីឆ្នាំ២០១៧ ។ សមត្ថកិច្ចដកហូតកាំភ្លើងខ្លីមួយដើមម៉ាកប៉េអាតាបង់មានគ្រាប់ពេញ ។
តាមប្រភពព័ត៌មានពីកន្លែងកើតហេតុបានអោយដឹងថា មុនពេលកើតហេតុគេបានឃើញ បុរសដែលគេស្គាល់ថា ជានាយរងការិយាល័យមន្ទីរប្រឆាំងគ្រឿងញៀនបានជិះម៉ូតូហុងដាឌ្រីម សេរីឆ្នាំ២០១៧ ពណ៌ខ្មៅ ពាក់ស្លាកលេខ ភ្នំពេញ 1FR 1386 ធ្វើដំណើរតាមផ្លូវព្រះនរោតម្តក្នុងទិសដៅពីជើងទៅត្បូង ខណៈមកដល់ចំនុចកើតហេតុបានឈប់អែបកៀនផ្លូវដើម្បីនិយាយទូរស័ព្ទក៏ស្រាប់តែបុរសម្នាក់រួម និងនារីម្នាក់ជាសង្សារនឹងគ្នាបានជិះម៉ូតូម៉ាក PCX ពណ៌ស ពាក់ស្លាកលេខ ភ្នំពេញ 1GQ- 3449 បានធ្វើដំណើរតាមផ្លូវ ក្នុងទិសដៅស្របគ្នាក្នុងស្ថានភាពស្រវឹងបានជ្រុលទៅបុក និងម៉ូតូហុងដាឌ្រីមរបស់គាត់ពីក្រោយ បណ្តាលអោយរងការខូចខាតបន្តិចបន្តួច តែភាគីខាងម៉ូតូហុងដាឌ្រីមទប់កំហឹងមិនបានក៏ដកកាំភ្លើងខ្លីវាយក្បាល ខាងម៉ូតូ PCX បណ្តាលអោយបែកក្បាលខាងក្រោយ ។
ភ្លាមៗនោះដែរកម្លាំងសមត្ថកិច្ចរបស់អធិការដ្ឋានខណ្ឌចំការមនល្បាតឃើញក៏បានសាកសួរ និងឃាត់ខ្លួនបុរសជានាយរងការិយាល័យមន្ទីរប្រឆាំងគ្រឿងញៀនព្រមទាំងដកហូតកាំភ្លើងខ្លីមួយដើមនាំយកសារសួរនៅអធិការដ្ឋានខណ្ឌចំការមនតែម្តង ។ ដោយឡែកបុរសដែលរងរបួសត្រូវបានសមត្ថកិច្ចហៅរថយន្តសង្គ្រោះ អោយមកដឹកជនរងគ្រោះយកទៅព្យាបាលរបួសនៅមន្ទីពេទ្យភ្លាមៗផងដែរ ៕ កែសម្រួលដោយ ៖ សុឃាក់
ចែករំលែកព័តមាននេះ