ភោជនីយដ្ឋានជប៉ុន ម៉ារឹហ្គាមិ អ៊ុដុង (MARUGAME UDON) គឺជាហាងអាហារដ៏ល្បីនៅក្នុងប្រទេសជប៉ុនក៏ដូចជានៅទូទាំងពិភពលោក ហើយសម្រាប់ប្រទេសកម្ពុជា គឺនៅថ្ងៃទី៦ខែកញ្ញា ឆ្នាំ២០១៩ បានសម្ពោធជាផ្លូវការនូវសាខាទី២…
ភោជនីយដ្ឋានជប៉ុន ម៉ារឹហ្គាមិ អ៊ុដុង (MARUGAME UDON) គឺជាហាងអាហារដ៏ល្បីនៅក្នុងប្រទេសជប៉ុនក៏ដូចជានៅទូទាំងពិភពលោក ហើយសម្រាប់ប្រទេសកម្ពុជា គឺនៅថ្ងៃទី៦ខែកញ្ញា ឆ្នាំ២០១៩ បានសម្ពោធជាផ្លូវការនូវសាខាទី២ របស់ខ្លូននៅទួលទំពូង ដោយមានការចូលរួមជាកិត្តិយកពីសំណាក់ឯកអគ្គរាជទូតជប៉ុនតែងតាំងថ្មីប្រចាំកម្ពុជា ។
ហាង ម៉ារឹហ្គាមិ អ៊ុដុង សាខាសាខាទី១ ស្ថិតនៅបឹងកេងកង ដែលបានបើកដំណើរការ៤ឆ្នាំមកហើយ ហើយដោយសារតែមានអតិថិជនគាំទ្រច្រើន ទើបក្រុមហ៊ុនសម្រេចបើកសាខាទី២ នេះបន្ថែមទៀត ដើម្បីបំពេញតម្រូវការសម្រាប់អតិថិជនរបស់ខ្លួន ។
ភោជនីយដ្ឋាន ម៉ារឹហ្គាមិ អ៊ុដុង មានមុខម្ហូមពិសេស គឺ មី អ៊ុដុង ដែលធ្វើពីស្រូវសាឡីសុទ្ធ ១០០ ភាគរយ មានរសជាតិឈ្ងុយឆ្ងាញ់ មានសុខភាពល្អ ដោយមិនធ្វើឱ្យក្តៅក្នុងដូចមីដទៃទៀតនោះទេ ។ ក្រៅពីនេះ ម៉ារឹហ្គាមិ អ៊ុដុង សាខាទួលទំពូង នៅមានមុខម្ហូបចំនួន១៥មុខផ្សេងទៀត ដែលក្នុងនោះក៏មានបញ្ចូលនូវមុខម្ហូបបាយចំនួន៥មុខបែបជប៉ុនផងដែរ ហើយរាល់មុខម្ហូប និងភេសជ្ជៈទាំងអស់នៅ ម៉ារឹហ្គាមិ អ៊ុដុង សុទ្ធតែបានគិតគូដល់សុខភាពរបស់អតិថិជន ព្រមជាមួយតម្លៃសមរម្យផងដែរ ។
កាន់តែអស្ចារ្យជាងនេះទៅទៀតនោះ គឺសម្រាប់អ្នកចូលចិត្តអាហារជប៉ុនហាង ម៉ារឹហ្គាមិ អ៊ុដុង ជាហាងអាហារ Fast foods បែបជប៉ុនដ៏ពេញនិយម និងល្បីឈ្មោះដែលមានអាហារស្រស់ៗ ចម្អិនភ្លាមៗ ហើយជាពិសេស មី អ៊ុដុង គឺធ្វើដោយដៃភ្លាមៗស្រស់ៗតែម្តងជាមួយរសជាតិឆ្ងាញ់ហើយតម្លៃសមរម្យ ។
ភោជនីយដ្ឋាន ម៉ារឹហ្គាមិ អ៊ុដុង សាខាទួលទំពូង មានអាសយដ្ឋានផ្ទះលេខ ២១០, ២០៨ E0 និង ២០៨ E1 ផ្លូវ ១៥៥ ភូមិ ១ សង្កាត់ទួលទំពូង ១ ខណ្ឌចំការមន រាជធានីភ្នំពេញ មានទីកន្លែងងាយស្រួលចតយានយន្ត ព្រមទាំងបានរចនាហាងដោយមានកញ្ចក់នៅជុំវិញដែលធ្វើឱ្យភ្ញៀវចូលមកហាងនេះមានអារម្មណ៍ថា មានលក្ខណៈដូចនៅធម្មជាតិខាងក្រៅយ៉ាងដូច្នោះដែរ ។
សូមបញ្ជាក់ផងដែរថា ភោជនីយដ្ឋាន ម៉ារឹហ្គាមិ អ៊ុដុង នៅទូទាំងពិភពលោកមានជិត ២០០០ សាខា ហើយសម្រាប់ប្រទេសកម្ពុជា ម៉ារឹហ្គាមិ អ៊ុដុង សាខាទួលទំពូងនេះ ក៏សង្ឃឹមថា នឹងមានការគាំទ្រច្រើនដូចនៅសាខាទី ១ បឹងកេងកងផងដែរ ។
លោក ហង្ស វិចិត្រ ប្រធានគ្រប់គ្រងទូទៅនៃក្រុមហ៊ុន តាខា ហ្វាញ ដាយនីង (ខេមបូឌា) ឯ.ក បានឱ្យដឹងថា ការបើកភោជនីយដ្ឋាននេះក៏រួមចំណែកពង្រឹងសេដ្ឋកិច្ចកម្ពុជាផងដែរដោយបានជួយបង្កើតការងារធ្វើជាដើម ។ នៅឆ្នាំក្រោយៗទៀតលោកមានបំណងបើកសាខាឱ្យបានកាន់តែច្រើនថែមទៀត ដើម្បីឱ្យជនជាតិខ្មែរជាពិសេសសិស្ស-និស្សិតមានការងារធ្វើកាន់តែច្រើនដែលនេះជាការរួមចំណែកជួយដល់សង្គមផងដែរ ។
លោក Nobuki Murakami ដែលជាឯកអគ្គរាជទូតជប៉ុនតែងតាំងថ្មីដែលទើបតែមកដល់ប្រទេសកម្ពុជា បានរយៈពេល៥ថ្ងៃមុននេះបានមានប្រសាសន៍នៅក្នុងពិធីសម្ពោធហាង ម៉ារឹហ្គាមិ អ៊ុដុង សាខាទួលទំពូងថា នេះជាការចូលរួមព្រឹត្តិការណ៍លើកដំបូងរបស់លោកក្នុងនាមជាឯកអគ្គរាជទូតថ្មី ។
លោកបន្តថា ប្រទេសកម្ពុជាមានការអភិវឌ្ឍន៍យ៉ាងលឿន ជាពិសេសនៅក្នុងរាជធានីភ្នំពេញ ទន្ទឹមនឹងនេះដែរ ជីវិតរស់នៅរបស់ប្រជាជនក៏មានលក្ខណៈសម្បូរបែប ហើយការនិយមម្ហូបជប៉ុនក៏កាន់តែមានការកើនឡើងយ៉ាងឆាប់រហ័ស ។ វត្តមានហាង ម៉ារឹហ្គាមិ អ៊ុដុង នៅកម្ពុជា បានធ្វើឱ្យម្ហូបជប៉ុនកាន់តែមានភាពជិតស្និតជាមួយនិងប្រជាជនកម្ពុជា ៕ ដោយសហការ (កែសម្រួលដោយ ៖ បុប្ផា)
ចែករំលែកព័តមាននេះ