ខេត្តកណ្តាល ៖ គ្រោះថ្នាក់ចរាចរណ៌ដ៏រន្ទត់មួយបានកើតឡើងបណ្តាលឱ្យបុរសម្នាក់ស្លាប់យ៉ាងអាណោចអាធ័ម ខណៈកំពុងបើកម៉ូតូត្រូវរថយន្តបើកបុក ។ ហេតុការណ៍នេះបានកើតឡើងនៅថ្ងៃទី០៧ ខែកញ្ញា ឆ្នាំ២០១៩ វេលាម៉ោង០៨និង៣០នាទីព្រឹក នៅលើផ្លូវជាតិលេខ១…
ខេត្តកណ្តាល ៖ គ្រោះថ្នាក់ចរាចរណ៌ដ៏រន្ទត់មួយបានកើតឡើងបណ្តាលឱ្យបុរសម្នាក់ស្លាប់យ៉ាងអាណោចអាធ័ម ខណៈកំពុងបើកម៉ូតូត្រូវរថយន្តបើកបុក ។ ហេតុការណ៍នេះបានកើតឡើងនៅថ្ងៃទី០៧ ខែកញ្ញា ឆ្នាំ២០១៩ វេលាម៉ោង០៨និង៣០នាទីព្រឹក នៅលើផ្លូវជាតិលេខ១ ក្នុងចន្លោះគីឡូម៉ែត្រលេខ២៣-២៤ ចំណុច ភូមិដីឥដ្ឋកោះផុស៣ ឃុំដីឥដ្ឋ ស្រុកកៀនស្វាយ ខេត្តកណ្តាល ។
សមត្ថកិច្ចបានឲ្យដឹងថា មុនពេលកើតហេតុមានម៉ូតូម៉ាក SUZUKI ViVa ពណ៌ខ្មៅ ពាក់ផ្លាកលេខ កណ្តាល 1P-9626 បើកបរដោយឈ្មោះង៉ែត ឆៃ ភេទប្រុស មានអាយុ៣២ឆ្នាំ ជនជាតិខ្មែរ មានទីលំនៅភូមិតារាបដូនស ឃុំគគីរ ស្រុកកៀនស្វាយ ខេត្តកណ្តាល ដែលបើកបរមានទិសដៅពីអ្នកលឿងទៅភ្នំពេញ តាមផ្លូវជាតិលេខ១ ។
ពេលបើកមកដល់កន្លែងកើតហេតុក៏មានរថយន្ត០១គ្រឿង ប្រភេទរថយន្តដឹកដីបែន5តោន ពណ៍ស មិនចាំផ្លាកលេខ អ្នកបើកបរមិនស្គាល់អត្តសញ្ញាណបានបើកបរក្នុងទិសដៅផ្ទុយគ្នា ហើយបានជែងរថយន្តទៅបុកជាមួយម៉ូតូចំពេញទំហឹងពីចំហៀងខាងឆ្វេងបណ្តាលឱ្យអ្នកបើកបរម៉ូតូស្លាប់ភ្លាមនៅកន្លែងកើតហេតុ ។ រថយន្តបង្កបានបើករត់គេចបាត់ចេញពីកន្លែងកើតហេតុមុនពេលសមត្ថកិច្ចទៅដល់ ។
ក្រោយពេលកើតហេតុសមត្ថកិច្ចបានចុះទៅដល់កន្លែងកើតហេតុបានពិនិត្យមើលឃើញថា ជនរងគ្រោះពិតជាមានរថយន្តបុកម៉ូតូពិតប្រាកដមែនហើយក៏ប្រគល់សាកសពទៅឲក្រុមគ្រួសារយកធ្វើទៅបុណ្យតាមប្រពៃណី ។ ចំណែកឯម៉ូតូខូចខាតធ្ងន់ជំនាញចរាចរណ៌សណ្តាប់ធ្នាប់ស្រុកកៀនស្វាយ ធ្វើការវាស់វែងយកមករក្សាទុកជាភស្តុតាងនៅអធិការដ្ឋាននគរបាលស្រុកកៀនស្វាយ ៕
កែសម្រួលដោយ ៖ សំណាង
ចែករំលែកព័តមាននេះ