រាជធានីភ្នំពេញ ៖ សេចក្តីរាយការណ៍ឱ្យដឹងថា កាលពីព្រឹកថ្ងៃទី៦ កញ្ញា នៅទីបញ្ជាការដ្ឋានកងរាជអាវុធ ហត្ថរាជធានីភ្នំពេញ មានធ្វើពិធីប្រកាសតែងតាំងមេបញ្ជាការកងរាជអាវុធខណ្ឌថ្មីចំនួន៣រូប ដែលពិធីនេះប្រារព្ធឡើង ក្រោមអធិបតីភាពលោកឧត្តមសេនីយ៍ឯក…
រាជធានីភ្នំពេញ ៖ សេចក្តីរាយការណ៍ឱ្យដឹងថា កាលពីព្រឹកថ្ងៃទី៦ កញ្ញា នៅទីបញ្ជាការដ្ឋានកងរាជអាវុធ ហត្ថរាជធានីភ្នំពេញ មានធ្វើពិធីប្រកាសតែងតាំងមេបញ្ជាការកងរាជអាវុធខណ្ឌថ្មីចំនួន៣រូប ដែលពិធីនេះប្រារព្ធឡើង ក្រោមអធិបតីភាពលោកឧត្តមសេនីយ៍ឯក រ័ត្ន ស្រ៊ាង មេបញ្ជាការរងកងរាជអាវុធហត្ថលើផ្ទៃប្រទេស និងជាមេបញ្ជាការកងរាជអាវុធហត្ថរាជធានីភ្នំពេញ ។
មេបញ្ជាការខណ្ឌថ្មី៣រូបនោះមាន៖
១-លោកវរសេនីយ៍ឯក ឃួន សំអុល អតីតមេបញ្ជាការកងរាជអាវុ ធហត្ថខណ្ឌចំការមន ត្រូវបានផ្លាស់ចេញ ទៅជាមេបញ្ជាការអាវុធ ហត្ថខណ្ឌបឹងកេងកងវិញ ។ ២-លោកវរសេនីយ៍ឯក ភួង សុភ័ក្ត្រ នាយរងសេនាធិការ នៃបញ្ជា ការដ្ឋានកងរាជអាវុធហត្ថរាជធានីភ្នំពេញ ត្រូវបានតែងតាំងជា មេបញ្ជាការអាវុធហត្ថខណ្ឌចំការមន និង៣-លោកវរសេនីយ៍ត្រី សៀង ចាន់ថុល មេបញ្ជាការរងខណ្ឌសែន សុខ ត្រូវបានតែងតាំងជាមេបញ្ជាការអាវុធហត្ថខណ្ឌកំបូល ។
ក្នុងពិធីនាពេលនោះដែរលោកឧត្តមសេនីយ៍ឯក រ័ត្ន ស្រ៊ាង បានមានមតិសំណេះសំណាលជាមួយកងកម្លាំងប្រដាប់អាវុធ ត្រូវខិតខំយកចិត្តទុកដាក់ ក្នុងការអនុវត្តច្បាប់ គោលនយោបាយរប់រាជរដ្ឋា ភិបាល ភូមិ-សង្កាត់ មានសុវត្ថិភាព ឲ្យបានកាន់តែល្អប្រសើរ និងការការពារសន្តិសុខ សុវត្ថិភាព សណ្តាប់ធ្នាប់របៀបរយ ជូនប្រជា ពលរដ្ឋក្នុងមូលដ្ឋាន ធ្វើឲ្យសង្គមជាតិ ប្រកបដោយភាពសុខសាន្ត ព្រមទាំងបានណែនាំ និងក្រើនរំលឹក ដល់នាយអាវុធហត្ថដែលទើបតែងតាំង និងផ្លាស់ប្តូរមុខងារ ត្រូវប្រឹងប្រែងបម្រើប្រជាពលរដ្ឋឲ្យបានល្អបន្ថែមទៀត ហើយត្រូវតែរក្សាសាមគ្គីភាព ឯកភាពផ្ទៃក្នុងតែមួយ មិនត្រូវបែងចែកបក្ខពួកនិយមនោះឡើយ ។
បន្ទាប់ពីពិធីប្រកាសចូលកាន់តំណែង នៃមេបញ្ជការកងរាជអាវុធហត្ថខណ្ឌទាំង៣ និងផ្សព្វផ្សាយ ផែនការ ការពារសន្តិសុខ សណ្តាប់ធ្នាប់ ជូនបងប្អូនប្រជាពលរដ្ឋ ក្នុងឱកាសបុណ្យកាន់បិណ្ឌ និងភ្ជំបិណ្ឌ ខាងមុខនេះត្រូវបានបញ្ចប់ លោកឧត្តមសេនីយ៍ឯក រ័ត្ន ស្រ៊ាង បានបែងចែកភេសជ្ជៈជាច្រើនរយកែស ដែលជាអំណោយរបស់សប្បុរសជន ជូនដល់បណ្តាអង្គភាពចំណុះ បញ្ជាការដ្ឋានកងរាជ អាវុធហត្ថរាជធានីភ្នំពេញទាំងអស់ ដើម្បីបានយកទៅប្រើប្រាស់ធ្វើបុណ្យទានតាមប្រពៃណី ក្នុងឱកាសបុណ្យភ្ជំបិណ្ឌនាពេលខាង មុខនេះ ។ (សម្រួលដោយ៖ ស្រីណា)
ចែករំលែកព័តមាននេះ