សុចរិតធម៌ដែលយើងបានសាងសន្សំមកអំពីជាតិមុនគឺជាសញ្ញារៀបចំជីវិតឱ្យបានកើតមកក្នុងកំណើតជាមនុស្ស និងជាដើមទុនមួយយ៉ាងសំខាន់សម្រាប់រើបម្រះចេញអំពីពិភពដ៏ខ្មៅងងឹតនៃអំពើអាក្រក់ ដែលជាកម្មពៀរវេរាជាប់តំណពីមួយជាតិទៅមួយជាតិ ។ ព្រោះថា អំពើអាក្រក់ ការព្យាបាទ បៀតបៀន ការឈ្នានីសគ្នា ការប្រព្រឹត្តអមនុស្សធម៌…
សុចរិតធម៌ដែលយើងបានសាងសន្សំមកអំពីជាតិមុនគឺជាសញ្ញារៀបចំជីវិតឱ្យបានកើតមកក្នុងកំណើតជាមនុស្ស និងជាដើមទុនមួយយ៉ាងសំខាន់សម្រាប់រើបម្រះចេញអំពីពិភពដ៏ខ្មៅងងឹតនៃអំពើអាក្រក់ ដែលជាកម្មពៀរវេរាជាប់តំណពីមួយជាតិទៅមួយជាតិ ។
ព្រោះថា អំពើអាក្រក់ ការព្យាបាទ បៀតបៀន ការឈ្នានីសគ្នា ការប្រព្រឹត្តអមនុស្សធម៌ វាជាអន្លង់ភក់ដ៏ខ្មៅងងឹតនៃកាមគុណតែប៉ុណ្ណោះ វាជាការបម្រើកិលេសពិតៗ ហើយវាជាការងារដ៏សៅហ្មងសម្រាប់កំណើតរបស់ខ្លួនទៅក្នុងបរលោកនាយ ។
ដូចនេះមនុស្សលោកមិនត្រូវបណ្តោយប្រាណដោយក្តីប្រមាទឱ្យមានការលង់លិចក្នុងអន្លង់ខ្មៅងងឹតគឺភាពអវិជ្ជា ដែលជាដើមហេតុនាំជីវិតឱ្យទៅរកភាពថោកទាបនោះឡើយ ។
អ្នកប្រាជ្ញបានពោលថា ជីវិតនេះជារបស់ខ្ចីគេ ដូច្នេះក្នុងមួយកំណើតមនុស្សនេះ មានភារកិច្ចប្រព្រឹត្តតែអំពើល្អប៉ុណ្នោះ រួចហើយត្រូវសងជីវិតនេះឱ្យទៅម្ចាស់របស់គេវិញគឺ ជរា មរណៈ មិនអាចគេចផុត ចៀសរួចបានឡើយ ។ (ដោយសាន សារិន)
ចែករំលែកព័តមាននេះ