រាជធានីភ្នំពេញ ៖ សេចក្តីរាយការណ៍ឱ្យដឹងថា ខ្យល់កន្ត្រាក់មួយបានបោកបក់យ៉ាងខ្លាំង បណ្តាលប៉ើងដំបូលស័ង្កសីផ្ទះប្រជាពលរដ្ឋចំនួន១៧ខ្នងឯណោះ ខណៈពុំមានភ្លៀងធ្លាក់នោះ ដែលហេតុការណ៍កើតឡើង កាលពីវេលាម៉ោង១និង១៥នាទីរសៀលថ្ងៃទី៦ កញ្ញា ស្ថិតក្នុងក្រុម១៥ ភូមិមត្តភាព សង្កាត់ប្ញស្សីកែវ ខណ្ឌប្ញស្សីកែវ រាជធានីភ្នំពេញ ។
សេចក្តីរាយការណ៍បន្តថា នារសៀលនោះ មេឃមានភាពងងឹតខ្មៅដុំៗ ហើយតែមានរលឹមតក់ៗតិចដែរ តែមិនភ្លៀងខ្លាំងទេ បែរមានខ្យល់កន្ត្រាក់បោកយ៉ាងខ្លាំង បណ្តាលអោយដំបូលស័ង្កសីផ្ទះរបស់ប្រជា ពលរដ្ឋជាច្រើនខ្នងបានរបើកតែម្តង ។
តាមរបាយការណ៍របស់នគរបាលប៉ុស្តិ៍បានអោយដឹងថា ដំបូលស័ង្កសីផ្ទះរបស់ប្រជាពលរដ្ឋចំនួន១៧ខ្នងបានរងការខូចខាត ។ ទោះបីជាយ៉ាងណា នគរបាលអះអាងថា ពុំមានលំនៅឋានណាបាក់រលំ ឬមានមនុស្សបានរងគ្រោះថ្នាក់នោះទេ ។ (សម្រួលដោយ៖ ស្រីណា)
ចែករំលែកព័តមាននេះ