ខេត្តព្រះសីហនុ ៖ បន្ទាប់ពីមានការចរចារសម្របសម្រួលជាច្រើនឆ្នាំកន្លងមកទីបំផុត នៅ ថ្ងៃទី៥ ខែកញ្ញា ឆ្នាំ២០១៩ ប្រជាពលរដ្ឋរស់នៅតាមចិញ្ចើមផ្លូវនៅចំណុចស្ពានឆេះភូមិ6ក្រុង-ខេត្តព្រះសីហនុ ចំនួន៤៥គ្រួសារ បានការសម្រេចចិត្តរុះរើសំណង់របស់ខ្លួនចេញពីចិញ្ចើមផ្លូវអស់ហើយដោយរដ្ឋបាលខេត្តបានធ្វើការដោះដូរជូនពួកគាត់…
ខេត្តព្រះសីហនុ ៖ បន្ទាប់ពីមានការចរចារសម្របសម្រួលជាច្រើនឆ្នាំកន្លងមកទីបំផុត នៅ ថ្ងៃទី៥ ខែកញ្ញា ឆ្នាំ២០១៩ ប្រជាពលរដ្ឋរស់នៅតាមចិញ្ចើមផ្លូវនៅចំណុចស្ពានឆេះភូមិ6ក្រុង-ខេត្តព្រះសីហនុ ចំនួន៤៥គ្រួសារ បានការសម្រេចចិត្តរុះរើសំណង់របស់ខ្លួនចេញពីចិញ្ចើមផ្លូវអស់ហើយដោយរដ្ឋបាលខេត្តបានធ្វើការដោះដូរជូនពួកគាត់ ទំហំ ៥.មx២០.ម ក្នុងមួយគ្រួសារ១ឡូត៍មានទីតាំងនៅផ្លូវចូលទៅតំបន់រមណីយដ្ឋានក្បាលឆាយស្ថិតនៅក្នុងភូមិ 1 សង្កាត់លេខ 1 ក្រុងព្រះសីហនុ បន្ទាប់ពីពួកគេបានរស់នៅទីនោះ៤អាណត្តិចៅហ្វាយខេត្តព្រះសីហនុរួចមកហើយ ។
ថ្លែងក្នុងពិធីប្រគល់ជូន ប្រជាពលរដ្ឋ នារសៀលថ្ងៃទី៥ កញ្ញា លោក គួច ចំរើន អភិបាលខេត្តព្រះសីហនុបានបញ្ជាក់ថា បន្ទាប់ពីទទួលបានគោលនយោបាយដីសម្បទានសង្គមកិច្ចពីរាជរដ្ឋាភិបាល ដើម្បីដោះដូរជូនបងប្អូនប្រជាពលរដ្ឋ នាពេលនេះធ្វើឱ្យពួកគាត់សប្បាយចិត្តទទួលយកដោយស្ម័គ្រចិត្តក្នុងការរួមចំណែកជាមួយរាជរដ្ឋាភិបាលលើកកម្ពស់សោភណភាព បរិស្ថាន និងរបៀបរៀបរយនៅតាមដងផ្លូវនេះ ។
កន្លងមកពួកគាត់រស់នៅលើចិញ្ចើមផ្លូវដោយខុសច្បាប់ប្រឈមបញ្ហាជាច្រើនមានដូចជា គ្រោះថ្នាក់ចរាចរណ៍ជាដើម ។ តាមរយៈការផ្តល់ដីគោលនយោបាយនេះពួកគាត់រស់កាន់កាប់ដោយស្របច្បាប់តកូនចៅចាប់ពីពេលនេះតទៅ ។
ទន្ទឹមនេះផងដែរអភិបាលខេត្តព្រះសីហនុក៏សន្យាថា នឹងរៀបចំតបណ្ដាញទឹក និងភ្លើងជូនប្រជាពលរដ្ឋដោយឥតគិតថ្លៃ និងមានគម្រោងស្ថាបនាផ្លូវបេតុងចូលទៅតំបន់ដែលបានចែកដីជូននេះផងដែរនៅឆ្នាំក្រោយនេះ។
សូមបញ្ជាក់ផងដែរថា នៅព្រឹកថ្ងៃទី៥ ខែកញ្ញា ឆ្នាំ២០១៩ ដំណើរការរុះបានចាប់ផ្តើមដើម្បីបញ្ជូនទៅទីតាំងថ្មីដោយអាជ្ញាធរខេត្តព្រះសីហនុបានរៀបចំជួយដឹកជញ្ជូនសម្ភារពីកន្លែង រុះរើយកទៅដាក់នៅកន្លែងថ្មី និងផ្តល់សម្ភារមួយចំនួនដូចជា ស័ង្កសី តង់ សម្ភារប្រើប្រាស់ និងថវិកា ចំនួន២០ម៉ឺនរៀលក្នុងមួយគ្រួសារ ដើម្បីសម្រួលការលំបាកប្រជាជន ៕
កែសម្រួលដោយ ៖ សំណាង
ចែករំលែកព័តមាននេះ