ជំនិតលោក កឹម សុខា បន្ទោសលោក សម រង្ស៊ី កំពុងយកអ្នកគាំទ្រធ្វើខែលការពារ
- ភ្នំពេញ
រាជធានីភ្នំពេញ ៖ មនុស្សជំនិតរបស់លោក កឹម សុខា គឺលោក មុត ចន្ថា បានចំអកទៅលោក សម…
រាជធានីភ្នំពេញ ៖ មនុស្សជំនិតរបស់លោក កឹម សុខា គឺលោក មុត ចន្ថា បានចំអកទៅលោក សម…
រាជធានីភ្នំពេញ ៖ មនុស្សជំនិតរបស់លោក កឹម សុខា គឺលោក មុត ចន្ថា បានចំអកទៅលោក សម រង្ស៊ី ថាកំពុងតែយកអ្នកគាំទ្រខ្លួនធ្វើជារនាំងការពារខ្លួនតែប៉ុណ្ណោះ ដែលទង្វើនេះ ផ្ទុយពីលោក កឹម សុខា ស្រឡះ។
ការលើកឡើងបែបនេះរបស់លោក មុត ចន្ថា គឺស្របពេលដែលលោក សម រង្ស៊ី បាននិងកំពុងកៀរគរអ្នក គាំទ្រទាំងក្នុងនិងក្រៅប្រទេសដើម្បីមកគាំទ្រខ្លួន នៅថ្ងៃទី៩ ខែវិច្ឆិកាខាងមុខ ក្នុងការចូលស្រុកវិញ ។
លោក មុត ចន្ថា បានសរសេរលើបណ្តាញសង្គមនៅថ្ងៃទី៥ ខែកញ្ញា ស្របតាមសម្តីលោក កឹម សុខា ថា អ្នកដឹកនាំមិនត្រូវយកអ្នកគាំទ្រជារនាំងការពារខ្លួនទេ ។ លោកបន្តថា «ខ្ញុំបានដឹងហើយថា ជីវិតជាអ្នក ប្រកាន់ខ្ជាប់នូវគោលការណ៍ប្រជាធិបតេយ្យ និងក្នុងតួនាទីជាមេដឹកនាំបក្សប្រឆាំងនេះ នឹងអាចនាំមកនូវគ្រោះថ្នាក់និងការឈឺចាប់រាប់មិនអស់ ។
ខ្ញុំស្ម័គ្រចិត្តធ្វើពលីកម្មជូនជាតិនេះ មិនមែនខ្ញុំមិនចេះខ្លាច មិនមែនខ្ញុំមិនដឹងពីគ្រោះថ្នាក់ មិន មែនព្រោះខ្ញុំល្ងង់ តែនេះព្រោះខ្ញុំដឹងថា «តួនាទីជាអ្នកដឹកនាំ គឺខុសពីចៅហ្វាយឬថៅកែ» ។ ចៅហ្វាយឬថៅកែ គេជាអ្នកចាំយកលទ្ធផលពីការងាររបស់យើង តែអ្នកដឹកនាំគឺជាអ្នកដែលលះបង់មុនគេនិងច្រើនជាងគេ ដើម្បីជាគំរូដល់អ្នកគាំទ្រ» ។
លោក មុត ចន្ថា បានស្រង់សម្តីលោក កឹម សុខា ទៀតថា ៖ «ខ្ញុំបានបញ្ជាក់យ៉ាងច្បាស់ថាប្រសិនជាអ្នកដឹកនាំមិនហ៊ាន កុំរុញអ្នកគាំទ្រទៅពាំងឬធ្វើជារនាំង ។ រីឯអ្នកវិភាគលើកឡើងថា លោក កឹម សុខា ធ្លាប់យកអ្នកគាំទ្រជារនាំងការពារ កាលពីលោកត្រូវបានបង្ខាំងនៅក្នុងស្នាក់ការបក្សនៅឆ្នាំ២០១៦ ។
ប៉ុន្តែអ្នកវិភាគពុំយល់ភាពជាក់ស្តែងទាល់តែសោះ ព្រោះថា លោក កឹម សុខា ពុំបានរត់ចោលអ្នកគាំទ្រមួយជំហានណាទេនៅពេលនោះ គឺរូបលោកផ្ទាល់មានវត្ត មានជាប្រចាំជាមួយសកម្មជននិងអ្នកគាំទ្រជានិច្ច និងបានគិតគូរយកចិត្តទុកដាក់ចំពោះសុខុមាលភាព និងសុវត្ថិភាពរបស់ពួកគាត់យ៉ាងដិតដល់ ។
លោកបន្ថែមថា ចំណុចនេះខុសគ្នាពីអ្នកដឹកនាំដែលមិនហ៊ានប្រឈម និងមិនហ៊ានធ្វើ បែរជារុញច្រានអ្នក គាំទ្រទៅពាំងជំនួស រីឯខ្លួនឯងរត់យករួចខ្លួន ឬរស់នៅដោយមានសេចក្តីសុខត្រជាក់មេជើង ។ លោក មុត ចន្ថា បន្ថែមថា អ្នកដឹកនាំដែលមានគុណធម៌ មិនដែលរុញច្រានឲ្យអ្នកគាំទ្រខ្លួនធ្វើអ្វីដែលខ្លួនមិនហ៊ានធ្វើឡើយ ។
ក្នុងនាមជាឪពុកម្នាក់ ខ្ញុំតែងតែចង់ឲ្យកូនរបស់ខ្ញុំរស់នៅ ដោយសុវត្ថិភាព ដូច្នេះហើយខ្ញុំតែងតែជ្រើសរើសយកនិងណែនាំឲ្យកូនខ្មែរធ្វើការតស៊ូរដោយ អហិង្សា ទោះបីការតស៊ូរនោះត្រូវធ្វើឲ្យខ្ញុំរងគ្រោះក៏ដោយ ខ្ញុំសុខចិត្តទទួល ក្នុងនាមជាអ្នកដឹកនាំម្នាក់ ដោយមិនទុកឲ្យអ្នកគាំទ្រយកខ្លួនទៅពាំងជំនួសខ្ញុំជារៀងរហូតនោះទេ» ។
ចំណែកលោក សុខ ឥសាន អ្នកនាំពាក្យគណបក្សប្រជាជនកម្ពុជា បានឲ្យដឹងតាមប្រព័ន្ធតេឡេក្រាមថា ទណ្ឌិតរត់ចោលស្រុក សម រង្ស៊ី ច្បាស់ជាត្រូវធានាសុវត្ថិភាពនៅពេលទៅដល់កម្ពុជា ដោយសមត្ថកិច្ចនឹងអមដំណេីរចូលទៅក្នុងគុកដោយសុខសុវត្ថិភាព មិនអនុញ្ញាតឲ្យអ្នកណាប៉ះពាល់ដល់រូបកាយឡេីយ ។
ចំពោះរឿងលោក កឹម សុខា វិញលោកថា មេធាវីលោក កឹម សុខា នៅខ្ចីវស្សាណាស់ ហេតុនេះហេីយបានជាតុលាការផ្តល់បទពិសោធន៍ដល់មេធាវីឲ្យបានយល់ច្បាស់ ។
លោកបន្ថែមថា មិនមែនរាជរដ្ឋាភិបាលឃុំខ្លួនលោក កឹម សុខា នៅស្នាក់ការចាក់អង្រែ កាលពីពេលកន្លងមកទេ គឺការពិតលោក កឹម សុខា ក្លាហានឃុំខ្លួនដោយខ្លួនឯង ដេីម្បីចង់ បង្ហាញថាខ្លួនសុខចិត្តធ្វេីពលិកម្មដេីម្បីជាតិ ៕
ចែករំលែកព័តមាននេះ