ខេត្តព្រៃវែង ៖ ផ្ទះចំនួន២ខ្នងត្រូវអគ្គិភ័យឆាបឆេះអស់ទាំងស្រុង ហើយត្រូវបានអ្នកស្រុកអះអាងថា មកពីម្ចាស់ផ្ទះយកឌុយទូរទស្សន៍ដែលខូចដោតចោលក្នុងព្រីភ្លើងទុកចោលរាប់ខែមិនព្រមដកចេញ ទើបធ្វើអោយក្តៅរួចឆ្លងចរន្តអគ្គិសនី បណ្តាលឱ្យទុស្សេបង្កជាអគ្គីភ័យឆាបឆេះផ្ទះបែបនេះតែម្តង។ ហេតុការណ៍ខាងលើនេះបានបង្កការភ្ញាក់ផ្អើលកើតឡើងកាលពីវេលាម៉ោង៤ល្ងាចថ្ងៃទី៥ កញ្ញា នៅចំណុចផ្ទះកើតហេតុ…
ខេត្តព្រៃវែង ៖ ផ្ទះចំនួន២ខ្នងត្រូវអគ្គិភ័យឆាបឆេះអស់ទាំងស្រុង ហើយត្រូវបានអ្នកស្រុកអះអាងថា មកពីម្ចាស់ផ្ទះយកឌុយទូរទស្សន៍ដែលខូចដោតចោលក្នុងព្រីភ្លើងទុកចោលរាប់ខែមិនព្រមដកចេញ ទើបធ្វើអោយក្តៅរួចឆ្លងចរន្តអគ្គិសនី បណ្តាលឱ្យទុស្សេបង្កជាអគ្គីភ័យឆាបឆេះផ្ទះបែបនេះតែម្តង។
ហេតុការណ៍ខាងលើនេះបានបង្កការភ្ញាក់ផ្អើលកើតឡើងកាលពីវេលាម៉ោង៤ល្ងាចថ្ងៃទី៥ កញ្ញា នៅចំណុចផ្ទះកើតហេតុ ស្ថិតក្នុងភូមិឧត្តុង ឃុំព្រែកក្របៅ ស្រុកពាមរក៍ ខេត្តព្រៃវែង ។
ម្ចាស់ផ្ទះកើតហេតុមិនត្រូវបានស្គាល់អត្តសញ្ញាណនោះទេ ។
តាមប្រភពព័ត៌មានបានឱ្យដឹងថា ផ្ទះទាំង២ខ្នងដែលត្រូវអគ្គិភ័យឆាបឆេះអស់ខាងលើនេះ ក្នុងនោះផ្ទះមួយខ្នងជាប្រភេទផ្ទះឈើលើ ខាងក្រោមថ្ម ដំបូលសង្ក័សី មានទំហំ៦ម៉ែត្រគុណនឹង១២,៥ម៉ែត្រ ចំណែកផ្ទះមួយខ្នងទៀតជាប្រភេទផ្ទះឈើលើ ខាងក្រោមថ្ម ដំបូលសង្ក័សី មានទំហំ៧ម៉ែត្រគុណនឹង១១,៥ម៉ែត្រ។
តាមប្រភពព័ត៌មានបានឱ្យដឹងបន្តថា ពេលកើតមានអគ្គិភ័យឆាបឆេះផ្ទះ២ខ្នងខាងលើ ត្រូវបានកំលាំងសមត្ថកិច្ចប្រើប្រាស់រថយន្តពន្លត់អគ្គិភ័យមកបាញ់ពន្លត់អស់ទឹកចំនួន៦រថយន្ត និងប្រើពេលពន្លត់អស់ជិត២ម៉ោង ទើបអណ្តាតភ្លើងរលត់ជាស្ថាពរនៅវេលាម៉ោង៦និង៣០នាទីថ្ងៃដដែល ប៉ុន្តែផ្ទះទាំង២ខ្នង រួមទាំងទ្រព្យសម្បត្តិដែលនៅខាងក្នុងផ្ទះផងនោះ ត្រូវភ្លើងឆេះអស់ទាំងស្រុង។
សមត្ថកិច្ចបានបញ្ជាក់ប្រាប់ថា គ្រោះអគ្គីភ័យនេះបានបណ្តាលអោយរងការខូចខាតទ្រព្យសម្បត្តិគិតជាទឹកប្រាក់សរុបជិត៤ម៉ឺនដុល្លារ ប៉ុន្តែមិនបានបណ្តាលអោយមានគ្រោះថ្នាក់ ដល់មនុស្សណាម្នាក់ឡើយ ៕ (កែសម្រួលដោយ ៖ ធីតា)
ចែករំលែកព័តមាននេះ