ខេត្តឧត្តរមានជ័យ ៖ លោក ញើន កួន ប្រធានមន្ទីរធន់ធានទឹក និងឧតុនិយមខេត្តឧត្តរមានជ័យបានអោយដឹងថា ស្ថានភាពទឹកជំនន់ទូរទៅក្នុងខេត្តរហូតមកដល់ពេលនេះពុំបានវាយប្រហារធ្ងន់ធ្ងរដល់លំនៅដ្ឋាន ស្រែចំការ ឬតាមប្រព័ន្ធធារាសាស្ត្រនានា នៅក្នុងខេត្តឧត្តរមានជ័យនៅឡើយនោះទេ ។
លោកបញ្ជាក់ថា ក្នុងករណីកម្រិតទឹកភ្លៀងនៅតែបន្តធ្លាក់ក្នុងបរិមាណចាប់់ពី១០០mmឡើងទៅ ដែលអំឡុងចាប់ពី២ទៅ៣ថ្ងៃជាប់គ្នាខាងមុខទៀតក៏នឹងអាចតំបន់មួយចំនួនរងការជន់លិចពីជំនន់ទឹកភ្លៀងផងដែរ ។
លោកបន្តថា កម្រិតទឹកភ្លៀងធ្លាក់ពីខ្សោយទៅមធ្យមរហូតដល់ថ្ងៃទី២៥ ខែសីហា ឆ្នាំ២០១៩ មេឃភ្លៀងធ្លាក់ខ្លាំងចាប់ពី២៥mm ទៅ១០០mm ហើយមកដល់ព្រឹកថ្ងៃទី៤ ខែកញ្ញា ឆ្នាំ២០១៩ ទឹកជំនន់មិនទាន់ដល់ប្រកាសអាសន្នឡើយគឺស្ថិតនៅក្រោមការប្រុងប្រយ័ត្នប៉ុណ្ណោះ ក្នុងចំណោមប្រព័ន្ធធារាសាស្ត្រទូរទាំងខេត្តឧត្តរមានជ័យ តូច និងមធ្យម ចំនួន៧៨កន្លែង ។
អាងស្តុកទឹកមួយចំនួនមានទឹកពេញតាមស្តងដាកំណត់ និងត្រូវបើកបង្ហូរទឹកពីតំបន់អាងស្តុកទឹកនៅស្រុកត្រពាំងប្រាសាទ ឆ្លងកាត់ស្រុកអន្លង់វែង ក្រុងសំរោង និងស្រុកចុងកាល់ ព្រោះអាងស្តុកទឹកនៅផ្នែកចុងខេត្តដែលពុំមានទឹកគ្រប់គ្រាន់នោះឡើយ ។
លោកបានបន្ថែមថា នៅព្រឹកថៃ្ងទី៤ ខែកញ្ញា ឆ្នាំ២០១៩ បរិមាណទឹកភ្លៀងដែលបានធ្លាក់កម្ពស់១១០mm បានបង្កឲ្យមានជំនន់ទឹកភ្លៀងជន់លិចលើកំណាត់ជាតិប្រវែង១០០ម៉ែត្រ ស្ថិតនៅភូមិត្រាំប៉ោង និងផ្លូវលំ ក្នុងភូមិអូររំដួល ឃុំព្រះប្រឡាយ ស្រុកត្រពាំង ប្រាសាទ ។
ដោយឡែក ចំពោះសំពាធភ្លៀងនៅតែធ្វើអោយតំបន់ទំនប់០៥បានបង្កឲ្យមានជំនន់ទឹកភ្លៀងហូរកាត់ផ្លូវលំប្រវែង១៣០ម៉ែត្រ ស្ថិតនៅភូមិអូរស្វាយ ឃុំអូរស្វាយ ស្រុកត្រពាំងប្រសាទ ។ ក្នុងនោះតំបន់ប្រវត្តិសាស្ត្រ បឹងតាម៉ុក ស្ថិតនៅសស្រុកអន្លង់វែ បានឡើងដល់ភាពប្រុងប្រយ័ត្ន៣,៥០ម៉ែត្រ លោកប្រធាន បានដឹកនាំក្រុមការងារមន្ទីរធនធានទឹក និងឧតុនិយមខេត្តឧត្តរមានជ័យ បានបញ្ជូនគ្រឿងចក្រមកដល់អាងទឹកតាម៉ុកហើយ ដើម្បីត្រៀមលក្ខណៈអន្តរាគមន៍ជំនន់ទឹកភ្លៀង ៕
កែសម្រួលដោយ ៖ សំណាង
ចែករំលែកព័តមាននេះ