ខេត្តព្រះសីហនុ ៖ តាមសេចក្តីរាយការណ៍បឋមបានឲ្យដឹងថា ក្រោយពីបិទផ្អាកចរាចរណ៍ច្រើនម៉ោងកាលពីយប់មិញ មកទល់នឹងម៉ោង៦ព្រឹកថ្ងៃទី៥ កញ្ញានេះ អជ្ញាធរបានបើកអោយធ្វើចរាចរណ៍ឆ្លងកាត់ឡើងវិញជាធម្មតាហើយ តែបានតែរថយន្តតូចៗ ។
ដោយមូលដ្ឋាន អហ ស្រុកកំពង់សិលា គិតទល់ពេលនេះ ស្ថានភាពកម្ពស់ទឹកនៅចំណុចស្ពានស្ទឹងសំរោង ចន្លោះគីឡូម៉ែត្រលេខ 115-116 ក្នុងភូមិសាស្ត្រ ភូមិស្ទឹងសំរោង ឃុំអូរបាក់រទេះ ស្រុកកំពង់សិលា ខេត្តព្រះសីហនុ ស្រកទៅវិញបាន ០.១៥(មួយតឹកកន្លះ) កម្ពស់ទឹក ៥.៧៥ម៉ែត្រពីបាតស្ទឹង ក្នុងនោះទឹកលើថ្នល់ជាតិ មានកម្ពស់ ០.២០ (តឹកកន្លះ) ហូរកាត់តាមបណ្តោយលើផ្លូវជាតិប្រវែងប្រហែល១០០ម៉ែត្រ អាកាសធាតុមេឃនៅតែបន្តភ្លៀងស្រិចៗដដែល។
ត្រង់ចំណុចស្ពានស្ទឹងសំរោង បើកអោយដំណើរការចរាចរណ៍តែរថយន្តតូចប្រភេទទេសចរណ៍ ចំណែករថយន្តធន់ធំ រួម និងរថយន្តដឹកទំនិញប្រភេទធ្ងន់ត្រូវបានផ្អាកមិនឲ្យធ្វើដំណើរការចរាចរណ៍ជាបណ្តោះអាសន្ន ។
បច្ចុប្បន្នកម្លាំងមូលដ្ឋាន អហ ស្រុកកំពង់សិលា និង អហ ស្នាក់ការសន្តិសុខ៤០២ សហការជាមួយកំម្លាំងគណបញ្ជាការឯកភាពរដ្ឋបាលស្រុកកំពង់សីលា នៅគោលដៅស្ពានស្ទឹងសំរោង បើកអោយចរាចរណ៍តែរថយន្តតូចប្រភេទទេសចរណ៍ ចំពោះរថយន្តធន់ធំ និងរថយន្តដឹកទំនិញប្រភេទធ្ងន់ធ្វើការបិទចរាចរណ៍ជាបណ្តោះអាសន្ន ៕ កែសម្រួលដោយ ៖ សុឃាក់
ចែករំលែកព័តមាននេះ