ខេត្តក្រចេះ ៖ បើទោះបីជាខេត្តក្រចេះ ស្ថានភាពទឹកជំនន់នៅមិនទាន់ហក់ឡើងដល់កំរិតប្រកាសអាសន្នយ៉ាងណាក្តី តែអាជ្ញាធរខេត្តបានត្រៀមលក្ខណៈគ្រប់គ្រាន់ក្នុងការត្រៀមសង្គ្រោះ ខណៈដែលមានសត្វ ពាហនៈគោ ក្របី ជាច្រើនរយក្បាលនៅតាមស្រុកជាប់ដងទន្លេមេគង្គ ដែលកំពុងយាយីដោយការលិចលង់…
ខេត្តក្រចេះ ៖ បើទោះបីជាខេត្តក្រចេះ ស្ថានភាពទឹកជំនន់នៅមិនទាន់ហក់ឡើងដល់កំរិតប្រកាសអាសន្នយ៉ាងណាក្តី តែអាជ្ញាធរខេត្តបានត្រៀមលក្ខណៈគ្រប់គ្រាន់ក្នុងការត្រៀមសង្គ្រោះ ខណៈដែលមានសត្វ ពាហនៈគោ ក្របី ជាច្រើនរយក្បាលនៅតាមស្រុកជាប់ដងទន្លេមេគង្គ ដែលកំពុងយាយីដោយការលិចលង់ ត្រូវបានអាជ្ញាធរជម្លៀសទៅកាន់ទីទួលសុវត្ថិភាពជាបណ្តើរៗទៅហើយនោះ។ នេះបើតាមការអះអាងពីលោកវ៉ា ថន អាភិបាលខេត្តក្រចេះ ។
អភិបាលខេត្តក្រចេះ និងជាប្រធានគណៈបញ្ជាការឯកភាពខេត្ត លោក វ៉ា ថន បានឱ្យដឹងកាលពីរសៀលថ្ងៃទី៣ កញ្ញា ដោយលោកបានលើកឡើងថា អាជ្ញាធរបានរៀបចំទីទួលសុវត្ថិភាពចំនួន១១កន្លែង សម្រាប់ជម្លៀសពលពលរដ្ឋចេញពីតំបន់តំបន់លិចលង់ ។ លើសពីនេះ ស្បៀងអារហារ និងថ្នាំសង្កូវ ក៏ដូចចាវ៉ាក់ សាំងសត្វគ្រប់ប្រភេទ ក៏ត្រូវបានអាជ្ញាធរត្រៀមរួចជាស្រេច សម្រាប់ផ្តល់ជូនដល់ពលរដ្ឋដែលជួបនិងការលិចលង់ដោយទឹកជំនន់ ។
ទឹកជំនន់ទន្លេមេគង្គខេត្តក្រចេះ ត្រូវបានគេមើលឃើញថា កំពុងតែមានសន្ទុះហក់ឡើងខ្លាំងពីមួយថ្ងៃទៅមួយថ្ងៃ បន្ទាប់ពីខេត្តដែលជាប់ដងទន្លេមេគង្គដែលតែងតែងាយលិចលង់នេះ ក៏ទទូលរងនូវជ្រលងសម្ពាធទាបជាបន្តបន្ទាប់ដូចទៅនិងបណ្តាខេត្តដទៃដែរនោះ ។
ទន្ទឹមនិងសន្ទុះទឹកជំនន់ ដែលបានជន់ឡើងខ្លាំង នាអំឡុងរយៈពេលប៉ុន្មានថ្ងៃចុងក្រោយជាប់ៗគ្នានេះ អភិបាលខេត្តក្រចេះ លោក វ៉ា ថន បានអំពាវនាវដល់បងប្អូន ប្រជាពលរដ្ឋ ដែលរស់នៅតាមតំបន់វាល ទំនាប ដែលងាយនិងលិចលង់ ឱ្យមានការយកប្រុងប្រយ័ត្នខ្ពស់ ចំពោះស្ថានភាពរស់នៅ ដើម្បីចៀសវាងការកើតមានគ្រោះថ្នាក់ជាយថាហេតុ ។
សម្រាប់ខេត្តក្រចេះ មានស្រុកចំនួន៤ និងក្រុង១ ក្នុងចំណោមស្រុកទាំង៥ ដែលសុទ្ធសឹងតែមានទីតាំងនៅតាមវាលទំនាបជាប់និងដងព្រែកទន្លេ ដែលងាយនិងលិចលង់ជារៀងរាល់ឆ្នាំ ។ (សម្រួលដោយ៖ ស្រីណា)
ចែករំលែកព័តមាននេះ