ប្តីប្រពន្ធមួយគូទើបតែរៀបការរួចនាំគ្នាទៅក្រេបទឹកឃ្មុំនៅសណ្ឋាគារខ្នាតផ្កាយ៥ កំពុងដេកលើគ្រែប្រុងប្រៀបបើកប្រតិបត្តិការ«អន្ទង់មាស ស្វែងរកកំណប់»ស្រាប់តែប្រពន្ធខ្សឹបប្រាប់ប្តីថា ៖
-ប្រពន្ធ ៖ អូនមានរឿងមួយចង់ប្រាប់បងតាមត្រង់នៅពេលនេះ !
-ប្តី ៖ អូននិយាយមកចុះ បងចាំស្តាប់តែកុំនិយាយយូរពេក ពេលវេលាសម្រាប់យើងមកដល់ហើយ
-ប្រពន្ធ ៖ អូនចង់ជម្រាបបងថា អូនអត់មាននៅសល់ភាពបរិសុទ្ធទេ
-ប្តី ៖ អូ…មានទៅស្អី ។ ចុះអូនបានប្រគល់ភាពបរិសុទ្ធរបស់អូនទៅឱ្យបុរសណា?
-ប្រពន្ធ ៖ ចា៎ស…អូនធ្លាប់គេងជាមួយបង ខ្លា (ឈ្មោះដាក់ឱ្យ)
-ប្តី ៖ អូ…ជើងឯកវាយកូនហ្គោលនោះមែនទេ? គេជាអ្នកមានថែមទាំងសង្ហា និងលេងកីឡាពូកែទៀត ស្រីណាក៏ស្រលាញ់ដែរ ។
បន្ទាប់មកអ្នកទាំងពីរក៏ចាប់ផ្តើមបើកឆាកស្វែងរកកំណប់ លុះពេលចប់ប្រតិបត្តិការបុរសជាប្តីក៏បានដើរសំដៅទៅតុទូរស័ព្ទ ។ ប្រពន្ធក៏បានសួរ ៖
-ប្រពន្ធ ៖ បងធ្វើអីហ្នឹង?
-ប្តី ៖ អស់កម្លាំងណាស់ បងចង់ហៅអ្នកបម្រើសណ្ឋាគារយកទឹកដោះគោឆៅ និងនំមកញ៉ាំ ។
-ប្រពន្ធ ៖ បង ខ្លា មិនធ្វើដូចបងចឹងទេ
-ប្តី ៖ ចុះគេធ្វើយ៉ាងម៉េច ?
-ប្រពន្ធ ៖ គាត់ចាប់ផ្តើមតង់ទី២ទៀត
គ្រាន់តែឮប្រពន្ធនិយាយដូច្នេះប្តីប្រឹងត្រដរឡើងគ្រែវិញ លុះរួចរាល់ប្រតិបត្តិការលើកទី២ បុរសជាប្តីក៏ងើបសំដៅទៅតុទូរស័ព្ទទៀត តែប្រពន្ធសួរទៀត ៖
-ប្រពន្ធ ៖ បងប្រុងធ្វើអីហ្នឹង?
-ប្តី ៖ ហៅគេយកទឹកដោះគោ និងនំមកញ៉ាំ…អស់កម្លាំងណាស់ !
-ប្រពន្ធ ៖ បង ខ្លា មិនធ្វើអ៊ីចឹងដាច់ខាត…ចប់តង់ទី២គាត់បន្តចូលតង់ទី៣ទៀត ។
ឮដូច្នេះស្រាប់តែបុរសជាប្តីបង្ខំចិត្តឡើងគ្រែវិញ ប៉ុន្តែទោះបីជាយ៉ាងណាក៏គេខំប្រតិបត្តិការតង់ទី៣ឱ្យបានសម្រេច ដើម្បីផ្គាប់ចិត្តប្រពន្ធកុំឱ្យនាងអស់សង្ឃឹម ។ ចប់ប្រតិបត្តិការលើកទី៣ គេដកដង្ហើមសឹងមិនដល់គ្នា ប្រឹងតោងជញ្ជាំងបោះជំហានសំដៅតុទូរស័ព្ទជាថ្មីម្តងទៀត ។ ប្រពន្ធងាកមករួចសួរទៀតថា ៖
-ប្រពន្ធ ៖ បងហៅគេយកនំ និងទឹកដោះគោមកញ៉ាំមែនទេ?
-ប្តី ៖ មិនមែនទេ…បងហៅរកជំនួយ
-ប្រពន្ធ ៖ ជំនួយស្អី?
-ប្តី ៖ បងចង់ពឹងមិត្តភក្តិដែលស្គាល់លេខទូរស័ព្ទរបស់ បង ខ្លា ឱ្យមកជួយបងសម្រាប់តង់ទី៤…៕
(អត្ថបទនេះគ្រាន់តែសម្រាប់កម្សាន្តប៉ុណ្ណោះ ខុសទាស់លើសលួសត្រង់ណាស់សូមមេត្តាអធ្រាស្រ័យទុកជាមុន ! ) កែសម្រួលដោយ ៖ សំណាង
ចែករំលែកព័តមាននេះ