បើយើងចេះពិនិត្យ ចេះសម្លឹងមើលផ្នែកល្អរបស់មនុស្សឱ្យជាក់ច្បាស់ នោះយើងនឹងបាននូវប្រយោជន៍ពិត ព្រោះអ្នកខ្លះទោះជាមានចំណែកអាក្រក់ កោងកាចច្រើនក៏ពិតមែនហើយ តែក៏គង់មាននូវចំណែកល្អខ្លះមិនខាន ។ ប្រៀបដូចដើមឈើ តាមធម្មតាដើមឈើរមែងមានប្រយោជន៍មិនដូចគ្នាទេ ហើយអ្នកណាដឹងនូវប្រយោជន៍នៃដើមឈើនោះ…
បើយើងចេះពិនិត្យ ចេះសម្លឹងមើលផ្នែកល្អរបស់មនុស្សឱ្យជាក់ច្បាស់ នោះយើងនឹងបាននូវប្រយោជន៍ពិត ព្រោះអ្នកខ្លះទោះជាមានចំណែកអាក្រក់ កោងកាចច្រើនក៏ពិតមែនហើយ តែក៏គង់មាននូវចំណែកល្អខ្លះមិនខាន ។
ប្រៀបដូចដើមឈើ តាមធម្មតាដើមឈើរមែងមានប្រយោជន៍មិនដូចគ្នាទេ ហើយអ្នកណាដឹងនូវប្រយោជន៍នៃដើមឈើនោះ ត្រង់ចំណែកណាក៏នាំយកចំណែកត្រង់នោះឯងមកធ្វើជាប្រយោជន៍ទៅ ។
ដើមឈើខ្លះមានប្រយោជន៍គ្រប់ចំណែក ទាំងឫស ទាំងដើម ទាំងសំបក ទាំងខ្លឹម ទាំងផ្កា ទាំងស្លឹក និងទាំងផ្លែ ហើយសុទ្ធតែជាប្រយោជន៍ក្នុងផ្នែកណានោះ គឺស្រេចហើយតែការចេះដឹងនិងការយល់របស់យើង ។
មនុស្សខ្លះពិតហើយថា គេជាជនអាក្រក់សឹងតែទាំងអស់ គឺទាំងកាយទាំងវាចាចិត្ត តែគេក៏បានមកជាតួយ៉ាងសម្រាប់ឲ្យយើងឃើញទៅតាមសេចក្តីពិតថា ធ្វើយ៉ាងហ្នឹងវាមិនល្អ វាជាការអាក្រក់ ដូច្នេះបើយើងមិនចង់ឲ្យខ្លួនយើងទៅជាមនុស្សអាក្រក់បែបនោះទេ យើងមិនត្រូវធ្វើដូច្នោះឡើយ ។
នេះជាប្រយោជន៍ដែលយើងត្រូវយកអ្នកនោះមកធ្វើជាឧទាហរណ៍សម្រាប់ការប្រព្រឹត្តរបស់យើងរាល់ថ្ងៃ ។ (ដោយសាន សារិន)
ចែករំលែកព័តមាននេះ