មិនមែនទាល់តែឱ្យរបស់ទ្រព្យទើបឈ្មោះថាធ្វើទាននោះទេ សាធុជនអាចធ្វើទានតាមរយៈការនិយាយស្ដីដោយប្រើពាក្យពេចន៍ល្អ សម្តីផ្អែមពីរោះជាលក្ខណៈលើកទឹកចិត្តជាមួយអ្នកដទៃ ឬអប់រំឱ្យស្ថិតក្នុងផ្លូវល្អ នេះហើយជាទានដ៏ប្រសើរ ។ ដោយហោចទៅសូម្បីតែអ្វីមួយដែលសាមញ្ញបំផុតដូចជា ការញញឹមដាក់ក៏អាចជួយអ្នកដទៃបានដែរ ប្រសិនបើស្នាមញញឹមនោះអាចធ្វើឲ្យពួកគេរីករាយចិត្ត និងធ្វើឲ្យភ្លឺថ្លាក្នុងការរស់នៅប្រចាំថ្ងៃ…
មិនមែនទាល់តែឱ្យរបស់ទ្រព្យទើបឈ្មោះថាធ្វើទាននោះទេ សាធុជនអាចធ្វើទានតាមរយៈការនិយាយស្ដីដោយប្រើពាក្យពេចន៍ល្អ សម្តីផ្អែមពីរោះជាលក្ខណៈលើកទឹកចិត្តជាមួយអ្នកដទៃ ឬអប់រំឱ្យស្ថិតក្នុងផ្លូវល្អ នេះហើយជាទានដ៏ប្រសើរ ។
ដោយហោចទៅសូម្បីតែអ្វីមួយដែលសាមញ្ញបំផុតដូចជា ការញញឹមដាក់ក៏អាចជួយអ្នកដទៃបានដែរ ប្រសិនបើស្នាមញញឹមនោះអាចធ្វើឲ្យពួកគេរីករាយចិត្ត និងធ្វើឲ្យភ្លឺថ្លាក្នុងការរស់នៅប្រចាំថ្ងៃ ។ អ្នកអាចជួយយកអាសាបុគ្គលណាម្នាក់ ដែលត្រូវការជំនួយ។ អ្នកអាចស្ម័គ្រចិត្តជួយដោយកម្លាំង និងការព្យាយាម ឬដោយធនធានរបស់អ្នកដល់មនុស្សដែលខ្សត់ខ្សោយ ។
អ្នកអាចចែករំលែកនូវចំណេះដឹងផ្នែកទ្រឹស្តីព្រះពុទ្ធដល់បុគ្គលណាមួយ ។ ការឱ្យចំណេះដឹងជាទានលោកចាត់ថាជាធម្មទាន ដែលប្រសើរជាងទាននានាទាំងអស់ក្នុងលោក ។
ចូរធ្វើទានដោយសេចក្ដីអាណិតអាសូរ សេចក្ដីករុណា និងការយល់ចិត្តអ្នកដទៃ ពិសេសធ្វើទានដល់អ្នកក្រ ជនចាស់ជរា ទុរគតជន អ្នកកំពុងស្រេកឃ្លាន នោះទានរបស់អ្នកនឹងមានផលច្រើន ។ (ដោយសាន សារិន)
ចែករំលែកព័តមាននេះ